Rut 1:16 - Fanawbuid tagsibaliwas Fakayabian

¹⁶ Ay Rut nabalus te, “Lag o gfabulun te, gsaruayan wata, aroro nu inda ban o, sanya kyangay ban, ay nu inda ban am fagbanwanan, gbanwan kyangay sanya, ay am ngay kaiban, ku ngay kaiban yangay, ay am Dius, kanya yangay ban ku Dius.

Rut 1:16 ပူးပေါင်းရင်းမြစ်များ

2 Samwel 15:21

Ay Itay nabalus fun Dabid te, “Gfatuyanan au sa emu, mesug fag fun, ay sas Yawi, tagleleg fag Dius te, galo ban mi emu nusnga nday o dewa ban sas fakabulun.”

Alubad. 45:10

Fun at fabubayan, dungugani ku longan emu: alyami yap am ngay kalongan ay am ngay fasabale.

Fangatulun 17:17

Sik fagadgalangan kesug tua gugat, ay at faginke faduksayun, laman taggubuk anya gina anke fagidapun.

Isayas 14:1

At matuyan, Yawi ban kafanyu taw Israel ay gdog yangay nanfili at ngay taw, laman gdog yay namanwan sa ebi at talun, ay e ngay taw siginan tibak talun at magamut sanya.

Daniel 2:47

Kanya nalong sas Daniel te, “Aroro nafayamag tuo ku taginfan at masuad, gafanud au te, am Dius amabalyanan yap tua sas fagayu. Kanya tua nangus fag Fun ngay fun at fagtoglagun. Aroro kanya way lang at mafafayamag at ngay madulo.”

Daniel 3:29

Ay katsi, gsugu au te, nusnga sinu fag taw dewa ndaginan fag talun, ay nusnga setaw at fangaringang, at nalong mauri sas Sadrak, Mesak, ay Abednegu at Dius, umsaruayan ban at ngay afud bilug ay umkiklas at ngay bale. Aroro we tibak Dius at mafalangfe kata at nafalangfe kafag tuluk baguama fag Dius.”

Daniel 4:37

Nu katanya, katsi, gfauseganan au ay gfabat Dius tagsis banwa, aroro at ngay fakamulun matuyan, ay kanya gfababa ngay takamatungudun.

Usea 13:4

Au ay Dius Yawi at nafalfas ayu siginans talun Igiptu. Wam e fagtoglagun ya tibak Dius at mafalangfe ayu, nu bunway au way lang.

Sakaryas 8:23

Ay ginanya ban fag menit, safuluk taw tagsaman at fangaringang at yud gbanwan sanya, nangakbang sa sik taw Udyu ay glong te, ‘Kaylat ami nangalo ayu aroro nadungug ami te, Dius galo ayu.’ ”

Mateu 8:19

Ay arodi sik tagfoyung Muisis at Faugali nanangakbang sas Isus ay nalong anya te, “Takamoyung, galo kban emu nusnga nday ban o.”

Uan 13:37

Pedru ginto yangay te, “Ku Fun, wain katsi ku fagyudun manangalo emu? Mafalganan au kabul laman sa emu.”

Fakamulun 21:13

Ay Pablu nabalus te, “Wain ay fagwaywayun? Lag am gfamomuy ku amatanganan. Aroro mafalganan au nangasiukan ay nangabul sas Erusalem aroro sa tam Fun Isus.”

1 Tesalunika 1:9

Aroro kanya wan fag ngay taw at nafadungug sa emi te, naylat mandi am em nasiboan ayu. Ay kanya yangay fagayu at nalong sa emi te, naubun wam nu gseg am ay ngay fagsegan, laman gfaning am tagleleg ay at matuyan fag Dius,

Uswe 24:18

Kanya naiyan ngay taw Amur ay tiba yak taw tagbanwan ste fag talun. Nu katanya, gseg yangay mi Yawi, aroro kanya wan em Dius.”

At Nafasure 14:4

Kanya fagayu at yud batang gtugtug mangena aroro wa batang kamubay. Kanya tagalo Tupa Riangan nusnga nday nu glao. Kanya fag ngay taw at kinlangfe siginans wa taw, kata sik taguna fag fanggalangun sas Dius ay sas Tupa Riangan.

Rut 1:15

Ay Nuemi glong te, “Am biras anfoli wan sat ngay kaiban ay sat ngay fagsegan. Nu katanya, anggan o nangalo wo anya.”

Rut 1:17

Ay nu inda ban nu kabul o, sanya yangay ban nu kabul au, ay sanya yangay nu gfoli angku. Yawi ban gfaurianan angku nu naubun kway emu. At mafasaruayan ban anta, fakabulun way lang.”

Rut 2:6

At fagsuguan nabalus te, “Kanya fag mangena siginans talun Muab, ay nanangalo Nuemi gina kafoli stae.

Rut 4:15

Ay at namabitsug ban am amatanganan ay at nangalaga emu gina o anfufuina, aroro am nugang nu kesug emu gtungud yap tua fituk sisian nu mafangesug.”