Rut 3:7 - Fanawbuid tagsibaliwas Fakayabian

⁷ Buas nu nafangon wan ay nainum, mabayan wan at amatanganan. Ay nataygilidan sis tigyangan fafulan barli ay natiug. Ay Rut garimanan nangakbang sas Buas ay naurug at umut si baliwa at darafa ay natiug yangay sanya.

Rut 3:7 ပူးပေါင်းရင်းမြစ်များ

Fakasigadan 43:34

At fagnamulan duksayan at fakonun siginans Use at fagfangonan, dewa katanya, nu gfon sas Benamin at fakonun lima tua ginan at kayuan. Kanya fagayu nafangon ay nainum gfasfuan Use ay guseganan.

2 Samwel 13:28

Ay kanya fagayu nu maful wan laman guseganan, Absalum nalong sat ngay fagsuguan te, “Fanyai Amnun nu galangu ay dewa gina ro nu naligbat au ayu, fabuli wan anya. Lag am kalimu; au wan tagsugu ayu. Faksvni ay amatanganan ay lag am gaduanun.”

1 Fun 21:7

Ay Esebel nalong yangay te, “O nunda bunwa o Israel at fun? Malunggungi ay fangoni. Useganani aroro namon au sa emu Nabut at tanuman.”

Ester 1:10

Ay gina sis fafituk menit nu maful, fun guseganan aroro ngayuk fanlangu at nainum. Kanya nafauro at nafili fag fituk fagsuguan tagalaga anya. Kafag ngay fagsuguan: Meuman, Bista, Karbuna, Bigta, Abagta, Setar, ay Karkas.

Alubad. 104:15

Ay kafag ngay taw anke fanginum at malangu laman gfae fagmanabayanun, ay anke langis laman famasine at kamatan, ay anke tinapay tagfabitsug anya fagayu.

Takamoyung 10:19

Fakonun ay fanlangu mafae fagusegananun ngay taw, ay salapi mafon nusnga setaw at fagayudanun.

Takamoyung 2:24

At masine ngay taw at fakamulun gfangon, ginum, ay gfae masuad at ngay nainlufuyan. Nasaful au te, takatanya tua tagsiginans Dius.

Takamoyung 8:15

Nu katanya, nu sa way angku, amasine yap sik taw nu guseganan kaduge gleleg. We masine ya laman sa anya stes fagdaul daga nu bunway tagfangon, taginum, ay taguseganan. Siginan takatanya kanya guseganan tua dewa gidapan kaduge gleleg stes fagdaul daga Dius at nafon anya.

Takamoyung 9:7

Useganani, fangoni, ay mamami fanlangu, aroro kanya Dius at fakaylatun am fakamulun.

1 Kurintu 10:31

Nu katanya, nusnga setaw ay fakamulun, dewa am gfangon ay ginum, fauseganani tua Dius.

Efesu 5:18

Lag am glanguan, aroro kanya mauri way, nu bunway ugatani laman at Masine fag Falad gbanwan tua si ayu.

Tagfangguna 19:22

Ay kaduge guseganan gfangon, sik ngay taw mauri naligung at bale, ay gfana at sakbawan. Ay kanya fagayu guro kafag fagtainan te, “Faduksuni am betaw fag mangama. Namataladan ami anya.”

Tagfangguna 19:6

Nu katanya, kafag dua nafangon yay. Ay at nugangama nalong sat nugang te, “Ste yap ro am katsi tsigon fag yabi, nanguseganan yap ro tam gayvd.”

Tagfangguna 19:9

Ay dadwa ay anggan at fagsuguan nu galoun wan, at nugangama nalong yay fia te, “Kayabi wan, arvs ya ro vtv nu glao am. Nu masine, ste yap ro gayvd nu gtiug am, balabag ya ban sbalabag nu glao am.”

Rut 3:6

Nu katanya, Rut nu nafalganan wan, kanya nalao sas fagruyusan laman namakamulun at nugangina at ngay nalong anya.

Rut 3:8

Ay nu gakawabilug yabiun wan, Buas anfulo, ay anlipsik aroro e sik mangena gtaygilidan sit day darafa.