Sakaryas 2:4 - Fanawbuid tagsibaliwas Fakayabian

⁴ Ay kanya nalong sa tagfakamatoan angku fag tagbarita te, “Sakiti tua ay nanlong o sanya fag mangama at ke buba famasudsudan te, Erusalem umsik furuan at yud ya e dingding alad aroro ngayu wan ngay taw tagbanwan sanya ay at ngay fagbaugun.

Sakaryas 2:4 ပူးပေါင်းရင်းမြစ်များ

Ester 9:19

Kanya wan ngay taw Udyu tagsi tibak afud talun at fagmafulun galay sis falabi ufatk menit Adar fag magdanun. Ginanya fag menit, nu gfodfonan at ngay mesa famonun.

Isayas 33:20

Damai Siun, tam fagnangafulan fag furuan kayu ginan tam e fagmafulun. Kanya fag furuan at sadi at ngayan Erusalem, sik manabayan fag furuan at masine nu kabanwan. Kanya kata sik mogat fag bale ramit, ay at ngay turuk di kagulad ay fagayu at ngay siuk di mgatvng.

Isayas 44:26

Ay dewa katanya, namafasludan ktua ku ngay taglong at ngay longan. Gfoyung au te, ‘Gdog yay ban e namanwan sas furuan Erusalem, ay gdog kyay ban namawat tibak furuan sis talun Uda at kinrasras wan.’

Isayas 49:20

Am ngay sisian at kinsalug gina o kabalu lumong ban te, ‘Yami sak ste fag furuan. Fabiai yap.’

Isayas 54:16

Dungugani! Au wan at nawat ngay tagsaful kawat sanbung fag ngay fagagbilugun. Kanya gfae igang afuy ay kawat ngay famawayan. Au yangay at nawat ngay tagfawayan tagagbilug kafag ngay famawayan laman at famabul.

Eremyas 1:6

Ay nabalus au te, “Ku Fun Yawi, kya makatu namoyung am longan, aroro baguama kyay.”

Eremyas 31:24

Ngay taw Israel ban namanwan sa sangay furuan tagsis Uda, gadgaloan ngay tagtanum ay ngay tagalaga ngay fagbaugun.

Eremyas 31:27

Yawi glong te, “Kadasug ban sik menit, gfayu kban ngay taw Israel ay ngay taw Uda anggan at ngay fagbaugun.

Eremyas 33:22

Namayu kban Dabid ay Lebi at ngay kasugfunanan kata ngay galeme sis banwa ay ngay lagnas sis tigyangan dagat.”

Esekyel 38:11

Nanlong ban o te, ‘Namawayan au Israel at ngay furuan ayu daul at yud e alad, ay at yud e sakbawan ay at yud e famalabag, ay at ngay taw at manabayan way fia ay at yud e fakalimuun.

Daniel 1:17

Dius nafon sanya fag ufatk baguama fagtogdungugun ay fagsafulun sangay rirukan. Saman ya kanya, Daniel anke fagsafulun sa nu gfayamag ngay taginfan at masuad.

Daniel 1:4

Filii at maseganama, mataglu, maleleg, at masakit kae fagsafulun ay masine laman ku ngay fagsuguan.” Ay fun Nabukudunusur nasugu sas Aspenas te, “Foyungi yangay sa anya fagayu, tam fangaringang ay tam ngay rirukan.”

Mikas 7:11

Mikas nalong sa sangay tagbanwan sis Erusalem te, “Umdasug ban sik menit, gdog yayam nangawat ay furuan at alad, nu katanya, umbia yay ban ay talun.

Sakaryas 1:16

“Nu katanya, Yawi nalong te, ‘Kafoli kban e fakafanyun sas Erusalem, ay gdog kban namawat ku bale. Ay Erusalem ban katanya tua gugat.’ Au, Yawi at Mabalyanan, taglong tuy.”

Sakaryas 1:17

Ay tagbarita nalong yangay sa angku te, “Katatuy Yawi at Mabalyanan at longan: ‘Gdog kyay namae ramraman ku ngay furuan tagsis Uda. Ay gdog kyay namasun Siun, ku nafili fag furuan Erusalem.’ ”

Sakaryas 12:6

“Ginanya ban fag menit, taw Uda at ngay tagfangguna namakata au singsing afuy tagigang sis tungud famaygang ay mannga kata sik tagigang fag sarab at nafasalung mafutusan fag fare. Ay namaurianan ngay furuan sit ligung, dewa katanya, ngay taw Erusalem di gafaurianan.

Sakaryas 14:12

Yawi ban namadasug at maksvn fag faurianan sa sangay talun at nanamawayan Erusalem: Ginanya ban fag menit, kanya fagayu at bilug, ay at mata, ay anggan at leplep kadan dewa yay gleleg.

1 Timuteu 4:12

Dangay o e kafalingun siginan nu mabaguama yay o. Nu bunway ugatani laman sik fagfaningan tuo sas fagayu tagafanud, siginan am aringang, am ugali, am fakesugun, am fagafanudun ay am fagyudun e malong.