Ruma 9:4 - Fanawbuid tagsibaliwas Fakayabian

⁴ Aroro kanya fagayu sik ngay taw Israel, Dius nafangayan anya fagayu te, at sisian, ay nafon sa anya fagayu sik fagmasineun, ay nawat sik nasadian, ay nafon yangay Muisis at Faugali, ay nafoyung at matuyan fia at fagnansegan, ay e ngay fatuyanan.

Ruma 9:4 ပူးပေါင်းရင်းမြစ်များ

Fakasigadan 15:18

Ay ginanya fag menit, Yawi nawat sik nasadian sas Abram ay glong te, “Gfon kban sa am ngay kasugfunanan ste fag daga siginans fagfamiluganan mamam sis talun Igiptu, sitsigons liskung daul Eufrates.

Fakasigadan 17:10

Ay sabaliwa ku nasadian sa ayu, tuy ban ay fagnamaningun: fae fakatoglagani fagayu mangama,

Fakasigadan 17:2

Namafasludan kban ku nasadian sa emu; namayu kyangay ban anggan am ngay kasugfunanan.”

Fakasigadan 17:7

Ay gfafasludan kban ku nasadian sa emu ay sa am ngay kasugfunanan te, au tua ban gugat at Dius. Ay gfataglayun kban ku nasadian kabavn.

Fakasigadan 32:28

Ay kafag mangama nalong sa anya te, “Siginan ban katsi Israel wan am ngayan, bunwa ban Akub ya, aroro nafawayan o Dius ay anggan ngay taw, ay nababo o.”

1 Fun 8:11

Nu katanya, ngay tagfon fanggalangun wa mafataglayun ya at fakamulun aroro maksvn nu glinyabu, ay Yawi at kamasuloan ankapnu sat bale.

Nemyas 13:29

Sanya ginan, nadarangin au te, “Ku Dius, lag o kalyam kanya fagayu at nafakamulun mauri, at fagyudun nafae tungkul at fanambagun laman tagfon fanggalangun, ay sik ngay taw Lebi.”

Alubad. 147:19

Yawi nalong at ngay longan ay anggan at ngay faugali sas Akub at ngay kasugfunanan fag ngay taw Israel.

Alubad. 63:2

Nalag au sim bale am fagmabalyananun ay am fagmasineun.

Alubad. 73:1

Dius kafanyu tua taw Israel, kaugat wan at matuyan fag ngay taw.

Alubad. 78:61

Ay kanya nafabayan at ngay fawayan nu gbuba Fagsuadan at Nasadian, tagfasaful Dius at fagmabalyananun ay at fagmasineun.

Alubad. 89:3

Yawi nalong te, “Nawat au sik nasadian sa ku fagsuguan Dabid, ku nafili fag fun. Ay nafatuyanan au sa anya te,

Alubad. 89:34

Ay kdi ban gfayud e masuad ku nasadian, ay kdi ban gfainbalian ku ngay longan sa anya.

Alubad. 90:16

Fasurei sa emi, ay anggan ban sa em ngay kasugfunanan, am fagmabalyananun, ay am ngay fakamulun at madulo.

Nu Galin 12:25

Ay fataglayuni yangay ban takatanya fag fakamulun, gina ban am andasug sas Yawi at fatuyanan sa ayu fag talun.

Nu Galin 34:27

Yawi nalong sas Muisis te, “Riruki tuy ku nalong aroro tuy ban ay fagaloan ay at nasadian sa emu ay sas Israel.”

Nu Galin 4:22

Sanya ginan, longi sa anya te, ‘Katatuy Yawi at longan: Ngay taw Israel wan ku sisian taguna.

Nu Galin 40:34

Sanya ginan, linyabu nasuklub Yawi at bale, ay Yawi at fagmasineun ankapnu sanya fag basad bale.

