Sakaryas 4:9 - Fanawbuid tagsibaliwas Fakayabian

⁹ “Siginans Serubabel nu gfangguna, Yawi at bale umtabu, ay kanya yangay ban at nafangguna gfoli fagfatungkudan turuk. Ay nu nfasludan ban takatanya, sumaful am te, Yawi at Mabalyanan at nasugu angku stae sa ayu.

Sakaryas 4:9 ပူးပေါင်းရင်းမြစ်များ

Esra 5:16

Nu katanya, Sesbasar ay at ngay ufud nalao sas Erusalem laman nangawat Dius at bale at ngay fagfatungkudan turuk.”

Isayas 48:16

Akbangi sa angku ay dungugani: Siginan ngay sfagsigadan kwe nalong at masuksuk. Ay gina ku longan kafasludan, sanya kwan.” Ay katsi Yawi tam Fun nasugu angku. Dius nasugu angku gadgaloan at Masine fag Falad.

Agay 2:18

Gina sis faduak safulu e ufatk menit sis fasiamk magdanun, antabu wan nu kawat Yawi at bale at fagfatungkudan turuk. Siginan katsi fag menit, damai takafasludan.

Sakaryas 1:16

“Nu katanya, Yawi nalong te, ‘Kafoli kban e fakafanyun sas Erusalem, ay gdog kban namawat ku bale. Ay Erusalem ban katanya tua gugat.’ Au, Yawi at Mabalyanan, taglong tuy.”

Sakaryas 2:13

“Fagayu am maragangani sis Yawi at daga salubangan, aroro kanya kadasug siginan at fagbanwanan at yud e malong.”

Sakaryas 4:8

Sanya ginan, Yawi nalong sa angku te,

Sakaryas 6:15

“Ngay taw kadasug siginan tangayayu fag talun laman nanggubuk nangawat Yawi at bale. Umfasludan takatanya ay sumaful am te, Yawi at Mabalyanan at nasugu angku stae sa ayu. Matuyan umfasludan takatanya fagayu, nu gfaning tua ban am ay Dius Yawi.”

Mateu 16:18

Ay glong kyay sa emu te, o wan Pedru, at masuad te Gang, ay namaful kban ku ngay taw stae fag gang, ay dewa fakabulun at fagmabalyananun di ban mababo ku nafaful fag ngay taw.

Uan 17:21

Mama, nangus kanya fagayu masadi tua kata anta. Nu setain nu masadi o si angku ay nu masadi au si emu, katanya yangay nangus kanya fagayu nu masadi si anta, laman fagayu taw ste swa daga gafanud te, o wan at nasugu angku.

Uan 3:17

Aroro Dius at fagnasuguun at Baguama ste swa daga di nanfaurianan ngay taw, nu bunway namalangfe tua.

Ebreu 12:2

Kabavn tam mata fasai tuas Isus. Aroro kanya wan at nafasigad tam fagafanudun ay kanya yangay tagfaksvn. Aroro tagfanya anya fagusegananun tua, kanya nagwantan nangabul sas fasulungan kayu, ay wa namatangan fakaplaun. Ay sanya ginan kanya malunggung sis Dius at fagmalunggungan at siun.