Sakaryas 3:9 - Fanawbuid tagsibaliwas Fakayabian

⁹ Uswe, damai ku nafasa am daga salubangan fag gang. Kafag gang e fituk tagis ay namagaruy au tuy, ay sik menit way ban nu gbul au taw Israel at asalanan ay gfalyam kwan.

Sakaryas 3:9 ပူးပေါင်းရင်းမြစ်များ

1 Fun 1:20

Mesug fag fun, katsi ngay taw Israel gfanya nung o glong nu sinu fantubus emu laman sik fun.

2 Krunika 16:9

Aroro Yawi gdama sas fagdaul daga laman gfabitsug ngay taw at matuyan sa anya. Wa matuyan am ngay nafakamulun. Nu katanya, siginan ban katsi namawayan way ban o gugat.”

Alubad. 103:12

Ay nu seyayu fakamenitan sas fakayabian, katanya yangay nu gfayayu antam siginan tam ngay asalanan.

Alubad. 118:22

Ngay takawat bale at naukas fag gang, ansik fagfatungkudan turuk.

Nu Galin 28:11

At nanriruk sanya fag duak gang sik tagsafuli fia griruk, kata sik fagtoglagan nu marirukan. Sanya ginan, kafag duak gang fasais famakvd at mawatan siginans gintu,

Nu Galin 28:21

Marirukan sis galay sik gang Israel at baguama at sadi. Ay kafag ngay ngayan marirukan famamatang sas labi duak kasugfunanan.

Nu Galin 28:36

“Namawat o sik fagrirukan siginan at yud e suglat fag gintu, ay riruki sanya takatatuy fag ngay longan: ‘Mafasamanan laman sas Yawi.’

Isayas 28:16

Nu katanya, katatuy Yawi tam Fun at longan: “Dungugani fagayu am! Namae fagfatungkudan au gang sas Siun; sik gang maksvn, ay at yud guigan, ay mafanud. Nusnga sinu tagafanud sa anya di ban e fakaplaun.

Eremyas 31:34

Wa ban e glong ya sat ngay kaiban ay sat faduksay te, ‘Toglagi tua Yawi,’ aroro kanya fagayu toglag wan angku, siginan tagafalingunan ay anggan sat ngay takadungug. Namalyam kban kanya fagayu at ngay nafakamulun at mauri, ay kwa ban gamatangan ya at ngay asalanan.

Eremyas 50:20

Ginanya ban fag ngay menit, at kinsawad fag ngay taw Israel ay Uda wa gasalanan ya, aroro nafalyam kwan at ngay asalanan. Au, Yawi, taglong tuy.”

Sakaryas 13:1

Yawi at Mabalyanan nalong te, “Ginanya ban fag menit, nanluang au bulbug at fun laman sas Dabid at kasugfunanan ay sa sangay taw Erusalem laman namalyam at ngay asalanan ay at fagmasuyaun. Namalyam kwan ngay fagsegan siginans Erusalem laman kanya fagayu wa gamatang ya. Nangaiyan kwan siginans Erusalem ngay taglong ay at mauri fag ngay falad.

Sakaryas 3:4

Nu katanya, tagbarita glong sa tibak tagbarita tagsit salubangan te, “Buli wan Uswe at lanbung.” Sanya ginan, tagbarita glong sas Uswe te, “Nabul kwan am ngay asalanan. Ay katsi, namasulun au sa emu at masine fag lanbung.”

Sakaryas 4:10

“Lag gfalingun dewa alay way at kinfakamulun, aroro Yawi guseganan glag nu nfasigad tua kafag fakamulun, ay guseganan yangay nu gdama Serubabel nu gbitbitan at fagaloan fag lubyang. (Kafag fituk salung at masuad te, Yawi at ngay mata tagdama sas fagdaul daga.)”

Uan 1:29

Balabag di, Uan nalag Isus nu kakbang, ay nalong anya te, “In Dius at Tupa Riangan, at namalyam ngay taw at asalanan sas fagdaul daga.

Uan 6:27

Ay fagugatanun gfakamulun dangay sa takadan fag fakonun, nu bunway sa tua at yud kadan fag fakonun tagfon leleg at yud e fakatabuan. Au, Taw at Baguama, gfon au sa ayu takatanya fag fakonun, aroro Dius nafalag sa sangay taw te, ‘Matuyan ku Baguama at fakamulun.’ ”

Fakamulun 4:11

Kata at marirukan te, at nalong fag gang, Isus wan: ‘Am fag ngay takawat bale ay naukas fag gang, katsi famaogat tua.’

Ruma 9:33

Kata at Rirukan te, “Damai, nafoli au sik fakataidan fag gang si sangay taw Udyu, kanya ban tagfalub kafag ngay taw. Dewa katanya, nusnga sinu tagafanud sanya fag gang di ban umkapla.”

2 Kurintu. 1:22

Dius nafatuyan te, itam wan at ngay taw, ay kanya nafasa antam at Masine fag Falad laman tagfatuyan te, mul ban tam at ngay fatuyanan.

2 Kurintu. 3:3

Mayamag te, sik rirukan am tagsiginan tam Fun Isus at nafabuba sa emi. Ay at fanriruk kafag rirukan bunwa fanriruk, nu bunway tagleleg tua fag Dius at Falad. Ay nu griruk wa sas dalifi, sa tuas taw at amatanganan.

2 Timuteu 2:19

Dewa katanya, Dius at nafalganan sat ngay taw fag fagsarigan mogat tua. Ay katatuy at Rirukan te, “Tam Fun nasaful wan nu sinu at fagagbilugun fag ngay taw.” Ay nusnga sinu fag taw taglong te, “Gfaning au tam Fun,” at masine kanya nu ddi gfaning ya at mauri.

Ebreu 7:27

Isus wa kata tibak tagfon fanggalangun, tagfon gugat at fanggalangun kayu menit, taguna laman sat sadili asalanan ay sanya ginan laman sa sangay taw at ngay asalanan. Isus sadi ginan way nu gfon fanggalangun, gina way lang gfon at sadili sas fagayu taw.

1 Uan 2:2

Kanya wan Dius at fanggalangun famalyam tam asalanan, ay bundi itam lang at ke asalanan, anggan tua ngay taw sas fagdaul daga at ngay asalanan.

At Nafasure 5:6

Sanya ginan, nalag au sik Tupa Riangan kata wan nu e nafabul, ay dewa katanya kanya malindug wan si sangay fagtainan ay si kafag faglunggungan at maligung ngay awatan tagleleg at wabilug. Kanya e fituk sunge ay e fituk mata, kanya wan Dius at fituk falad at nasugu sas fagdaul daga.