Ruma 8:4 - Fanawbuid tagsibaliwas Fakayabian

⁴ Dius nafakamulun katanya laman namafasludan tam Muisis at Faugali, itam at yud ya gfaning tam bilug at fakaylatun, nu bunway tagfaning tua at Masine fag Falad.

Ruma 8:4 ပူးပေါင်းရင်းမြစ်များ

Lukas 1:6

Kafag dadwa matuyan tua sas Dius at daga salubangan, ay gfaning tam Fun at ngay longan ay at ngay faugali.

Ruma 2:26

Sik taw deyud e fakatoglagan nu gfakamulun tua kata Muisis at Faugali, Dius gtuyan tua anya te, e fakatoglagan.

Ruma 3:31

Nu katanya, o gfae yud tam e tungkul Muisis at Faugali, siginan tam fagafanudun? Anud, duan. Nu bunway kaugat nu gfae tungkul tam Muisis at Faugali.

2 Kurintu. 10:2

Tibak taw glong te, em ugali kata way at yud gafanud fag ngay taw at ugali. Nu katanya, nu ndasug kban sanya, gamatangan au te, maksvn nu garingang au sas nusnga sinu at nalong takatanya. Get au sa ayu te, lag am glong takatanya, laman ban kwa gfagaras nu garingang au sa ayu.

2 Kurintu. 10:3

Ay dewa ami gbanwan ste swa daga, em famawayan bunwa tagste swa daga fag ngay balyawvtan.

Galasya 5:16

Nu katanya, glong au ayu te, ugalii tua kata at Masine fag Falad at fakaylatun, ay lag gfaning ay sadili fakaylatun.

Kulusas 1:22

Dewa katanya, siginan tam Fun Isus at nabulanan, ansadi tuam sas Dius laman namasalubang ayu sa anya yud e malong ay matuyan.

Ebreu 12:23

Ay andasug wam sas Dius at ngay taw at maful, at natuyan te, at ngay sisian taguna kasalug. Kanya fagayu at ngay ngayan marirukan tua sis banwa. Ay andasug am sas Dius tagwabilug fagayu taw, ay sat matuyan fag ngay taw at ngay falad, Dius at nafayud e malong.

1 Uan 3:2

Ku ngay fakesugun, katsi Dius tua tam at ngay sisian, ay ya tam fia saful nu setain ban tam. Ay saful tua tam te, gina ban tam Fun Isus andasug, fagayu ban tam kata tua tam anya, aroro lumag ban tam fia anya.

Udas 1:24

Tam Dius tagdiri ayu laman diam gasalanan, ay kanya yangay tagfayud e malong ayu laman mafakbang ayu sat daga salubangan ke fagusegananun.

At Nafasure 14:5

Kanya fagayu wa batang kamuag kabavn, ay we malong.