Sakaryas 8:3 - Fanawbuid tagsibaliwas Fakayabian

³ Nangafoli au sas Siun, Erusalem fag furuan, ay namanwan au sanya. Ay gfangayan ban Erusalem te, at matuyan fag furuan, ay ku fagagbilugun fag buksul gfangayan te, at yud e malong fag buksul.

Sakaryas 8:3 ပူးပေါင်းရင်းမြစ်များ

Alubad. 2:6

Ay Dius nalong te, “Nafalunggung kwan ku nafili fag fun sat yud e malong fag Buksul Siun.”

Alubad. 48:1

Yawi mabalyanan; masine nu gfauseganan tam anya sit furuan, sat yud e malong fag buksul.

Nu Galin 29:45

Namasfuan au namanwan sa sangay taw Israel ay au wan kanya fagayu at Dius.

Isayas 1:21

Amatangani! Ebi furuan Erusalem sik matuyan oma fag furuan, ay katsi, kata way sik takamatugtug fag mangena. Ebi ngay taw tagbanwan sanya, matuyan oma, ay katsi, sik ngay takamabul way.

Isayas 1:26

Ay gdog kyay ban nanfili sik ngay tagwabilug ay sik ngay tagfalu longan laman sa ayu. Ay ay furuan ban kangayan te, sik matuyan ay tagkasakan fag furuan, aroro ngay tagbanwan sanya masine ay matuyan at ugali.”

Isayas 11:9

Wa ban e mananrasras ya Siun, ku filian fag buksul at yud e malong. Aroro fagdaul daga at ngay taw tumoglag ban Yawi, kata mamam nu nkapnu sas dagat.

Isayas 12:6

Ngay taw Siun, uroi alubadi nu guseganan am. Aroro mabalyanan si ayu taw Israel at Dius at yud e Malong.”

Isayas 32:16

Ay sis talun at yud e taw ay sit masine fag daga, nu e gfawabilugan, matuyan tua.

Isayas 60:14

Tagfalingun ban emu at ngay sisian umkakbang sa emu ay kamababaun. Ngay tagfauri emu gtudan ban sam daga salubangan, ay kanya ban fagayu gngayan emu te, Yawi at Furuan, ay mannga ‘Siun, Israel at Dius at yud e Malong at Furuan.’

Isayas 65:25

Ay ginanya ban fag ngay menit ngay idu talun ay ngay tupa magamut way nu gfangonan. Ay ngay liun ban ay baka magamut kon ngay makmak. Ay fagayu ban ule we gfangagat ya. Ay wa ban e namauri ya ay nanrasras ku nafili fag buksul at yud e malong. Au, Yawi, taglong tuy.”

Isayas 66:20

Ay kanya ban fagayu gina guli siginan sangay talun gtaban ban ay ngay kalongan. Kanya ban fagayu gsakay sit ngay kabayu, sit ngay mola, sit ngay kamelyu, ay sit ngay faguyudan. Ay gtaban ban sa ku nafili fag buksul at yud e malong tagsis Erusalem laman sik fanggalangun sa angku, kata ebi ngay taw Israel nu gfon at ngay fanggalangun si ku bale, fanggalangun fag ngay fakonun masuadan sit masine fag fagsuadan.

Isayas 8:18

Ste au ay anggan ku ngay sisian Yawi at nafon angku. Ami wan sik ngay fakatoglagan siginans Dius laman sa sangay taw Israel, sabaliwas Yawi at Mabalyanan tagbanwan sis Buksul Siun.

Eremyas 14:9

O kata yangay o sik taw at yud e fagmafakamulunun, ay sik tagfawayan at yud makatu gfalangfe? Yawi, dewa katanya, si tuo gugat emi, ay ami wan am ngay taw, nu katanya, lag o gfabayan emi.”

Eremyas 26:18

“Ebi gina Esekyas gfunan sis talun Uda, Mikas, tagsiginans Mureset, nalong Yawi at longan laman sa sangay taw Uda. Kanya nalong te, ‘Yawi at Mabalyanan nanrasras wan Siun, Erusalem fag furuan daul. Ay kafag furuan ban umkata sik fagtanuman at malian, ay sik fagfungsuan at kinkiklas fag ngay bale, ay at fagfalindugan Yawi at bale fag buksul umkata sik araw.’

Eremyas 31:23

Yawi at Mabalyanan, Israel at Dius glong te, “Gina kban nafafoli ngay taw Uda sat talun siginan at fagatabananan, kanya ban fagayu gdog yay glong te, ‘Yawi nangus gfadante at fagbanwanan fag buksul at yud e malong.’

