Sakaryas 13:8 - Fanawbuid tagsibaliwas Fakayabian

⁸ Galay tuluk afud ngay taw Israel, umbul wan at duak afud.

Sakaryas 13:8 ပူးပေါင်းရင်းမြစ်များ

Isayas 6:13

Ay dewa ban anke sawad yay sit talun at fasafuluk afud taw Israel, e namamin yay ban. Dewa katanya, e nafili kyay at kumsawad sanya. Kanya ban fagayu umkata sik bvtang at yud e malong, ay kata sik nagtudan kayu at natugbung yay.”

Isayas 66:24

Ngay taw tagseg angku gina gduksun siginans Erusalem, kanya fagayu lumag at mabulan fag ngay taw at nafamabo angku. Ay ngay ulud takon anya fagayu wa kabul, ay afuy tagirug anya fagayu wa karabung. Ay fagayu ban taw kauri kafag ngay taw takamabo.”

Eremyas 30:11

Gufud ktua ban ay gfalangfe ayu. Ay grasras kban fagayu talun nu inda nu gfasaruayan au ayu, dewa katanya kwa ban gfakamulun sa ayu takatanya. Ay bunwa at masuad te, kwa ban gfaurianan ya ayu, nu bunway gfalag au sa ayu at matuyan.”

Esekyel 20:38

Gfasaman kban siginan ayu ngay taw takamabo angku. Dewa kban nafaduksun takatanya fag ngay taw siginan at fagatabananan fag ngay talun, wa ban masakbo sas Israel at talun. Ay sumaful ban am te, au Yawi.’ ”

Esekyel 5:12

Nangafud kban ayu tuluk afud. Taguna ban fag afud kabul sis furuan daul siginans lunus ay fakasaitun. Ay at fadua bank afud, nangabul sas day furuan daul siginans fiso tagsumbalian at uyup. Ay at fatulu bank afud, namasaruayan au sas fagdaul daga ay gfataglayun kyay ban fia gfaurianan.

Daniel 9:27

Ay kanya ban fag tagfangguna kawat sik maksvn fag nasadian laman sa sangay taw kaduge fituk banwa. Dewa katanya, nu nlangfe ban tuluk banwa ay unumk magdanun, kanya ban gfaragang wan nu gfon fanggalangun sis Yawi at bale ay kanya ban namasakbo sanya at mauri fag fagagbilugun tagfayud e masuad at bale. Ay kanya ban gbanwan sanya yakmay andasug Dius at nafalganan fag buknga laman sa kafag tagfangguna at fakatabuan.”

Amus 9:10

katanya yangay am, ku ngay taw tagasalanan, wa ban am umlangfe siginan ku faurianan. Fagayu ban am taglong te, ‘Faurianan ban wa mdasug sa emi,’ umbul am sas awayan.

Sefanias 3:12

Dewa katanya, ku fagfasawadun ban fag ngay taw sis Erusalem takamababaun way lang ay at yud e kwa, ay kanya ban fagayu get gubuk sa angku.

Malakyas 3:5

Yawi at Mabalyanan glong te, “Kadasug kban laman nanginsaful ayu. Ay gfatuyan kban vtv te, mauri ngay tagfangabalo, takamuagan fag tagwabilug, at yud gfakasakan at famayad sat ngay fagsuguan, tagfauri ngay fagbubayun ay at yud e fagtainan ya, ay at yud matuyan sat ngay betaw. Namakamulun kban takatanya sa ayu, at yud gsuyu angku.”

Mateu 22:7

Ay kafag fun maksvn nu kadotama ay nasugu at ngay tagfawayan laman namabul ngay taw takamabul ay nangirug at furuan.

Markus 13:20

Ay tam Fun nu dway ban nafagud kanya fag buknga, wa ban e gleleg ya. Ay dewa katanya, aroro kesug tua at nafili fag ngay taw, gfagud way ban ginanya fag buknga.

At Nafasure 16:19

Ay arodi, Babilunya fag furuan ankafud tulu. Ay ngay furuan sas fagdaul daga anrasras wan, ay Dius namatang at mabalyanan fag furuan daul Babilunya ay nafainum kafag taya at bilug, kanya Dius at fandotaman at maksvn fag faurianan.