Sakaryas 2:9 - Fanawbuid tagsibaliwas Fakayabian

⁹ “Namaurianan au anya fagayu, ay at ngay fagsuguan namawayan anya fagayu ay namul at ngay fagagbilugun. Ay nu nfasludan ban takatanya, sumaful am te, Yawi at Mabalyanan at nasugu angku.”

Sakaryas 2:9 ပူးပေါင်းရင်းမြစ်များ

Isayas 10:32

Ginanya fag menit, ngay taw Asirya nangadasug sas Nub ay namasaful te, namawayan Buksul Siun, Erusalem at buksul.

Isayas 11:15

Yawi ban namatat tagsis Igiptu fag dagat, ay namadasug sik masugba fag tagmara sas Liskung Eufrates laman umke fituk sarangan laman ngay taw madife.

Isayas 12:6

Ngay taw Siun, uroi alubadi nu guseganan am. Aroro mabalyanan si ayu taw Israel at Dius at yud e Malong.”

Isayas 13:2

Fabati sik fakatoglagan fag ramit sas tungud buksul at yud e kayu. Ay uroi daul ay yafei sa sangay tagfawayan laman nanakbo ay namawayan at mabalyanan fag ngay taw at furuan.

Isayas 14:2

Ay tiba bank talun at ngay taw ggubuk taw Israel laman manangafoli sas Yawi at nafon fag talun. Ngay taw Israel ban namagsuguan ngay taw tagsiginan tibak talun, ay tumaban ban at ngay nataban anya, ay namagtainan ebi at ngay nafaidapan anya.

Isayas 19:16

Ay ginanya ban fag ngay menit, ngay taw Igiptu gfaning kata sik mangena at yud mabitsug, ay kalimu gtadtaruyan aroro Yawi at Mabalyanan namaurianan.

Isayas 26:1

Ay ginanya ban fag ngay menit, e nangalubad tuy fag alubad sas talun Uda: Mogat wan tam furuan! Dius nu gfalangfe antam kata sik alad nu gsafung antam.

Isayas 33:1

Afanyuan am fag ngay tagrasras, am at yud batang e nagdalanan takatanya. Afanyuan am fag ngay takamabo, am at yud batang e nagdalanan nu e kamabo ayu. Ay nu ntabu wam grasras ay kamabo, am yangay ban at fagrasrasun ay at fakamaboan.

Isayas 33:21

Sanya wan Yawi nu gfalag sa antam te, kanya tua tam Dius at Mabalyanan. Erusalem umkata sik furuan at ke tagbia fag mamam ay ke bulbug, ay at ngay fawayan at ngay sakayan lino wa madife sanya.

Isayas 33:23

Erusalem kata sik sakayan lino at yud marugut at fantabing at turuk, ay wa mafarafad at famalao fag ramit. Dewa katanya, umdasug ban sik menit ngayu ban fag ramraman at fagmabulun siginan at ngay fawayan. Dewa at yud malo fag ngay taw umke kwa tua ban.

Isayas 4:5

Ginanya ban, Yawi nangawat linyabu laman glanbung furuan Erusalem ay sas fagayu at maful sanya, kaduge mamenit. Ay nangawat yangay ban sik afuy tagigang laman gyamag gina mayabi. Siginan ban takatanya, at fagmasuloun nanuklub furuan Erusalem.

Isayas 48:16

Akbangi sa angku ay dungugani: Siginan ngay sfagsigadan kwe nalong at masuksuk. Ay gina ku longan kafasludan, sanya kwan.” Ay katsi Yawi tam Fun nasugu angku. Dius nasugu angku gadgaloan at Masine fag Falad.

Isayas 60:18

Di ban e gfangagras ya sim talun, ay wa ban e faurianan ya takadasug sa emu. Fakalangfeun ban gligung emu kata sik alad, ay fagayu ban tagsakbo sa emu gfauseganan ban angku.

Isayas 60:19

Bunwa ban menit ya tagyamag emu gina swa menit, ay bunwa ban magdanun ya tagyamag emu sisad yabi, aroro au wan Yawi tagyamag emu kabavn. Au wan Dius tagfon emu fagmayamagun.

Eremyas 27:7

Fagayu ban talun namakamulun laman sas fun Nabukudunusur, ay sat baguama, ay sat fufu, yakmay ban andasug talun Babilunya nu kafaurianan. Sanya ginan ban, talun Babilunya man at namakamulun laman sa tibak talun ay sat mabalyanan fag ngay fun.

