Rut 3:1 - Fanawbuid tagsibaliwas Fakayabian

¹ Sik menit, Nuemi nalong sas Rut te, “Nugang, ku fakaylatun te, fanmangamai wan laman ban sam fagmabayanun.

Rut 3:1 ပူးပေါင်းရင်းမြစ်များ

Fakasigadan 40:14

Ay gina ban o nalfas, amatangi tua angku. Laman gfalag o am fagmasineun sa angku, fatoglagi yangay ban angku sas Igiptu at fun laman ggubuk o angku ay umkalfas kyangay ste ginan.

Alubad. 128:2

Nu katanya tua nu gbanwan o, o tua ban takon am nainlufuyan, ay umke ramraman ban o, ay e fagmanabayanun.

1 Kurintu 7:36

Sik baguama at fakamulun nu dway matuyan ya aroro maksvn nu ganamataladanun at famangenan, ay kanya nu kaylat wan nangadadwa, at masine adadwai wan. Takatanya bunwa asalanan.

Deuterunumyu 4:40

Faningi at ngay suguan ay at faugali ku nafon ayu katsi laman ban di e kadasug sa ayu ay sa ay ngay kasugfunanan at mauri, laman ban ngaduge tua nu gbanwan am si ay Dius Yawi at nafon ayu fag daga.

1 Timuteu 5:14

Nu katanya way, gamatangan au te, masine ngap at mabaguina yay fag fagbubayun nu gdog gfanmangama, laman kae sisian ay gulit fia sat talanan, laman at yud gafanud we fagmalongun at mauri sabaliwa antam.

1 Timuteu 5:8

Nusnga sinu fag taw at yud kaylat ggubuk at ngay kalongan, kaugat wan at sadili talanan, kanya naubun wan at fagafanudun, ay nu mauri gtungud yay at yud gafanud.

Rut 1:9

Yawi ban nangus gfae indugan yay ayu ay umsik manabayan ban am fag talanan.” Sanya ginan, Nuemi nayuk at nugang fagdua. Ay talmanugangan maksvn nu gwayway.

Rut 2:23

Nu katanya, kaduge e faggutluun, Rut galo way gugat Buas at ngay fagsuguan fag ngay mangena laman kamuyutan barli ay trigu at ngay raug. Ay Rut gbanwan tua gugat sit bale gufud at nugangina.

Rut 3:2

O gamatang o Buas tam kalongan, am fadgaloan fag ngay mangena at tagfayafun? Katsi ro fag yabi, kanya nanlayap at barli.