Sakaryas 7:6 - Fanawbuid tagsibaliwas Fakayabian

⁶ Kaduge am gfangon ay ginum, ay fakamulun sa way ay ngay fakaylatun.

Sakaryas 7:6 ပူးပေါင်းရင်းမြစ်များ

1 Krunika 29:22

Ay ginanya fag menit kanya fagayu maful guseganan gfangon ay gmamaman sis Yawi at daga salubangan. Ay sanya ginan, kanya fagayu gdog yay gfoyung te, Sulumun, Dabid at baguama, sik fun ay naugwag sas Sulumun langis sis Yawi at daga salubangan laman sik fun, katanya yangay at nafakamulun sas Saduk laman sik tagfon fanggalangun.

Isayas 43:23

Ay wo nafon sa angku sik fagirugun fag tupa. Ay wo nafauseganan angku, dewa au yud gfaidapan emu ay gfalufuy siginan nu get au sa emu te, foni tua sa angku fanggalangun ay ngay famaebebanglu.

Isayas 58:3

Kanya fagayu gdog yay glong sa angku te, ‘Wami nafangon laman gdarangin, dewa katanya, wo kasalag emi. Nafamababaun ami, dewa katanya, wo yangay kasalag.’ Katatuy ku famalus ayu: At matuyan, kaduge am yud gfangon laman gdarangin, ay sadili way ay fagamatanganun. Gfaidapan am ay ngay tagfakamulun.

Usea 8:13

Kanya fagayu nafon sa angku at ngay fanggalangun ay naon yamas, dewa katanya, kwa guseganan anya fagayu. Siginan takatanya, namatang au at ngay fagmauriun, ay namaurianan au anya fagayu aroro sat ngay asalanan, ay namafoli sas talun Igiptu.

Usea 9:4

Kanya ban wa kaylat ya nu gfon am ay fanginum fag ngay fanggalangun sas Yawi. Dewa ban am gfon gugat takatanya, wa guseganan. Ay nusnga sinu ban takon at nafon fag fanggalangun glong te, masuya way, aroro kata fakonun si sik bale ke mabulan. Ay ngay fakonun sa way lang ay sadili, bunwa sas Yawi at bale.

Sakaryas 7:5

“Nanlong o sas fagayu taw Israel ay anggan sa sangay tagfon fanggalangun te, ‘Kaduge fituk safuluk banwa galay sis falima ay fafituk magdanun, kabalu am ay wam gfangon laman gdarangin, dewa katanya, bunwa laman sa angku.

Sakaryas 7:7

Katanya yangay ku longan ebi sa sangay taglong, gina Erusalem manabayan ay ngayuk taw gbanwan sanya ay gina yangay e ngay furuan sit ligung, talun Negeb ay anggan ngay buksul sas fakayabian baliwa.’ ”

1 Kurintu 10:31

Nu katanya, nusnga setaw ay fakamulun, dewa am gfangon ay ginum, fauseganani tua Dius.

Deuterunumyu 12:7

Ay nanfangon am gasfuan ay ngay talanan sis Yawi at daga salubangan ay nanguseganan am sas fagayu ay nafakamulun aroro Yawi nafon tua sa ayu nusnga setaw.

Deuterunumyu 14:26

Ay kanya fag salapi ay famul: ngay baka, ngay tupa, ay rawvg ubas at mamam, ay nusnga setaw ay fakaylatun. Sanya ginan, am ay anggan ay ngay kalongan nangon am kanya fag ngay fagbaugun si ay Dius Yawi at nafoyung ayu fag afud talun, ay nanguseganan am.

Kulusas 3:17

Ay fagayu ay fakamulun, ay anggan ay longan, fakamuluni sa tam Fun Isus at ngayan, ay siginan anya useganani sas Dius tam Mama.

1 Samwel 16:7

Ay Yawi nalong sas Samwel te, “Lag o gdama at kabatan ay at kaseganaman aroro bunwa kanya ku nafili. Aroro nu gfili au wa kata staw nu gfili, taw nu gdama si way at kabilugan, ay nu gdama au si tua at amatanganan.”