Eremyas 33:16

Ay ginanya ban, ngay taw Uda umlangfe ay ngay taw Erusalem gbanwan manabayan. Ay gfangayan ban furuan Erusalem te, ‘Yawi wan Tam Fagmatuyanun.’ ”

Esekyel 48:35

“Nu katanya, fagdaul alad at kabaan siamk libuk sangbada. Ay siginan ginanya fag menit, furuan daul kangayan te, ‘Yawi gbanwan sanya.’ ”

Daniel 9:16

Em Fun, matuyan tuo, nu katanya gfainfanyuan au te, falyami wan nu kadotama o Erusalem, am nafili fag furuan ay fag buksul at yud e malong. Aroro siginan em ngay asalanan ay anggan em ngay mangaguyang at asalanan, ngay taw si em ngay ligung gfalingun Erusalem ay emi am ngay taw.

Uel 3:17

Yawi nalong te, “Ngay taw Uda, ginanya ban sumaful am te, au wan ay Dius Yawi tagbanwan sis Buksul Siun at yud e malong. Ay Erusalem ban umsik yud e malong, ay tiba bank talun at ngay tagfawayan wa manamawayan ya ayu.

Uel 3:21

Namasud kban at nafabul ku ngay taw. Ay namaurianan kban at nafakamulun takatanya. Au Yawi tagbanwan sis Siun.”

Mikas 4:1

Sa ban taguyan fag ngay menit, Yawi at bale at fagmalindugan fag buksul abat yap ay amafanud yap tua fagayu buksul, ay fagayu ban talun at ngay taw nangaful sanya.

Sefanias 3:13

Kanya ban fag ngay taw Israel di gfakamulun at mauri, di kamuag ay di gfandaya, ay gfangon tua ban ay gtiug manabayan ay di e fakalimuun.”

Sakaryas 1:16

“Nu katanya, Yawi nalong te, ‘Kafoli kban e fakafanyun sas Erusalem, ay gdog kban namawat ku bale. Ay Erusalem ban katanya tua gugat.’ Au, Yawi at Mabalyanan, taglong tuy.”

Sakaryas 12:6

“Ginanya ban fag menit, taw Uda at ngay tagfangguna namakata au singsing afuy tagigang sis tungud famaygang ay mannga kata sik tagigang fag sarab at nafasalung mafutusan fag fare. Ay namaurianan ngay furuan sit ligung, dewa katanya, ngay taw Erusalem di gafaurianan.

Sakaryas 14:10

Ginanya ban namadatag wan fagdaul talun Geba sas fawalan fag alvngvdan sitsigons Rimun ay sas fasiunan fag alvngvdan Erusalem. Dewa katanya, Erusalem ban wa kabali, siginan Benamin at Sakbawan ay gtaglayun sa Taguna fag Sakbawan, sitsigons Sakbawan tagsis Fugungan, ay siginans Kananel fag bale ngabat fagulitan sitsigon fun at fagturisan rawvg ubas. Wa ban e gdog ya nanrasras Erusalem, ay at ngay tagbanwan ban gbanwan tua manabayan.

Sakaryas 8:16

Katatuy ay fagnamakamulunun: at matuyani tua ay ngay longan, ay matuyani yangay nu gfawabilugan am laman sa ay fagmasineun.

Uan 1:14

Ay kafag Longan ansik taw ay nabanwan magamut antam. Ay nalag ami at fagmasineun. Kanya Dius at mafilian fag Baguama. Ay kanya andasug siginan at Mama, mapnu fag fagmagalangun ay fag fagmatuyanun.

Uan 14:23

Ay Isus glong te, “Takesug angku gfaning tua ku longan, ay ku Mama kesug anya, ay gbanwan ami magamut si anya.

2 Kurintu. 6:16

Ay Dius at bale wa masine namadgaloan sat yud matuyan fag ngay fagsegan. Itam wan tagleleg fag Dius at bale. Ay Dius yangay at nalong te, “Gbanwan kban ay galo kanya fag ngay taw. Au ban kafag ngay taw at Dius, ay kanya ban fagayu ku ngay taw.”

Kulusas 2:9

Aroro Dius at fagmadiusun siwa tam Fun Isus.

At Nafasure 21:10

Ay at Masine fag Falad antayuk sa angku, ay kafag tagbarita nabuba angku sa sik buksul tangabat, ay nafalag sa angku at yud e malong fag furuan Erusalem nu kadaga siginans banwa, siginans Dius.

At Nafasure 21:27

Ay waban e gsakbo ya sanya nusnge wain at masuya, ay nusnga sinu fag taw tagfakamulun at maksvn nu mapla, ay fagayu takamuag. Tagsakbo ban sanya kayu way lang ban at ke ngayan at marirukan sis Tupa Riangan at fafil fagrirukan at ngay ke leleg ban.

At Nafasure 21:3

Ay nadungug au sik uro daul siginans faglunggungan, glong te, “Damai, katsi Dius at fagbanwanan siwa sangay taw. Dius magamut kafag ngay taw. Ay kafag ngay taw ban Dius at furuan, ay Dius ban kafag ngay taw at faudgufudan, ay kanya ban kafag ngay taw at Dius.