Rut 2:12 - Fanawbuid tagsibaliwas Fakayabian

¹² Nu katanya, Yawi ban nangus gfon emu nusnge wain aroro sam ngay nafakamulun. Yawi, Israel at Dius, am fakakbangan gfamut yay ban at ngay fon emu.”

Rut 2:12 ပူးပေါင်းရင်းမြစ်များ

Alubad. 17:8

Alagai angku kata ngay taw nu gdiri at ngay mata, ay suksuki angku kata sik fanginan nu glub at ngay riangan sit daga fakfak.

Alubad. 19:11

Ay am longan sik famararang sa angku am fagsuguan. Ay nu nafaning ktua ban takatanya e famonun ban daul sa angku.

Alubad. 36:7

Dius, maksvn tua nu kesug o, ay di e fakatabuan. Nu katanya, fagayu taw nansarirung sam daga fagmabalyananun, kata sik fanginan nu glub at ngay riangan.

Alubad. 57:1

Dius, afanyui angku, aroro o wan ku fagsarirungan. Gsarirung au si emu kata sik riangan manuk sit mina at daga fakfak yakmay fagmauriun anlangfe.

Alubad. 58:11

Ay ginanya ban ngay taw glong te, “Anud, at matuyan fag ngay taw e bulan fia, ay e Dius taginsaful sas fagdaul daga.”

Alubad. 61:4

Dius, fabanwani angku sim bale kabavn, ay dirii angku kata sik fanginan nu glub at ngay riangan sit daga fakfak.

Alubad. 63:7

aroro o wan ku taggubuk. Kaduge o gulit angku kata sik fanginan nu glub at ngay riangan, galubad au sik alubad.

Alubad. 91:4

Kanya gdiri emu kata sik manuk tungud nu glub at ngay riangan. Ay at fagmatuyanun tagdiri ban emu kata sik famalabag.

Fangatulun 11:18

At mauri fag taw wa magbilug at matuyan fag fanggalangun, dewa katanya, at matuyan fag taw, mul tua at matuyan fag fanggalangun.

Fangatulun 23:18

Nu katanya, mabayan tua ban o, ay umfasludan ban am ngay fakaylatun.

Eremyas 31:16

Dewa katanya, Yawi nalong anya te, “Lag o gwayway ya aroro gfon kban sa emu famonun sas fagayu am nafakamulun. Am ngay baguama ban kafoli yay siginan at ngay fawayan at talun.

Mateu 23:37

“Erusalem, Erusalem, o wan tagfana gang ay tagfabul Dius at nasugu sa emu fag ngay taglong. Ngayu ginan koma namaful fagayu am taw, kata sik fanginan nu gfaful at ngay riangan sat daga fakfak ay wo kaylat.

Mateu 5:12

Useganani ay aylati dewa katanya, aroro ngayu ban Dius at fon ayu sas banwa at maksvn nu masine. Aroro katanya yangay nu e gfauri Dius at ngay taglong at naguna ayu.

Mateu 6:1

“Lag gfakamulun at masine, kanya nu ay famalagan way lang ay iba. Nu katanya way ay fakamulun, wa ban am e fagnamulun at masine siginan ay Mama sas banwa.”

Lukas 6:35

“Esugi tagfawayan ayu, ay fakamuluni sa anya at masine, ay faulbusi tua sa anya ay lag gfanya ya at fantubus. Nu katanya tua ban ay fakamulun gbia tua ban ay fagnamulun sas banwa, ay kangayan ban am te, Tiba Tungud fag Dius at ngay sisian. Aroro Dius kafanyu yangay dewa sa sangay taw mauri ay at yud ggubuk at iba.

Kulusas 2:18

Lag am gatabanan nusnga sinu at yud matuyan nu kamababaun ay tagseg ngay tagbarita. Takatanya fag ngay taw gfoyung sabaliwa at ngay taginfan, ay kamatungudun sabaliwa at ngay amatanganan tagfaning ste swa daga fag ngay ugali.

2 Timuteu 1:18

Tam Fun kafanyu nangus fia anya anggan ban sa taguyan fag menit. Nasaful o te, gina au sis furuan Efesu, kanya nagubuk yangay angku.

2 Timuteu 4:8

Tam Fun tagtuyan sabaliwas fagayu taw te, sinu takalangfe. Ay katsi kanya nafalganan sa angku sik famauseganan at fagnamonun ban sa angku gina ban taguyan fag menit, sik famasaful te, gtap angku kata nu yud au e asalanan. Nu gfon ban takatanya, bundi lang sa angku nu bunway anggan tua sas fagayu taw tagfanya anya nu kafoli.

Ebreu 11:26

Muisis namatangan te, gtungud yay ban nu e tungkul at nagwantan at maidap aroro sa tam Fun Isus, abat ngate, nangagbilug talun Igiptu at fagmaramramanun, aroro nu gdama sa tua baliwa at fagnamulun ban fag famonun.

Ebreu 11:6

Sik taw at yud e fagafanudun wa mafauseganan Dius. Nusnga sinu at nangakbang sas Dius masine nu gafanud tua te, e Dius tagleleg ay tagfon at masine sas fagayu tagrvbvy anya.

Ebreu 6:10

Dius matuyan tua. Nu katanya, kanya di ban kalyam ay nafakamulun ay nu kesug am anya, ay dasug katsi gfataglayun tuam gfalag takatanya siginan nu ggubuk am at nafili fag ngay taw.

Rut 1:16

Ay Rut nabalus te, “Lag o gfabulun te, gsaruayan wata, aroro nu inda ban o, sanya kyangay ban, ay nu inda ban am fagbanwanan, gbanwan kyangay sanya, ay am ngay kaiban, ku ngay kaiban yangay, ay am Dius, kanya yangay ban ku Dius.

Rut 2:11

Ay Buas nabalus te, “E nafansulitan sa angku sabaliwa am ngay nafakamulun sam nugangina, siginan am indugan nu kabul. Ay e nalong yangay angku te, naubun wo am mama ay am mina ay fagayu am kalongan laman namanwan sam fagyudun toglag fag ngay taw.

Rut 2:13

Rut nalong te, “At kalukme o sa angku. Nafabitsug o ku amatanganan ay masine tua am ngay nalong, dewa au yud am fagsuguan.”

Rut 4:15

Ay at namabitsug ban am amatanganan ay at nangalaga emu gina o anfufuina, aroro am nugang nu kesug emu gtungud yap tua fituk sisian nu mafangesug.”

1 Samwel 24:19

O sik taw nu nalag at fawayan, gfabayan way lang? Yawi nangus namon sa emu at masine aroro sa am nafakamulun sa angku.

1 Samwel 24:20

Katsi nasaful au te, umsik fun ban o sas fagdaul talun Israel.