Isayas 41:8

Dewa katanya, Israel, o wan ku nafili ay ku fagsuguan, ku fagadgalangan Abrayam at kasugfunanan,

Isayas 46:3

Akub at ngay kasugfunanan, am at sawad fag ngay taw Israel, dungugani angku. Nalaga au ayu siginan ngay nu kasalug am.

Isayas 5:2

Kanya naali ay nabul wan fagayu gang, ay natanum sanya at mafilian fag ngay fananum ubas. Ay nawat sanya sik bale ngabat fagnangulitan, ay nafagarvy yangay gang laman at fagturisan at gutluan. Sanya ginan, kanya gfanya at rawvg at matamis, ay aroro mangaro, at rawvg mayat way.

Isayas 60:19

Bunwa ban menit ya tagyamag emu gina swa menit, ay bunwa ban magdanun ya tagyamag emu sisad yabi, aroro au wan Yawi tagyamag emu kabavn. Au wan Dius tagfon emu fagmayamagun.

Eremyas 31:20

Yawi gbalus te, “Ngay taw Efraim, o nunda am wan ku fakesugun ku ngay sisian? Dewa malayun nu glong au sa ayu at mauri, kesug ktua gugat ayu. Kaylat ktua gugat ay kafanyu ayu.

Eremyas 31:33

Yawi nalong yangay te, “Katatuy at bagu fag nasadian ku fagnangawatun, laman ban ngay taw Israel at fagaloan sa takadasug fag ngay buknga: Griruk kban sat ngay amatanganan ku ngay foyungan. Au waban fia kanya fagayu at Dius, ay kanya ban fagayu ku ngay taw.

Eremyas 31:9

Ay kaduge kban gtabanan gfauli kanya fagayu, at kaksvnan nu guseganan sak gwayway ay gdarangin. Gtaban kban anya fagayu sa sangay bulbug, ay glao ban sat masine fag dalan ay di ban kataid. Aroro au taw Israel at mama, ay Efraim ku baguama taguna.

Esekyel 1:28

Ay tagligung anya fag yamag kata sik balango gina arak ansiwang. Katanya Yawi at kamasuloan. Ay nu nalag au anya, namalub au ay nadungug au sik aringang.

Usea 11:1

Dius nalong te, “Kesug au Israel ebi gina kanya sik masisian yay. Nafangayan au anya te, ku sisian ay nafaduksun kwan anya siginans talun Igiptu.

Tap 7:89

Muisis nu gsakbo sas Yawi at bale laman namakamatoan Yawi, kanya nadungug sik aringang gfakamatoan anya siginans wabilug duak awatan at ke fakfak, sis tungud suklub Fagsuadan Nasadian. Sanya Yawi nu gfakamatoan Muisis.

Mateu 21:33

Isus nalong yangay fia te, “Dungugani sadi ya ku faydayuanan. Sik tagagbilug daga natanum sik ngay wat ubas sit daga ay naalad at tanuman, ay nawat yangay sik fagturisan ubas at rawvg, ay nawat sik bale ngabat laman fagulitan at tanuman. Ay kanya nafaalaga at tanuman sa sik ngay tagalaga ay nalo sa tangayayu fag talun.

Uan 1:17

Dius nafon antam at Faugali siginans Muisis, dewa katanya at fagmagalangun ay at fagmatuyanun andasug siginan tam Fun Isus.

Uan 1:47

Natanael nu munakbang wan, Isus glong te, “Damai, sik matuyan fia fag taw Israel, kanya di kamaningan lang.”

Fakamulun 2:39

Aroro kanya at fatuyanan sa ayu ay sa ay ngay sisian ay sas fagayu taw tangayayu, tam Fun Dius at fagnanguroun yay ban.”

Ruma 3:2

Ngay taw Udyu gtungud yay tibak taw sas nusnga setaw, taguna, sa anya fagayu nu gfatigwanan Dius at Longan.

Ruma 8:15

Aroro Dius at nafon ayu fag Falad, wa namagsuguanan ayu sas fakalimuun, nu bunway nafon antam at fagmasineun guro sas Dius te, “Ku Mama.”

