Sakaryas 2:1 - Fanawbuid tagsibaliwas Fakayabian

¹ Nu katanya, nabanawan au, ay nalag au sik mangama gbitbitan sik famasudsudan.

Sakaryas 2:1 ပူးပေါင်းရင်းမြစ်များ

Isayas 54:16

Dungugani! Au wan at nawat ngay tagsaful kawat sanbung fag ngay fagagbilugun. Kanya gfae igang afuy ay kawat ngay famawayan. Au yangay at nawat ngay tagfawayan tagagbilug kafag ngay famawayan laman at famabul.

Eremyas 31:39

Ay sanya ginan ban gfataglayun sat fatuan tagsas buksul Gareb ay kabaraud ban sas Gua.

Eremyas 48:25

Muab we fagmabalyananun ya ay katsi mamomuy wan. Au, Yawi, taglong tuy.

Esekyel 40:3

Sanya ginan, Yawi nabuba angku sanya, ay e nalag au sik taw, at kamatan masulo kata tansu. Kanya malindug munakbang sis sakbawan ay e bitbitan famasud. At sadi at bitbitan sik lubyang at fangawat at masine fag ramit, ay at sadi sik kayu.

Esekyel 40:5

Nalag au Yawi at bale ke alad gang. Ay kafag taw nabul at famasud fag kayu, at kabaan safuluk darafa gsugfunan, kata at faugali nu gfasud, ay kanya nafasud alad gang. At kabatan safuluk darafa gsugfunan ay at kadamvlan katanya yangay.

Esekyel 47:3

Ay nataglayun ami sas fakamenitan baliwa sa sangaba tigyangan mamam, ay kanya gfataglayun gfasud. Em nalao at kayayuan nu sadik libu fituk sandank darafa gsugfunan, kanya nataban angku sasad lino, at kabasadan sitsigons sungkulan.

Esekyel 47:4

Ay kanya nadog yay fia nafasud sadik libu fituk sandank darafa gsugfunan ay gdog yaymi nalao sasad mamam ay si wat tsigons tud. Kanya gdog yay fia nafasud sadik libu fituk sandank darafa gsugfunan ay gdog yaymi nalao sasad mamam, ay mamam siwa tsigons fagwan.

Daniel 7:7

“Ginanya yangay fag yabi, nalag au at faufatk mangilafang. Kanya malimu ay magaras. Kanya nayukfu ay naramyuk at ngay nagamat siginan at bagang fag sanbung, ay kanya gsiad wan at nagsawadan. Kafag mangilafang saman way at tuluk mangilafang aroro kanya e safuluk sunge.

Sakaryas 1:16

“Nu katanya, Yawi nalong te, ‘Kafoli kban e fakafanyun sas Erusalem, ay gdog kban namawat ku bale. Ay Erusalem ban katanya tua gugat.’ Au, Yawi at Mabalyanan, taglong tuy.”

Sakaryas 1:18

Sanya ginan, nabanawan au ay e nalag au ufatk sunge.

At Nafasure 11:1

Nu ntabu katanya, kafag tagbarita nafon sa angku sik famasudsudan kata sik tulag, ay kanya nalong sa angku te, “Malindug o ay namasudsudan o Dius at bale ay anggan at fagirugan fanggalangun, ay tapi nu seyuk taw tagseg sanya.

At Nafasure 21:15

Ay tagfakamatoan angku fag tagbarita e buba sik famasudsudan fag sanbung gintu, laman namasud kafag furuan ay at ngay sakbawan ay at ngay alad.