Sakaryas 10:3 - Fanawbuid tagsibaliwas Fakayabian

³ Yawi nalong te, “Maksvn nu kadotama au ngay tagfangguna ku ngay taw. Matuyan wan, namaurianan kwan anya fagayu. Aroro au wan tagalaga ku ngay taw Uda kata nu galaga tupa. Kanya fagayu namakata au sik kabayu tagfanagsag sis fagawayanan.

Sakaryas 10:3 ပူးပေါင်းရင်းမြစ်များ

Ub 39:25

Kanya nu nadungug budyung nu gawang, guni ay gayuk wan awayan dewa ngayayu yay. Ay gdungug nu e garingang sis fagawayanan, ay ngay fun tagfawayan nu gbarisanan guro.

Nu Galin 4:31

Ay kanya fagayu nafanud. Ay nu nasaful te, Yawi kafanyu tua anya fagayu, ay nalag at fagidapun, namalub ay naseg Yawi.

Fangatulun 21:31

Ngay kabayu dewa mafalganan laman sas awayan, Yawi tua tagfababo.

Sulumun at Alubad 1:9

Ku fakesugun fag baguina, kata o sik kabayu tina ngay kabayu tama at fagalabianun, tagguyud Igiptu at fun at fagagbilugun fag ngay faguyudan.

Isayas 10:12

Dewa katanya, tam Fun Dius nalong te, “Gina ban antabu nu gagbilug au Asirya at fun nu namafasludan ku algan fag faurianan sas Buksul Siun ay sas furuan Erusalem, namaurianan kyangay ban anya, aroro kanya kamatungudun ay kamanagsag!”

Isayas 24:21

Ginanya ban, Yawi namauri at mabalyanan fag ngay awatan sis banwa, anggan ngay fun iste sfagdaul daga.

Eremyas 10:21

Anfasludan sa antam takatatuy fagayu, aroro tam ngay tagfangguna kata way sik ngay taw at yud e fagsafulun, ay wa nanangakbang sas Yawi laman nanget gubuk. Nu katanya, kanya fagayu nababawan, ay at fagfunanun fag ngay taw nalagyu wan.

Eremyas 25:12

“ ‘Ay nu nlangfe ban fituk safuluk banwa, gfaurianan kyangay ban Babilunya at fun anggan at ngay taw aroro sat ngay asalanan. Gfasik mabaluanan kyangay ban at ngay furuan kabavn.

Eremyas 25:34

Am fag ngay tagfangguna, waywayi maksvn, dagingani sis daga aroro sa ay fakabaluun. Aroro andasug wan at menit nu gfabul ayu kata nu gfabul sik tupa, ay umrufa am kata at kinrufa fag tikung.

Eremyas 50:6

“Ku ngay taw kata sik ngay tupa at nalyam. Aroro at ngay tagulit nafalibangun anya fagayu sa sangay fungsu ay sa sangay buksul ay kanya ban fagayu wa saful ya gtvbtvban at dalan gina kafoli.

Esekyel 34:11

“Au, Fun Dius Yawi, glong au te, nanrvbvy kban ay nangalaga ku ngay tupa.

Esekyel 34:12

Nanrvbvy kban anya fagayu kata sik tagalaga tupa nu grvbvy at ngay tupa tagsaruayan. Namaful kban anya fagayu siginan sangay talun nu inda nu marapyagan gina fag buknga e fagmauriun.

Esekyel 34:2

“Taw at baguama, nangaringang o sabaliwas Israel at ngay tagulit. Nanlong o sanya fag ngay taw te, ‘Fun Dius Yawi glong te, Afanyuan am. Ay fagalagaun ay ngay sadili way. O nunda tagalaga tupa, bunwa tupa at fagalagaun?

Daniel 11:32

Kanya namaylatan ngay taw at naubun at fagafanudun laman namakamulun at mauri. Dewa katanya, fagayu ban tagafanud sas Dius sas fagdaul at amatanganan, namawayan anya.

Sefanias 1:8

Ginanya ban fag menit, namabul au ngay taw Uda kata sik fanggalangun sa angku fag fagbaugun. Namaurianan au ngay tagfangguna gasfuan fun at ngay baguama, ay tagfaning tibak talun tagugali at mauri.

Sefanias 2:7

Ay at kinsawad ban fag ngay taw Uda nangagbilug kafag talun. Ay sanya yangay ban nu namafangonan at ngay fagbaugun. Ay nu nyabi wan, kanya fagayu nantiug wan sis Askelun fag ngay bale. Ay ginanya ban, kafag ngay taw at Dius, Yawi kafanyu ay gdog yay namae ramraman anya fagayu.”

Sakaryas 11:17

Afanyuan at yud matuyan fag tagalaga tupa at fakadasugan aroro kanya nafabayan at fagalagaun fag ngay tupa. Siginan sik fiso at uyup gatvngi kanya at daluap, ay suruti at siun fag mata. Nu katanya, we tungkul ya at daluap at sadi ay at siun fag mata wa glag.”

Lukas 1:68

“Segi tam Fun, taw Israel at Dius, aroro kanya andasug laman namalangfe at ngay taw.

1 Pedru 2:12

Ugalii at matuyan si sangay taw at yud e fagafanudun, dewa kafag ngay taw gfantabugan te, mauri am. Ay kanya ban fagayu nu nalag ay fakamulun at masine, sumeg tam Dius gina ban kanya kadasug.

Rut 1:6

Nuemi nadungug te, Yawi nafamanyun sat ngay taw sis Uda siginan nu gfayu at ngay gutluan. Nu katanya, talmanugangan nafalganan laman kafoli sas talun Uda.