Sakaryas 5:3 - Fanawbuid tagsibaliwas Fakayabian

³ Ay kafag tagbarita nalong angku te, “Marirukan sanya fag fagrirukan ngay faurianan takadasug sas fagdaul Israel. Katatuy at marirukan: fagayu tagfangkamul gaiyanan siginans Israel. Ay sit bilingan marirukan te, fagayu takamuagan gaiyanan yangay.

Sakaryas 5:3 ပူးပေါင်းရင်းမြစ်များ

Nu Galin 20:15

Lag am gfangkamul.

Fangatulun 29:24

Sik taw nu gfadiuganan way ngay tagfangkamul, gfaurianan way at sadili. Ay dewa e glong sa anya te, “Longi at matuyan,” wa glong.

Fangatulun 3:33

Yawi gfauri sik talanan tagfakamulun at mauri, dewa katanya, kanya ggubuk tua talananan tagfakamulun at matuyan.

Fangatulun 30:9

Aroro nu nramraman kway ro manga, kwa gseg ya emu, ay nu nsik yud kro e kwa, nanfangkamul kway ro manga ay gfapla au emu.

Isayas 24:6

Nu katanya, Dius namauri wan fagdaul daga, ay at ngay taw umfaurianan aroro siginan at ngay asalanan. Ngayu bank taw umkirug ay wa ban ngayu at kumsawad.

Isayas 43:28

Nu katanya, nafae fakaplaun au am ngay tagfon fanggalangun, ay o, Israel, nafabayan au emu gafaurianan ay gafaplan.

Isayas 48:1

Dungugani, am, Akub at ngay kasugfunanan, at ngayan yangay te, Israel, tagsiginans Uda at kasugfunanan. Maksvn nu gfatuyanan am sas Yawi at ngayan nu get am sas Israel at Dius. Dewa katanya, kamaningan wayam, aroro wa matuyan ay ngay ugali.

Eremyas 23:10

Mapnu wan ste fag talun tagseg tibak fagsegan, aroro sat ngay taglong at ngay fakamulun at mauri ay nu gfasawe nu gfakamulun. Nu katanya, Yawi nafauri kafag ngay taw at talun, ay at ngay fananumun an-gong wan ay anlangke.

Eremyas 26:6

grasras kban tuy fag bale kata ku nafakamulun sis Silu. Ay fagayu ban talun sas fagdaul daga gfauri kanya fag furuan!’ ”

Eremyas 5:2

Dewa am glong te, ‘Gfatuyanan au sas Yawi, tagleleg fag Dius,’ kamuag wayam.”

Eremyas 7:9

Gfangkamul am, kamabul, kamatugtug, kamuagan nu gfatuyan, girug am famaebebanglu laman sas Baal, ay gseg am tibak fagsegan ay fagyudun toglag.

Esekyel 2:9

Sanya ginan, nalag au sik daluap ay nafon angku sik fafil mafalutan.

Daniel 9:11

Fagayu taw Israel wa nafaning am faugali; kanya fagayu wa kaylat gfaning am longan. “Aroro sa em ngay asalanan, andasug sa emi sik faurianan kata at marirukan sim fagsuguan Muisis at Faugali.

Usea 4:2

Abat ngate, gfataglayun wayam glong at mauri sa ay iba, ay kamuag, ay kamabul, ay gfangkamul ay gfanugtug. Ay wam gfaning ya ku ngay faugali, ay wam gfaragang nu kamabul am.

Lebitiku 19:11

“Lag am gfangkamul, lag am kamuag ay lag yangay gfanlukan.

Lebitiku 19:12

“Lag gfatuyanan at yud matuyan sa ku ngayan, aroro takatanya gfauri wayam ku ngayan. Au Yawi.

Amus 3:10

Nu katanya, katatuy Fun Dius Yawi at longan sas Samarya: “Kanya fagayu wa gfakamulun at matuyan. Ay at ngay nafangkamul mapnu sat mogat fag ngay afud. Nu katanya, at ngay fawayan ban nangiklas at ngay fagmafulan, ay namul at ngay ramraman.”

