Ruma 7:5 - Fanawbuid tagsibaliwas Fakayabian

⁵ Ebi gina tam gfaning tam bilug at fakaylatun, tam fagugaliun tam bilug way at fakaylatun, nustua Muisis at Faugali nafamut yay tam ugali takatanya, ay takatanya gfadasug way antam sas fakabulun.

Ruma 7:5 ပူးပေါင်းရင်းမြစ်များ

Mateu 15:19

Aroro tagsiginan sik taw at amatanganan kasure at mauri fag ngay algan, kata nu gfabul, ay nu gfanugtug, dewa sat ke indugan ay dewa sat yud batang e indugan, ay nu gfangkamul, ay nu kamuag, ay nu kamuagan gfatuyan sabaliwa at iba.

Uan 3:6

At kinsalug siginan sik taw, at leleg tagste way swa daga. Ay at kinsalug sat Masine fag Falad, e fanfalad tua fag leleg.

Ruma 1:26

Aroro katanya, Dius nafabayan wan kafag ngay taw nu gugali sat yud matuyan fag fakaylatun. Ngay mangena naubun wan at ugali nu gfasedsegan mangama, at fagfasedseganun at usena way.

Ruma 3:20

Aroro Dius wa gtap nusnga sinu fag taw kata nu yud e asalanan, siginan nu gfaning Muisis at Faugali, aroro kafag Faugali gfasaful te, fagayu taw e asalanan.

Ruma 4:15

Ay Muisis at Faugali nafae faurianan. Ay yaman e Faugali, wa ro e fakamaboun.

Ruma 5:20

Muisis at Faugali andasug laman gfasaful sa antam te, kaksvn nya nu kamabo. Dewa katanya, nu setain asalanan nu nkayu, kaugat wan Dius at fanggalangun nu nkayu.

Ruma 6:13

Lag am gfon ay bilug at ngay afud sas asalanan laman gfakamulun am at mauri, nu bunway foni ay sadili sas Dius aroro kanya nafadog tua nafaleleg ayu siginans fagmabulanan. Ay foni ay bilug at ngay afud sas Dius, ay ugalii kata sik ngay taw at nadog naleleg siginans fagmabulanan.

Ruma 6:19

Gfoyung au sa ayu at masakit katogdungug fag foyungan, aroro ya maksvn ay amatanganan. Ebi nafon am ay bilug at ngay afud laman gafagsuguanan am fagmasuyaun ay fagmauriun at nafae asalanan ayu. Ay katsi foni yangay ay bilug at ngay afud laman gafagsuguanan am fagmatuyanun laman diam e malong.

Ruma 6:21

Nataw ay nabul siginan ay nafakamulun ebi ay fakaplaun katsi? Takatanya fag ugali at fungfung fakabulun way.

Ruma 6:23

Aroro asalanan at famayad, fakabulun, ay dewa katanya, Dius at famonun leleg tua at yud e fakatabuan siginans Isus tam Fun.

Ruma 7:23

Dewa katanya, e nalag kyay tibak fagmabalyananun si ku bilug, ay kanya gfabadbaboan ku amatanganan. Aroro katanya nafagsuguanan au asalanan at fagmabalyananun tagfakamulun si ku bilug at ngay afud.

1 Kurintu 15:56

Asalanan tagfon ganga sas fakabulun, ay Muisis at Faugali tagfon fagmabalyananun sas asalanan.

2 Kurintu. 10:3

Ay dewa ami gbanwan ste swa daga, em famawayan bunwa tagste swa daga fag ngay balyawvtan.

Galasya 3:10

Umfaurianan ban ngay taw tagamatangan te, umtap kata nu yud e asalanan siginan nu gfaning Muisis at Faugali, aroro katatuy at kinriruk: “Umfaurianan ban nusnga sinu fag taw at yud gfaning at kinriruk sis Muisis at Faugali fag fafil.”

Galasya 5:24

Nusnga sinu at kinsadi sa tam Fun Isus, kanya naubun wan at dan fag ugali ay at mauri fag fakaylatun.

Efesu 2:11

Nu katanya, am at yud Udyu fag ngay taw siginan ngay nu kasalug am, amatangani ay kayaunanan ebi. Ngay taw Udyu gfalingun ayu te, wam e fakatoglagan. Ay gtuyan at ngay sadili te, at ke fakatoglagan, laman gfalag te, kanya tua Dius at ngay taw. Dewa katanya, at ke fakatoglagan at masuad, taw way at nafakamulun sit bilug.

Efesu 2:3

Ebi gfakamulun yangay tam at mauri kata kafag ngay taw, ay gfaning tam tam bilug ay tam amatanganan at fakaylatun. Ay satu umfaurianan tam gasfuan kanya fag ngay taw.

Kulusas 3:5

Nu katanya, at masine fabuli wan tagsi ayu tagfaning ste swa daga fag fakaylatun kata fagfanugtugun, ay fagamatanganun ay fagkamatoanun sanya baliwa, ay fagfaningun ay bilug at fakaylatun, ay at mauri fag fakaylatun, ay fagfanganuranun. Fagfanganuranun kata yay nu gseg at yud matuyan fag ngay fagsegan.

Titu 3:3

Ebi taguna wa tam mamatanganan, ay kamabo tam, ay gadayan tam, ay nafagsuguanan tam tam bilug at fakaylatun ay fagayu at mauri ste swa daga. Tam ugali mauri, ay gfangalabian tam, ay fagayu taw kadotama antam, ay kadotama yangay tam anya fagayu.

Santiagu 1:15

Kafag fakaylatun gfae asalanan, ay asalanan gfadasug sas fakabulun.

Santiagu 4:1

Daginan ay fagbadbaboanun ay ay fakadkaurianun? O nunda bunwa siginan ay ngay mesa fakaylatun tagbadbaboan si ay ngay amatanganan?

1 Uan 3:4

Nusnga sinu tagasalanan kamabo Muisis at Faugali, aroro asalanan ay fakamaboun Muisis at Faugali, katanya yay.