Ruma 9:6

Dewa katanya, Dius at Longan wa nyud e masuad, aroro Dius at nafili bunwa fagayu Israel at kasugfunanan.

2 Kurintu. 11:22

Kanya fagayu nu sik ngay taw Ebreu, anggan au sik taw Ebreu kyangay. Ay nu sik ngay taw Israel, sik taw Israel kyangay. Ay nu Abrayam at ngay kasugfunanan, anggan au Abrayam kyangay at kasugfunanan.

Galasya 3:16

Dius nafatuyanan sas Abrayam ay sat ngay kasugfunanan. Nu gfatuyanan, wa nalong te, “sa ban am ngay kasugfunanan,” at masuad, ngayu, nu bunway, nalong way te, “sa ban am kasugfunanan,” at masuad, sadi way. At fagfatungulan tam Fun Isus wan.

Efesu 2:12

Amatangani ay kayaunanan ebi, yam ansadi si tam Fun Isus, ay wam katap sas talun Israel at ngay taw, ay wam e afud Dius at fatuyanan sas taw Israel. Wam e fagsafulun sabaliwas Dius ay wam e fagsegun fakalangfean.

Deuterunumyu 14:1

Am wan tam Dius Yawi at ngay sisian. Nu katanya, nu kabalu am at kinbul, lag am gfilas ay ngay sadili ay lag am gufo ay buk,

Deuterunumyu 29:1

Katatuy ngay fagaloan laman ngay taw Israel mafafaning, Yawi at nafawat sas Muisis fag nasadian sis Muab. Kanya fag nasadian saman ya Yawi at nafawat sa anya fagayu sis Kureb.

Deuterunumyu 29:14

Dewa katanya, kanya ban fag nasadian bundi lang sa ayu at malindug katsi ste sis Yawi at daga salubangan, nu bunway anggan tua ban sa ay ngay kasugfunanan takasalug yay ban.

Deuterunumyu 31:16

Ay nalong sas Muisis te, “Munakbang wan nu kabul o ay nu nangalo o am ngay mangaguyang. Nu nbul ban o, ngay taw ban nanseg tibak fagsegan, sa ban at fakadasugan fag talun at ngay fagsegan. Kanya ban fagayu gtalyuyan angku, ay namayud ban e masuad ku nawat fag nasadian laman sa anya fagayu.

Deuterunumyu 4:13

Kanya nalong sa ayu nusnge wain ay fakamulun, gina ban gfafasludan at nasadian sa ayu. At suguan fag safulu at nariruk sas duak dalifi, at nasugu ayu laman ay fagnamaningun ban.

Deuterunumyu 7:6

Aroro ay Dius Yawi nafasaman ayu. Sas fagayu taw, am wan Yawi at nafili laman at fakesugun fag ngay taw.

Ebreu 9:1

Taguna fag nasadian e ngay faugali sabaliwa nu gseg, ay ste swa daga e bale ramit fagnansegan Dius.

Ebreu 9:10

Kafag ngay tagfon fanggalangun at ngay nafakamulun sa way lang baliwas fakonun ay fanginum ay ngay balyawvtan nu gfegus, ay tagste swa daga fag ngay ugali. Takatanya fagayu sik famanya way yakmay andasug Dius nu gfabagu fagayu nusnge wain.

Ebreu 9:3

At faduak suluk tagsi baliwa fantaba fag ramit daul, nafangayan te, at Mafasamanan Fia fag Suluk.

Ebreu 9:5

Ay sis tungud fagsuadan e ngay awatan at ke fakfak, at fagsafulan te, Dius sanya. Ay at ngay fakfak glanbung fagfalyaman asalanan fag suklub. Dewa katanya, katsi wami mafafayamag sabaliwa kanya fagayu.

Ebreu 9:6

Kata kanya nu mafasinean ngay fagagbilugun sis Fagnansegan fag Bale. Ay ngay tagfon fanggalangun gsakbo gugat sa taguna fag suluk laman gfafasludan at fakamulun.