Rut 1:17 - Fanawbuid tagsibaliwas Fakayabian

¹⁷ Ay nu inda ban nu kabul o, sanya yangay ban nu kabul au, ay sanya yangay nu gfoli angku. Yawi ban gfaurianan angku nu naubun kway emu. At mafasaruayan ban anta, fakabulun way lang.”

Rut 1:17 ပူးပေါင်းရင်းမြစ်များ

2 Samwel 15:21

Ay Itay nabalus fun Dabid te, “Gfatuyanan au sa emu, mesug fag fun, ay sas Yawi, tagleleg fag Dius te, galo ban mi emu nusnga nday o dewa ban sas fakabulun.”

2 Samwel 19:13

Ay longi yangay sas Amasa te, ‘Aroro ku kaiban yangay o, gfili kban emu laman ku ngay tagfawayan at fun fantubus Uab. Kway ban nafakamulun takatanya, Yawi ban nangus gfaurianan angku.’ ”

2 Samwel 3:35

Ginanya fag menit, Dabid wa nafangon ya. Ay ngay taw gfabulun anya te, fangoni. Dewa katanya, Dabid nafatuyan te, “Yawi ro nangus gfaurianan angku nu nafangon kway nusnga setaw fag fakonun yakmay ro gakayabiun.”

2 Samwel 3:9

Nu katanya way nangalo kwa Dabid laman namafasludan Yawi at fatuyanan sa anya. Ay Yawi ban nangus maksvn nu gfaurianan angku kway nagubuk Dabid.

1 Fun 13:31

Nu nanamoli wan, kanya nalong sat ngay baguama te, “Nu nbul kban, namoli ban am angku sas fagfolian magamut Dius at fagsuguan; fasii angku at day tigyangan.

1 Fun 19:2

Nu katanya, Esebel nafadasug sik longan sas Elyas te, “Ngay fagsegan ban nangus gfaurianan angku, kway ban nafabul emu balabag kata katsi fag buknga, kata am nafakamulun sas Baal at ngay taglong.”

1 Fun 2:23

Sulumun gfatuyan sas Yawi at ngayan te, “Dius nangus gfaurianan angku nung kway ro nafabul Adunya aroro sat fagetun!

1 Fun 20:10

Ay Ben-Adad nasugu yay fia kafag ngay taw sas Akab te, “Ngay fagsegan nangus gfaurianan angku, kway ro nafarasras Samarya. Gtuyan au te, nusdi sik lukbu we kasawad ku ngay tagfawayan at galumutan.”

2 Fun 6:31

Kanya nalong te, “Dius ro nangus maksvn nu gfaurianan angku, kway ro nagatvng Elisyu, Safat at baguama at liug katsi fag menit.”

Alubad. 45:10

Fun at fabubayan, dungugani ku longan emu: alyami yap am ngay kalongan ay am ngay fasabale.

Fakamulun 11:23

Ay Bernabe nu ndasug sanya, guseganan nu nalag Dius at fagmagalangun sa kafag ngay taw. Ay sas fagdaul at amatanganan kanya gfoyung sanya fag ngay taw Dius at longan, laman gfaning tua gugat tam Fun.

Fakamulun 20:24

Dewa katanya, wa mafanud sa angku ku leleg, at mafanud nu namatabu au ku fanambagun tam Fun Isus at nafatigwanan sa angku fag fakamulun, siginan nu gfoyung at Masine fag Barita sabaliwa tam Dius at fagmagalangun.

Rut 1:16

Ay Rut nabalus te, “Lag o gfabulun te, gsaruayan wata, aroro nu inda ban o, sanya kyangay ban, ay nu inda ban am fagbanwanan, gbanwan kyangay sanya, ay am ngay kaiban, ku ngay kaiban yangay, ay am Dius, kanya yangay ban ku Dius.

Rut 4:15

Ay at namabitsug ban am amatanganan ay at nangalaga emu gina o anfufuina, aroro am nugang nu kesug emu gtungud yap tua fituk sisian nu mafangesug.”

1 Samwel 14:44

Saul nalong te, “Anud, umbul ro wo. Aroro Dius ro gfaurianan angku kway nafabul emu.”

1 Samwel 20:13

Dewa katanya, kway ban nafasaful emu te, ku mama e algan namabul emu, Yawi ban nangus gfaurianan angku. Yawi ban nangus gufud emu kata ebi nu gufud ku mama.

1 Samwel 25:22

Dius ban nangus gfaurianan angku balabag nu e nafasawad kway Nabal at ngay kalongan mangama.”

1 Samwel 3:17

Eli ginto te, “Nataw Yawi at nalong sa emu? Lag o gsuksuk angku. Maksvn ban Dius nu gfaurianan emu way o nafoyung sa angku fagayu at nalong.”