Ruma 8:9 - Fanawbuid tagsibaliwas Fakayabian

⁹ Ay dewa katanya am, diam gfaning ya ay bilug at fakaylatun, nu bunway gfaning tuam at Masine fag Falad, Dius at Masine fag Falad nu gbanwan tua si ayu. Ay tam Fun Isus at Masine fag Falad nu dway gbanwan sas nusnga sinu fag taw, kanya bunwa tam Fun Isus at taw.

Ruma 8:9 ပူးပေါင်းရင်းမြစ်များ

Esekyel 11:19

Gfasine kban ay baga ay ay amatanganan laman ban wam kamabo ya, nu bunway gfaning tuam ay matuyan sa angku.

Lukas 11:13

Ay dewa am sik ngay mauri fag taw, saful tuam gfon at masine sa ay sisian, ay ay Mama sas banwa, gtungud yay nu gsaful gfon at Masine fag Falad sas nusnga sinu taget sa anya.”

Uan 14:17

Kanya fag Tagfasun, Dius at Falad tagfoyung sabaliwa at matuyan. Ngay taw tagfaning fagdaul daga at ugali wa gfaning anya, aroro wa glag ay wa gtoglag anya. Ay am, toglag wam anya aroro gbanwan si ayu ay gufud ban gugat ayu.

Uan 14:23

Ay Isus glong te, “Takesug angku gfaning tua ku longan, ay ku Mama kesug anya, ay gbanwan ami magamut si anya.

Uan 3:34

Ay aroro Dius at nasugu gfoyung Dius at ngay longan, ay Dius nafon sa anya at Masine fag Falad at fagmabalyananun fagdaul.

Uan 3:6

At kinsalug siginan sik taw, at leleg tagste way swa daga. Ay at kinsalug sat Masine fag Falad, e fanfalad tua fag leleg.

Fakamulun 16:7

Ay kanya fagayu nu ndasug sas talun Misya kaylat nangadasug sas talun Bitinya, ay Isus at Masine fag Falad wa kaylat Pablu ay at ngay ufud nu glao sanya.

Ruma 7:5

Ebi gina tam gfaning tam bilug at fakaylatun, tam fagugaliun tam bilug way at fakaylatun, nustua Muisis at Faugali nafamut yay tam ugali takatanya, ay takatanya gfadasug way antam sas fakabulun.

Ruma 8:1

Nu katanya, at kinsadi sa tam Fun Isus, kanya ban di gafaurianan.

Ruma 8:11

At Masine fag Falad nafaleleg Isus tam Fun siginan at fagmabulanan. Ay kanya gfaleleg yangay ban ay ngay bilug takabul, aroro kanya gbanwan tua si ayu.

Ruma 8:2

Siginan at Masine fag Falad at fagmabalyananun, kanya wan tagfaleleg angku sa tam fagmasadiun sa tam Fun Isus, kanya nafalfas angku siginans asalanan ay fakabulun at fagmabalyananun.

1 Kurintu 15:23

Ay baliwan Dius e filian buknga nu gfadog ban gfaleleg galay sik taw. Tam Fun Isus wan taguna at nafaleleg, ay gina ban kanya anfoli, anggan ngay tagafanud sa anya gdog yangay gleleg.

1 Kurintu 3:16

O yam nasaful te, am wan Dius at bale, ay at Masine fag Falad gbanwan si ayu?

1 Kurintu 6:17

Ay nusnga sinu at kinsadi sa tam Fun, kanya masadi wan sas falad.

1 Kurintu 6:19

O nunda yam nasaful te, ay bilug wan at Masine fag Falad at bale? At Masine fag Falad tagbanwan si ayu, kanya siginans Dius. Ay bunwa am tagagbilug ay bilug,

2 Kurintu. 10:7

Ay fagdamaun tagste way sfagdaul daga. Ay nusnga sinu tagamatangan te, sia wan tam Fun Isus at taw, kanya masine nu gamatangan yangay te, au tam Fun Isus kyangay at taw.

2 Kurintu. 6:16

Ay Dius at bale wa masine namadgaloan sat yud matuyan fag ngay fagsegan. Itam wan tagleleg fag Dius at bale. Ay Dius yangay at nalong te, “Gbanwan kban ay galo kanya fag ngay taw. Au ban kafag ngay taw at Dius, ay kanya ban fagayu ku ngay taw.”

Galasya 4:6

Aroro Dius tua tam at ngay sisian, kanya nafon antam at Baguama at Falad laman mauro tam anya te, “Mama.”

Galasya 5:24

Nusnga sinu at kinsadi sa tam Fun Isus, kanya naubun wan at dan fag ugali ay at mauri fag fakaylatun.

Efesu 1:13

Ay kanya nafasadi yangay ayu sa tam Fun Isus nu nadungug am at matuyan fag longan, at Masine fag Barita tagfon fakalangfean. Ay aroro anke fagafanudun tuam, kanya nafon tua sa ayu at Masine fag Falad, laman at famatuyan te, kanya nafili ayu.

Efesu 2:22

Ay siginan yangay ay fagmasadiun sa tam Fun Isus, kanya gfasfuan yangay gfalindug ayu laman Dius am at Masine fag Falad at fagbanwanan.

Efesu 3:17

Tam Fun Isus nangus gbanwan si ay ngay amatanganan aroro gafanud tuam sa anya. Ay gdarangin kyangay te, maksvn am sis Dius at fakesugun, kata sik kayu tangabasad at lalid,

Filipus 1:19

aroro nasaful au te, siginan ay darangin ay siginan tam Fun Isus at Falad at gubuk, umkalfas au ste ginans fagubungan.

2 Timuteu 1:14

Siginan at Masine fag Falad at fagmabalyananun tagbanwan si antam, alagai ku nafatigwanan sa emu fag foyungan at matuyan.

1 Pedru 1:11

Ay kanya fag ngay taglong gugatan gyasafulun te, ginain ban ay setain nu kafasludan at longan. Siwa anya fagayu tam Fun Isus at Masine fag Falad, ay kanya fagayu gfoyung sabaliwa Dius at nafili fag Fun at fagnandalanun fag fagidapun ay at fagnamadasugun fag fagmasineun.

1 Uan 3:24

Nusnga sinu tagfaning Dius at longan, kanya gbanwan sas Dius, ay Dius gbanwan si anya. Ay saful tam te, Dius gbanwan si antam siginan at nafon sa antam fag Falad.

1 Uan 4:13

Dakngani Dius nafon tua sa antam at Falad, nasaful tua tam te, gbanwan tam sis Dius, ay kanya gbanwan yangay si antam.

1 Uan 4:4

Ku ngay sisian, am wan Dius at ngay taw, ay nababo wam takamuagan fag ngay taglong, aroro at Masine fag Falad tua tagsi ayu. Kanya amabalyanan yap tua tagsis fagdaul daga at taw fag falad.

At Nafasure 13:8

Ay fagayu taw ste sfagdaul daga gseg ban anya. Ay siginan ngay fagdaul daga nu kafasigad, kanya fagayu at ngayan wa marirukan sis fafil fagrirukan at ngay ke leleg ban, kanya fag fafil, at kinbul fag Tupa Riangan at fagbakvdun.

At Nafasure 20:15

Ay nusnga sinu fag taw at yud marirukan at ngayan sis fafil fagrirukan at ngay ke leleg ban, e gukas yangay ban anya sas afuy daul.