Ruma 7:4 - Fanawbuid tagsibaliwas Fakayabian

⁴ Ku ngay faduksay, katanya yangay am. Siginan tam Fun Isus at nabulanan, anbul wam sabaliwas Muisis at Faugali, ay ansadi tuam sas Isus, kanya at nadog naleleg siginans at fagmabulanan. Fakatanyaun, laman e tungkul tuam sas Dius.

Ruma 7:4 ပူးပေါင်းရင်းမြစ်များ

Isayas 54:5

Ay at nawat emu kata wa nu am mangama. Au, Yawi at Mabalyanan sas fagayu. Au wan Israel at Dius at yud e Malong, am Tagfalangfe. Ku ngayan te, Fagdaul daga at Dius.

Isayas 62:5

Kanya at nawat emu, ay nangadadwa ban sa emu, kata sik baguama nu nangadadwa sa sik baguina. Ay nu setain sik baguama nu guseganan at fabubayan, katanya yangay am Dius nu guseganan emu.

Mateu 26:26

Gina kanya fagayu gfangon, Isus nabul sik tinapay, ay nu naseg Dius, nalungud, ay nafon sat ngay tagadal, ay nalong te, “Tuy ku bilug. Buli ay oni.”

Markus 4:20

Ngay taw at nadungug ay at natogdungug Dius at Longan, kata ngay bvtang at kintong sit masine fag daga. Kafag ngay taw at fakamulun masine tua, kata yangay kafag tanum nu narawvg. Sik raug at bilug, tuluk safulu, ay tiba unumk safulu ay tiba sik sandan.”

Uan 15:8

Gfafauseganan am ku Mama nu ngayu tua ay rawvg, ay nu katanya tua, gfatuyan am te, am wan ku ngay tagadal.

Uan 3:29

Sa sik fainduganan, kanya wan at ke fagmasineun nangadadwa sat fabubayan. Ay nu gakadadwaun wan, at fainduganan at fagadgalangan gfanya anya, ay nu nadungug at aringang, maksvn nu guseganan. Katanya kyangay, maksvn nu guseganan au.

Uan 6:51

Au wan tagsiginans banwa fag fakonun tagfon leleg. Nusnga sinu tua ban at naon kanya fag fakonun gleleg tua ban kabavn. Ku fagnamonun fag fakonun ku bilug wan, laman namon au leleg at yud e fakatabuan sas fagayu taw ste swa daga.”

Ruma 6:11

Katanya yangay, tapi ay sadili te, anbul wam sas asalanan at fagmabalyananun, ay gleleg tuam laman gfauseganan Dius siginan ay fagmasadiun sa tam Fun Isus.

Ruma 6:14

Aroro asalanan wa magbilug ya ayu, aroro wam si yas Muisis at Faugali, nu bunway si tuams Dius at fagmagalangun.

Ruma 6:2

Ida, deyud. Anbul watam sas asalanan. Nu katanya, lag tam gfataglayun ya nu gasalanan tam.

Ruma 6:22

Ay katsi nalfas wam siginans asalanan, ay Dius tuam at ngay fagsuguan. Ay sanya ginan anke leleg tuam at yud e fakatabuan.

Ruma 7:3

Kafag mangena nu nanfamatugtug way sa tibak mangama, kaduge at mangama gleleg, kanya anke asalanan. Ay at mangama nu nbul wan, kafag mangena nalfas wan siginan kanya fag suguan. Kanya bunwa sik takamatugtug dewa nafangindugan sa tibak mangama.

Ruma 7:6

Dewa katanya, Muisis at Faugali wa gagbilug ya antam, kata wan nu nbul tam. Ay kafag Faugali we fagmabalyananun ya sa antam. Nu katanya, katsi e bagu watam ugali siginan at Masine fag Falad.

Ruma 8:2

Siginan at Masine fag Falad at fagmabalyananun, kanya wan tagfaleleg angku sa tam fagmasadiun sa tam Fun Isus, kanya nafalfas angku siginans asalanan ay fakabulun at fagmabalyananun.

1 Kurintu 10:16

Ansadi tam sa tam Fun Isus at taguk nu nainum tam gina tam Fun at yafun, ay guseganan tam sas Dius. Ay ansadi yangay tam sat bilug nu naon tam kafag sadik tinapay.

2 Kurintu. 11:2

Gafanawa au ayu kata Dius nu gafanawa ayu, aroro kata am sik diaga ku nafatuyanan sa sik mangama, ay kanya fag mangama we tiba nu bunway tam Fun Isus.

Galasya 3:13

Wa tam mafafaning Muisis at Faugali fagayu, ay nu katanya, Dius nafaurianan antam. Tam Fun Isus anfaurianan laman sa antam, ay nafalfas antam siginan takatanya fag faurianan. Aroro katatuy at kinriruk sit Rirukan te, “Nusnga sinu at kinrabing sa sik kayu gafaurianan.”

Galasya 5:18

Dewa katanya, nu at Masine tua fag Falad tagsi ayu, wam gagbilugan ya Muisis at Faugali.

Efesu 2:15

Kanya nafakamulun takatanya siginan nu gfae yud e tungkul taw Udyu at faugali ay at ngay suguan. Kanya at algan namasadi kafag duak gaban taw, nu katanya, kanya nafae fagmanabayanun kafag ngay taw.

Filipus 1:11

ay anggan si tua ayu tam Fun Isus at fon at masine fag ugali, laman gfae fagmasineun ay gfauseganan Dius.

Filipus 4:17

Dewa katanya, kwa grvbvy ay famonun, nu bunway kaylat au gyalagun ay fakamulun at masine nu kafamut.

Kulusas 1:10

Katanya em darangin laman mafafaning tuam at masine ay at maylat sa tam Fun, ay laman diam e fagayudanun sat masine fag fakamulun, ay kaksvn tua nu katoglag am tam Dius.

Kulusas 1:22

Dewa katanya, siginan tam Fun Isus at nabulanan, ansadi tuam sas Dius laman namasalubang ayu sa anya yud e malong ay matuyan.

Kulusas 1:6

at kindasug sa ayu. At Masine fag Barita karapyag sas fagdaul daga, ay ngayuk taw gafanud kata ayu, siginan nu bagu am gdungug ay gtogdungug Dius at kagalangan.

Kulusas 2:14

Dius nafaut wan fagayu at rirukan sabaliwa tam ngay fakamaboun, ay nafalyam wan fagayu siginan tam Fun Isus at narabingan sas fasulungan kayu.

Kulusas 2:20

Anbul oma am gasfuan tam Fun Isus ay nalfas oma am siginan fagdaul daga at ugali at fagmabalyananun. Ay wain ay fagfaningun yay fagdaul daga at ngay suguan te,

Ebreu 10:10

Aroro tam Fun Isus nafaning tua Dius at fakaylatun, tam ngay asalanan nalyam wan, siginan tam Fun Isus nu gfon antam at sadili.

1 Pedru 2:24

Siginan at nabulanan sas fasulungan kayu, kanya nabuba wan tam ngay asalanan laman gubun watam ay gugali tua tam at matuyan. Anfia wam siginan at ngay fakarukan.

At Nafasure 19:7

Guseganan tam ay gfanagsag ay gfauseganan tam anya, aroro Tupa Riangan nu kadadwa fag menit andasug wan, ay at fabubayan nafalganan wan at sadili.

At Nafasure 21:9

Ay kafag fituk tagbarita ebi at ke ba taya mapnu taguyan fag fituk faurianan, at sadi ankakbang sa angku ay glong te, “Gewan. Namalag au sa emu Tupa Riangan at bubay.”