Sakaryas 7:9 - Fanawbuid tagsibaliwas Fakayabian

⁹ “Katatuy ku longan sa ku ngay taw, ‘Matuyani tua nu ginsaful am. E fagmasineuni tua ay e fakafanyuni sas galay am at sadi.

Sakaryas 7:9 ပူးပေါင်းရင်းမြစ်များ

2 Samwel 9:7

Ay Dabid nalong anya te, “Lag o kalimu. Nafauro au emu laman namalag au sa emu ku fakafanyun kata ku nafatuyanan sa ku fagadgalangan Yunatan. Ay katsi, namagbilug kwan sa emu ku nabul am fufuama Saul at daga, ay bundi lang kanya, siginan ro katsi, ste wan nu gfangon o gfasfuan angku.”

Ub 31:20

nafon au sik lanbung at madamvl, at fangawat ku ngay tupa at sigyu, ay kanya maksvn nu gfauseganan sa angku.

Ub 6:14

Sik taw takabalu, at ngay fagadgalangan masine nu ggubuk anya, kanya dewa natalyuyan at mabalyanan fag Dius.

Fangatulun 21:3

At matuyan fag fakamulun sik mauseganan sas Yawi gtungud yay sik ngay fanggalangun.

Eremyas 22:3

Fakamuluni tua at ke fagmanabayanun ay at ke fagmasineun. Gubuki at nafangkamulan, ay falangfei anya fagayu siginan tagfaidapan. Lag am gfauri ay ngay betaw, ay at yud e fagtainan ya, ay anggan ngay fagbubayun. Ay lag am gfabul ngay taw at yud e asalanan.

Eremyas 7:23

nu bunway, nasugu kyangay te, ‘Faningi angku, ay au wan ay Dius, ay am wan ku ngay taw. Banwani kata ku nalong ayu fag balyawvtan laman ban mabayan tua nu gbanwan am.’

Eremyas 7:5

“ ‘Falyami wan ay ngay ugali ay anggan ay famanwanun at yud matuyan. Ay matuyani tua fia sa ay ngay iba,

Esekyel 18:8

Kanya nu nafaulbus at salapi di gfafamut at famafoli. Ay di gfakamulun at mauri ay saful tua gfawabilugan nu ginsaful.

Esekyel 45:9

“ ‘Au, Fun Dius Yawi, glong au te, am fag ngay tagfangguna sis talun Israel, faragangi wan ay fagmauriun. Faragangi wan nu gfauri am ay gfaidpan, ay fakamuluni tua at matuyan ay at masine. Lag am gago ya ku ngay taw at ngay daga. Au, Fun Dius Yawi taglong tuy.

Usea 12:7

Dius glong te, “Ngay tagfaebayad gananad kamuag. Kanya fagayu gagbilug at yud matuyan fag famabudbungguan.

Lebitiku 19:15

“Dangay e fagfili nu gfawabilugan am ngay taw at yud e kwa, ay ngay taw at maramraman.

Amus 5:24

Ku fakaylatun, fataglayuni nu gfakamulun am at matuyan ay at masine, kata sik liskung yud karagang nu gfamilugan.

Mikas 6:8

Mikas gbalus te, “Yawi nafoyung wan sa antam at masine. Katatuy at fakaylatun tam fakamulun: Fakamuluni at matuyan, afanyui tam ngay iba, ay ugalii famababauni sas Dius.”

Sakaryas 7:7

Katanya yangay ku longan ebi sa sangay taglong, gina Erusalem manabayan ay ngayuk taw gbanwan sanya ay gina yangay e ngay furuan sit ligung, talun Negeb ay anggan ngay buksul sas fakayabian baliwa.’ ”

Sakaryas 7:8

Ay Yawi nalong yay fia sas Sakaryas te,

Mateu 23:23

“Ida, am fag ngay tagfoyung Muisis at Faugali ay am fag ngay taw Fariseu, ngay takamaningan wayam! Dewa am gfon at fasafuluk afud sas Dius siginan ay famaenamnam fakonun, kata balanuy ay banglad, nalyam wayam gfakamulun at mafanud fag ngay suguan sis Muisis at Faugali, kata nu gfakamulun at matuyan sa ay iba, ay nu kafanyu am ay iba, ay nu matuyan ay longan sa ay iba. Nu ddi am nalyam at mafanud fag ngay suguan, dangay kalyam anggan talay fag ngay suguan.

Lukas 11:42

“Ida, am fag ngay taw Fariseu, aroro dewa am gfon at fasafuluk afud sas Dius siginan ay balanuy ay ay banglad ay fagayu ay famaebebanglu ay fakonun, nalyam wayam gfakamulun at matuyan sa ay iba, ay nu kesug am Dius. Nu ddi am nalyam at mafanud fag ngay suguan, dangay kalyam anggan talay fag ngay suguan.

Uan 7:24

Lag am gamatangan te, mauri, siginan ay nalag ku fakamulun. Amatangani tua siginan at matuyan fag balyawvtan.”

Uan 7:51

“O nunda kamabo tam tam faugali te, lag yap gfaurianan sik taw nu dyay nainsaful anya?”

Deuterunumyu 22:1

Nu nalag am ay iba at baka ay at tupa ay at kambing nu malfasan, lag am gfabayan, nantaban am kanya fag ngay fagbaugun sa tagagbilug.