Sakaryas 3:2 - Fanawbuid tagsibaliwas Fakayabian

² Ay Yawi at tagbarita glong sas Satanas te, “Yawi at nafili Erusalem, gfatuyan te, gsalan o. Aroro kanya nafalangfe Uswe siginan at fagatabananan kata nu gbul sik famaygang siginan sad afuy.”

Sakaryas 3:2 ပူးပေါင်းရင်းမြစ်များ

2 Krunika 6:5

‘Siginan nu gfaduksun au ku ngay taw siginans talun Igiptu, kye nafili sik kasugfunanan taw Israel at furuan laman ku fagnangawatan ku bale, laman fagnamauseganan angku, ay kyangay e nafili sik fun laman sa ku ngay taw Israel.

2 Krunika 6:6

Ay katsi, nafili au Erusalem laman fagnangawatan ku bale, ay nafili au Dabid laman namagtainan ku ngay taw Israel.’

Alubad. 109:31

Aroro kanya munakbang tua gugat sit yud e kwa fag ngay taw, laman gfalangfe anya fagayu siginan sangay taw taginsaful laman namabul.

Isayas 7:4

Nanlong o sa anya te, ‘Madiriani tua laman di o kalimu. Ay manabayani tua am amatanganan. Lag gafanawa dewa fun Peka ay fun Resin maksvn nu kadotama emu. Aroro kanya fag dua kata way sik famaygang takanus at yud e afuy ya.

Daniel 12:1

“Ginanya ban, Mikael kadasug. Kanya sik mabalyanan fag tagfangguna tagalaga am ngay kaiban. Ginanya ban fag buknga maidap, ay ya batang e ndasug takaksvn nya fag fagidapun sas Israel siginan nu kasik talun. Dewa katanya, gfalangfe kban am ngay kaiban at ke ngayan at marirukan sis fafil sabaliwas leleg yud e fakatabuan.

Amus 4:11

Nafabul kwan ayu tiba kata ku nafakamulun sas Suduma ay sas Gumura. Ay am at kinlangfe, kata am sik ngay famaygang at nabul siginan sad afuy. Dewa katanya, yam kafoli sa angku. Au, Yawi, taglong tuy.

Sakaryas 1:17

Ay tagbarita nalong yangay sa angku te, “Katatuy Yawi at Mabalyanan at longan: ‘Gdog kyay namae ramraman ku ngay furuan tagsis Uda. Ay gdog kyay namasun Siun, ku nafili fag furuan Erusalem.’ ”

Sakaryas 2:12

“Ay Yawi gdog yay nangagbilug talun Uda laman at afud sit yud e malong fag talun. Ay gdog yay ban gfili Erusalem laman at furuan.

Markus 1:25

Ay Isus maksvn nu gsalag te, “Lag garingang. Ubuni wan kanya fag taw.”

Markus 9:25

Ay Isus nu nalag sik ngay taw masakit nu kaful, nagras kafag mauri fag falad te, “O fag falad tagfayud maringang ay tagfayud gdungug, glong au emu te, ubuni wa anya ay lag gdog ya katayuk sa anya kabavn.”

Lukas 22:32

Dewa katanya, nadarangin kwa emu, laman am fagafanudun wa kamomuy. Ay nu nfoli wo sa angku, faksvni anggan am ngay faduksay.”

Lukas 4:35

Ay Isus maksvn nu gsalag te, “Lag garingang. Ubuni wan kanya fag taw.” Ay kafag mauri fag falad nu nafatong kafag taw sas wabilug fagngayuan taw, naubun wan, ay kafag taw di e natarasan.

Lukas 9:42

Ay gina at baguama kadasug, mauri fag falad nafatong anya sas daga ay maksvn nu gfafatfat anya. Ay Isus gagras kafag mauri fag falad ay nafafia kafag baguama ay nafafoli anya sat mama.

Uan 13:18

Kwa glong te, fagayu am mauseganan wam. Aroro toglag kway ku ngay nafili. Dewa katanya, laman gfafasludan kata Dius at Longan te, ‘At nafasfuan angku gfangon, kanya ban at namauri angku.’

Ruma 16:20

Dius takamon fagmanabayanun munakbang wan nu gfasa ay daga darafa ay fawayan Satanas. Sumawa nangus fia ayu tam Fun Isus at fagmagalangun.

Ruma 8:33

Sinu at malong te, Dius at ngay nafili e asalanan? Dius wan at nafangayan kafag ngay taw te, kata nu yud e asalanan.

1 Uan 3:8

Ay fagayu tagfataglayun gasalanan, kanya Satanas way at taw. Aroro siginans fakasigadan Satanas gfakamulun gugat asalanan. Ay Dius at Baguama at fagindasugun, laman namamin Satanas at fakamulun.

Udas 1:23

ay falangfei anya siginans asalanan kata nu glakwi am anya siginan sad afuy. Ay afanyui yangay tibak taw, baliwan dirii tua ay aurii at ngay asalanan tagfauri anya fagayu.

Udas 1:9

Mikael wan tagfangguna ngay tagbarita, dewa katanya kanya wa nafabadbaboan ay nafalingun Satanas, gina kanya fag dua gbadbaboan sabaliwa nu sinu at namul Muisis at bilug, nu bunway kata way tuy at longan, “Fun Dius waban nangus tagsalag emu.”

At Nafasure 17:14

Kanya fagayu namawayan Tupa Riangan, dewa katanya, Tupa Riangan gbabo way, aroro kanya wan fagayu dius at Dius ay fagayu fun at Fun. Ay at ngay nauro ay at ngay nafili ay fagayu at matuyan nu gfaning anya namabo yangay gfasfuan anya.”