Sakaryas 5:4

Yawi at Mabalyanan nalong te, namadasug au takatanya fag faurianan sa sangay bale nu inda ngay tagfangkamul nu gbanwan ay sa sangay taw takamuagan glong ku ngayan. Ku faurianan gbanwan sanya fag ngay bale yakmay kanya fagayu ankiklas.”

Sakaryas 8:17

Lag am gamatangan sa ay ngay iba at mauri, ay lag am glong at yud matuyan aroro kanya wa masine sa angku.”

Malakyas 3:5

Yawi at Mabalyanan glong te, “Kadasug kban laman nanginsaful ayu. Ay gfatuyan kban vtv te, mauri ngay tagfangabalo, takamuagan fag tagwabilug, at yud gfakasakan at famayad sat ngay fagsuguan, tagfauri ngay fagbubayun ay at yud e fagtainan ya, ay at yud matuyan sat ngay betaw. Namakamulun kban takatanya sa ayu, at yud gsuyu angku.”

Malakyas 4:6

Kanya ban namafoli ngay fagtainan ay ngay sisian at fagmasadiun laman ban nu ndasug au, kwa gfaurianan ay talun.”

Mateu 25:41

“Ay arodi au ay Fun, glong au sa tagsi ku wala baliwa te, ‘Loi wan ste ginan, am tagafaurianan. Sa way am sad afuy at yud karabung kabavn at nafalganan at fagukasan ban Satanas ay anggan at ngay fagsuguan.

Lukas 21:35

Aroro kanya ban fag menit kadasug sas fagayu taw tagbanwan sas fagdaul daga.

Efesu 4:28

Tagfangkamul lag gfangkamul ya, nu bunway fakamuluni tua nusnga setaw at masine laman mafagubuk ngay tagayudan.

1 Timuteu 1:9

Amatangani te, nusnge wain fag faugali bunwa sat matuyan fag ngay taw, sa way takamabo, ay sa takauri, ay sat yud gtoglag Dius, ay sa tagasalanan, ay sat yud gsuyu Dius, ay sat yud gafanud ay sa tagfabul at mama ay at mina, ay sa tiba yak takamabul,

Santiagu 5:12

Ku ngay faduksay, tagtungud sas fagayu, lag gfaksvn ay longan. Lag sak glong te, “In yay banwa,” ay “In yay daga,” ay tiba yak longan. Ay famalus nu “Kin,” kin wa fia, ay nu “Duan,” anud duan, laman Dius di gfauri ayu.

Santiagu 5:4

Damai! Wam nafon famayad sa sangay taw at nagutlu ay fare. Takatanya ay nafakamulun sik famasaful sa ayu te, mauri am. Ay kafag ngay taggutlu at uro andasug sa tam Fun at Mabalyanan.

Uswe 9:20

Katatuy yakman tam fakamulun: lag tam gfabul kanya fagayu, laman ban wa mdasug sa antam Dius at fandotaman siginan tam nayud nafaning tam fatuyanan sa anya fag ngay taw.

At Nafasure 21:8

Ay nusnga sinu tagfangalimu, ay at yud gafanud, ay at maksvn nu mauri, ay takamabul taw, ay tagfanugtug, ay at mabara, ay tagseg at yud matuyan fag ngay fagsegan, ay fagayu takamuag, kanya ban fagayu at fakadasugan saways afuy daul tagigang ay asupri. Kanya at faduak fakabulun.”

At Nafasure 22:15

Ay fagayu tagfakamulun at mauri ay fagayu tagfangufit, ay tagfanugtug, ay takamabul, ay fagayu tagseg sat yud matuyan fag ngay fagsegan, ay fagayu takamuag, dewa sit longan ay sit fakamulun, takatanya ban fagayu kafamato wan sas day furuan.