Eremyas 28:9

Sik taglong at nafoyung sabaliwas fagmanabayanun, ay at foyungan nu nfasludan tua, ginanya ya nu katuyan te, kanya Yawi at taglong.”

Eremyas 8:19

Dungugani! Ku ngay kaiban gwayway kadungug sas fagdaul talun, ay glong te, “O nunda Yawi naubun wan furuan Erusalem? O nunda Siun at fun wa sanya ya?” Yawi nabalus te, “Wain ay fagnafadotamaun angku, siginan nu gseg am tibak fagsegan?”

Esekyel 39:10

Kanya ban fag ngay taw wa nanrvbvy ya sarab siginan sad araw, aroro at famaygang kanya wa fag ngay famawayan. Nu katanya, kanya ban fagayu namul yangay kafag ngay taw at fagagbilugun tiba kata kafag ngay taw at nafakamulun sa anya fagayu. Au, Fun Dius Yawi taglong tuy.

Uel 2:27

Nu katanya, sumaful am te, si ktua gugat ayu fag ngay taw Israel. Au wan ay Dius Yawi. Ay kabavn ban, diam gafaplan.”

Abakuk 2:17

Nafuan am ngay kayu sis Lebanun, nu katanya, anbul wan tagsanya fag ngay mangilafang. Nu katanya, am man katsi at fagfauriun, ay umlimu am maksvn. Matuyan, umfasludan sa ayu takatanya, aroro nafabul am ngay taw, ay nafauri at ngay daga ay at ngay furuan.

Abakuk 2:8

Aroro ngayu wan ay nagbilug ramraman siginan kafag ngay talun, kanya ban fag ngay talun at ngay taw at sawad nangagbilug ay ramraman. Umfasludan sa ayu takatanya aroro nafabul am ngay taw ay nafauri at ngay tanum anggan at ngay furuan.

Sefanias 3:15

Yawi wa namaurianan ya ayu, ay kanya ban nangaiyan wan ay ngay fawayan. Yawi wan talun Israel at Fun, ay kanya gufud tua ayu. Nu katanya, di ban am e fakalimuun ya takadasug sa ayu.

Sakaryas 2:8

Nu nalag au kanya fag taginfan, Yawi at Mabalyanan nasugu angku laman nanlong au at mauri sa sangay talun at taw at nafauri Erusalem ay at nafangkamul at ngay ramraman. Aroro nusnga sinu at nafakamulun at mauri sas Yawi at furuan, nafakamulun at mauri sat fakesugun fag ngay taw. Nu katanya, Yawi at Mabalyanan glong te,

Sakaryas 4:9

“Siginans Serubabel nu gfangguna, Yawi at bale umtabu, ay kanya yangay ban at nafangguna gfoli fagfatungkudan turuk. Ay nu nfasludan ban takatanya, sumaful am te, Yawi at Mabalyanan at nasugu angku stae sa ayu.

Sakaryas 6:15

“Ngay taw kadasug siginan tangayayu fag talun laman nanggubuk nangawat Yawi at bale. Umfasludan takatanya ay sumaful am te, Yawi at Mabalyanan at nasugu angku stae sa ayu. Matuyan umfasludan takatanya fagayu, nu gfaning tua ban am ay Dius Yawi.”

Sakaryas 9:15

Yawi at Mabalyanan gdiri ban at ngay taw. Ay kanya ban fagayu nansiad at ngay fawayan at famana fag ngay gang. Nu katanya, kanya ban fagayu nanfangon ay nanginum laman nanguseganan aroro nababo. Kanya ban fagayu gudguroan kata sik ngay tagalangu, ay kapsug siginan at nainum fag ngay fanlangu kata nu ginum si sik mabyat fag taya at ke bilug taguk laman famaramsig sas fagirugan at ngay fugungan.

Uan 13:19

Ay gina yud anfasludan, gfoyung kwa sa ayu takatanya, laman ban nu nfasludan wan, gafanud am te, au wan Dius at nafili.

Uan 16:4

Nafoyung au sa ayu takatanya, laman ban nu ndasug ginanya fag buknga, gamatang tuam te, nafoyung kwan sa ayu takatanya. Ebi taguna kya nafoyung ayu aroro galo kyay ayu.