Sakaryas 8:9 - Fanawbuid tagsibaliwas Fakayabian

⁹ Ay Yawi at Mabalyanan nalong yay fia te, “Dungugani: ‘Mabitsugi ay ugatani gina am kawat Yawi at bale.’ Ebi, ngay taglong at nafadog nawat Yawi at Mabalyanan at bale at fagfatungkudan turuk, nalong wan takatanya.

Sakaryas 8:9 ပူးပေါင်းရင်းမြစ်များ

1 Krunika 22:13

Ay nu nafafasludan tua ban o at ngay suguan ay at ngay faugali at nafon sa sangay taw Israel siginans Muisis, manabayan tua ban o gugat. Nu katanya, maksvni tua ay mabitsugi ay lag o kalimu ay kamomuy.

1 Krunika 28:20

Ay Dabid nalong yangay sat baguama Sulumun te, “Maksvni ay maseganamai. Fasigadi wan fawati. Lag o kalimu ay kamomuy, aroro Yawi, ku Dius galo emu. Kanya ban wa gubun ay wa gfabayan emu anggan antabu at bale.

2 Krunika 15:7

Dewa katanya, am maksvni tua ay lag kamomuy, aroro e fon ban fia ayu sa ay ngay nafakamulun.”

Esra 6:14

Nu katanya, ngay taw Udyu at ngay fagtainan gfataglayun nu gfakamulun kaduge Yawi at ngay taglong Agay ay Sakaryas, Iddu at baguama, gfabitsug at ngay amatanganan. Kanya fagayu nafatabu Yawi at bale kata Israel at Dius at suguan kata fun Sirus, Daryu, ay Artaserses, talun Persya at ngay fun at nafafakamulun.

Isayas 35:3

Nu katanya, gubuki tua takamomuy.

Isayas 35:4

Foyungi tua sas fagayu takalimu te, “Lag am kalimu. Faksvni tua ay amatanganan. Umdasug ban ay Dius laman gfasud ay ngay fawayan, ay namalangfe ayu.”

Agay 1:1

Gina sis faduak banwa taguna fag menit sis faunumk magdanun fun Daryu nu gfunan sis talun Persya, Yawi e nalong sas Serubabel ay sas Uswe siginans Agay, Yawi at taglong. Serubabel, Sealtiel at baguama, talun Uda at fun sirut, ay Uswe, Eusadak at baguama ay sik fun tagfon fanggalangun.

Agay 1:12

Ay Serubabel ay Uswe, ay anggan ngay taw Israel at kinfoli sas talun Israel siginan at fagatabananan fag talun Babilunya, nafaning tua ay nafafasludan Yawi at suguan at nadungug siginan at taglong Agay. Nu katanya, kanya fagayu gfalag te, gsuyu tua Yawi.

Agay 2:18

Gina sis faduak safulu e ufatk menit sis fasiamk magdanun, antabu wan nu kawat Yawi at bale at fagfatungkudan turuk. Siginan katsi fag menit, damai takafasludan.

Agay 2:21

“Nanlong o sas Serubabel te, nanguig kban banwa ay fagdaul daga.

Sakaryas 8:13

Ngay taw Uda ay Erusalem, tibak talun at taw nafaurianan ayu, dewa katanya, namalangfe au ayu, ay siginan ban ayu kanya ban fagayu tumoglag angku. Nu katanya, lag am kalimu, ay fabitsugi ay amatanganan.”

Sakaryas 8:18

Yawi at Mabalyanan nalong yangay sas Sakaryas te, “Galay sis faufat, sis falima, sis fafitu ay sis fasafuluk magdanun gdarangin am yud gfangon, ay ginanya ban fag ngay menit umsik mauseganan sa sangay taw Uda. Nu katanya, esugi tua fagmatuyanun ay fagmanabayanun.

Efesu 6:10

Ay sas fakatabuan ku longan, maksvni tua nu masadi am sa tam Fun ay siginan at fagmabalyananun at gubuk.

2 Timuteu 2:1

Ay o, ku sisian Timuteu, maksvni tua am amatanganan siginan tam Fun Isus at gubuk sa emu.

Uswe 1:6

Maksvni tua ay maseganamai, aroro o wan at nanfunan ngay taw, laman ban kanya fagayu magbilug ku nafatuyanan sat ngay mangaguyang fag talun.

Uswe 1:8

Lag o kalyam gtap Dius at Faugali. Amatangani tua gugat kayu menit ay yabi, laman sumaful tuo gfaning fagayu at marirukan sanya. Nu katanya tua ban am fakamulun, umkaksvn tua ban o ay gbabo.