Rut 2:10 - Fanawbuid tagsibaliwas Fakayabian

¹⁰ Rut narungan sas Buas at daga salubangan laman gsuyu ay glong te, “Wain am fagmalukmeun sa angku ay sik betaw kway ste fag talun?”

Rut 2:10 ပူးပေါင်းရင်းမြစ်များ

Fakasigadan 18:2

Ay kaduge Abrayam gbanawan, nalag tuluk mangama wa bangan ngayayu, ay kanya masakit nu kalindug ay namablang, ay namalub sit daga salubangan laman gfababaun.

2 Samwel 19:28

Nangus nafabul wo ku fufuama at kalongan fagayu, dewa katanya, naylat o nu gfasfuan au emu gfangon. Nu katanya, katsi kwa maet ya sa emu at maylat.”

2 Samwel 7:18

Sanya ginan, fun Dabid nasakbo sas bale ramit sat fagfasakboan Fagsuadan Nasadian ay namalunggung sanya sis Yawi at daga salubangan ay gdarangin te, “Yawi, ku Fun, sinu au nunda, ay sinu ku ngay kasugfunanan laman sik mauseganan ami sa emu?

2 Samwel 9:8

Nu katanya, Mefibuset natudan nafababaun ay nalong te, “Sinu au laman gfon o sa angku takatanya fag ngay famonun? Au kata kway sik idu at mabulan.”

Lebitiku 19:34

Ay tapi anya fagayu te, ay kaiban, ay esugi anya fagayu kata nu kesug am ay sadili, aroro ebi, sik ngay betaw yangay am sis talun Igiptu. Au wan ay Dius Yawi.

Mateu 25:35

Aroro gina au kalunus, nafafangon tuam angku, ay gina au kadanum, nafainum tuam angku, ay gina au sik betaw, nafasakbo tuam angku,

Lukas 1:43

Sinu au, laman ku Fun at mina nangadasug sa angku?

Lukas 1:48

Aroro Dius namatang tua angku at mafalingun fag fagsuguan. Dungugani, siginan katsi, fagayu taw at sugfun gfangayan angku te, sik mauseganan.

Ruma 12:10

Edkesugani kata nu sik duksayan am. Ay masuyui tua sas galay am at sadi.

Rut 2:11

Ay Buas nabalus te, “E nafansulitan sa angku sabaliwa am ngay nafakamulun sam nugangina, siginan am indugan nu kabul. Ay e nalong yangay angku te, naubun wo am mama ay am mina ay fagayu am kalongan laman namanwan sam fagyudun toglag fag ngay taw.

Rut 2:13

Rut nalong te, “At kalukme o sa angku. Nafabitsug o ku amatanganan ay masine tua am ngay nalong, dewa au yud am fagsuguan.”

Rut 2:19

Ay Nuemi nainto anya te, “Dada nu nanfamuyutan o? Sinu ke gamasun? Dius nangus gfamanyun kanya fag taw at namalukme sa emu.” Ay Rut nabalus te, “At ke gamasun Buas.”

Rut 2:9

Nu inda ban ku ngay tagfakamulun nu ggutlu, aloi ban gugat anya fagayu. Nalong kwan sa anya fagayu te, lag gaiyan emu. Ay galay ban o kadanum, nanginum o sa ku ngay fagsuguan at ba mamam sit ngay baringan.”

1 Samwel 25:23

Abigail nu nalag Dabid, masakit nu gtustus siginan at asnu ay anlub masakit sas Dabid at daga salubangan,