Ruma 9:3 - Fanawbuid tagsibaliwas Fakayabian

³ Ku fakaylatun nangus au wan tagafaurianan ay takasaruayan siginan tam Fun Isus, nu nlangfe tua ngap ban ku ngay kaiban.

Ruma 9:3 ပူးပေါင်းရင်းမြစ်များ

Fakasigadan 29:14

Ay Laban nalong sa anya te, “Matuyan, ku kalongan o.”

2 Samwel 18:33

Dabid gtadtaruyan ay maksvn nu kabalu. Kanya nasat fagtiugan sis furuan at tungud sakbawan ay gwayway. Ay kaduge gwayway glong te, “Ku baguama Absalum, au yakman nangus at kinbul abat ngate o. Ku baguama Absalum, ku baguama!”

Ester 8:6

Kwa magwanta glag ku ngay kaiban ay ku ngay kalongan nu kamin.”

Nu Galin 32:32

Ay dewa katanya katsi, falyami yap at ngay nafakamulun mauri. Ay nu dway o gfalyam, rarusi wan ku ngayan siginan am fagrirukan fag fafil.”

Fakamulun 13:26

“Em ngay faduksay, Abrayam at ngay kasugfunanan ay am at yud Udyu fag ngay taw tagfaning Dius, sa antam at fagfonan kanya fag barita sabaliwas fakalangfean.

Fakamulun 22:5

Tam tiba tungud fag tagfon fanggalangun ay fagayu tam ngay fagtainan mafatuyan ku ngay nalong. Kafag ngay fagtainan nafon angku sik rirukan laman sanya fag ngay taw Udyu. Ay aroro siginan kafag rirukan, nalao au sas Damasku laman nanggamat fagayu tagafanud sas Isus ay namuba sties Erusalem, laman namaurianan.

Fakamulun 28:21

Ay ngay taw Udyu gbalus te, “Wami batang e dungganan barita sabaliwa emu. Ay wami batang e nalag rirukan siginans talun Udea, ay dewa ste ginan fag ngay taw at kindasug siginans furuan Erusalem we nalong mauri sabaliwa emu.

Ruma 1:3

At Masine fag Barita sabaliwa at Baguama, Isus tam Fun. Nu sabaliwa kanya nu nsik taw, kanya siginans fun Dabid at kasugfunanan. Ay sabaliwa at fagmasineun sas fanfalad, nafangayan anya te, Dius at Baguama at mabalyanan siginan nu gdog gleleg.

Ruma 11:1

Katsi ginto au te, O Dius naiyan wan at nafili fag ngay taw Israel? Duan. Anggan au taw Israel kyangay, siginan Abrayam at kasugfunanan ay katap kyangay sas Benamin at kasugfunanan.

Ruma 11:14

Bangaran ban manga siginan ku fakamulun, tiba ku kaiban fag ngay taw Udyu nalabian, ay laman ban tiba umlangfe yay.

Ruma 16:11

Longi yangay sa ku kaiban Erudiun, ay anggan sa tam ngay faduksay sa tam Fun sis Narsisu fag bale te, O manabayan tuam?

Ruma 16:21

Ku faudgufudan Timuteu glong ayu te, O manabayan tuam? Ay anggan ku kaiban fag mangama tulu Lusyu, ay Asun, ay Susipater glong yangay ayu te, O manabayan tuam?

Ruma 16:7

Longi yangay sa ku ngay kaiban fag duama Andruniku ay Unya te, O manabayan tuam? Kafag duama ku ufud sis fagubungan. Ay kanya at kintoglag te, at maseganama fag ngay nasugu, ay naguna tua angku nu gafanud sa tam Fun Isus.

Ruma 9:2

kabavn kabalu au maksvn ay gafanawa.

1 Kurintu 12:3

Nu katanya, gfasaful au sa ayu te, Dius at Masine fag Falad nu gbanwan tua sas nusnga sinu fag taw, kanya fag taw di glong te, “Fagumfaurianan Isus.” Ay at Masine fag Falad nu dway nafamatanganan sik taw, kanya wa malong te, “Isus tam Fun.”

1 Kurintu 16:22

Fagumfaurianan ban nusnga sinu fag taw at yud kesug tam Fun. Em Fun, adasugi wa nangus.

2 Kurintu. 12:15

Guseganan au gfakamulun fagayu ku fakamulun ay gfon au anggan ku leleg aroro sa ayu. Wain ay fagyudun fia kesug angku, ay kaksvn wa kanya nu kesug au ayu?

Galasya 1:8

Dewa ami ay mannga sik tagbarita siginans banwa tagfoyung ayu tibak masine fag barita tagsaman em fagfoyungun sa ayu fag Masine fag Barita, Dius nangus gfaurianan anya.

Galasya 1:9

Gdog au glong, kata ebi em longan te, Dius nangus gfaurianan ban nusnga sinu tagfoyung tibak masine fag barita tagsaman ay nafaning.

Galasya 3:10

Umfaurianan ban ngay taw tagamatangan te, umtap kata nu yud e asalanan siginan nu gfaning Muisis at Faugali, aroro katatuy at kinriruk: “Umfaurianan ban nusnga sinu fag taw at yud gfaning at kinriruk sis Muisis at Faugali fag fafil.”

Galasya 3:13

Wa tam mafafaning Muisis at Faugali fagayu, ay nu katanya, Dius nafaurianan antam. Tam Fun Isus anfaurianan laman sa antam, ay nafalfas antam siginan takatanya fag faurianan. Aroro katatuy at kinriruk sit Rirukan te, “Nusnga sinu at kinrabing sa sik kayu gafaurianan.”

Efesu 6:5

Ngay fagsuguan, faningi tua ay ngay tagfayafun sas fagdaul ay fagmasuyuun. Faningi ay matuyani kata nu gfaning am tam Fun Isus.

Deuterunumyu 21:23

lag gfadasug sbalabag nu marabingan. Ginanya yay fag menit namolii wan anya, aroro Dius wa kaylat sik taw at marabingan sis kayu. Lag gfasik masuya ay talun ay Dius Yawi at fagnamonun ayu laman ay fagnangagbilugun.

1 Samwel 14:24

Ginanya fag menit, ngay taw Israel maksvn nu kalunus, aroro Saul nafatuyan sa anya fagayu te, “Gfauri kban nusnga sinu at naon fakonun yakmay kban nafasud ku ngay fawayan.” Nu katanya, kanya fagayu wa nafangon.

1 Samwel 14:44

Saul nalong te, “Anud, umbul ro wo. Aroro Dius ro gfaurianan angku kway nafabul emu.”