Ruma 5:9 - Fanawbuid tagsibaliwas Fakayabian

⁹ Nu katanya, dakngani antap watam kata nu yud tam e asalanan siginans Isus at taguk at kinbusbus, matuyan umlangfe ban tam siginans Dius at fandotaman.

Ruma 5:9 ပူးပေါင်းရင်းမြစ်များ

Uan 5:24

“Matuyan nu glong au ayu te, nusnga sinu tagdungugan ku longan ay tagafanud sat nasugu angku, e leleg tua at yud e fakatabuan. Ay kanya di ban gafaurianan nu bunway anlangfe siginans fakabulun ay mul leleg at yud e fakatabuan.

Ruma 1:18

Dius nafasure at dotama siginans banwa laman gfaurianan fagayu takauri anya ay tagfakamulun at mauri ay tagfayud e masuad fagmatuyanun, siginan at fagmauriun.

Ruma 5:1

Nu katanya, dakngani antap watam kata nu yud tam e asalanan siginan tam fagafanudun, e fagmanabayanun tua tam sas Dius siginan tam Fun Isus.

Ruma 5:10

Ebi Dius way tam at ngay fawayan, dewa katanya, katsi ansadi tua tam sas Dius siginan at Baguama at nabulanan. Ay dakngani ansadi tua tam sa anya, matuyan, umlangfe tua ban tam siginan at Baguama at leleg.

Ruma 8:1

Nu katanya, at kinsadi sa tam Fun Isus, kanya ban di gafaurianan.

Ruma 8:30

Ay Dius nauro at ngay nafalganan. Ay kanya nafangayan at ngay nauro te, kata nu yud e asalanan. Ay kanya nafon at fagmasineun sa anya fagayu.

Efesu 2:13

Ay aroro ansadi tuam sa tam Fun Isus, ebi dewa am ngayayu si anya, siginan tam Fun Isus at nabulanan nafakbang tua ayu sas Dius.

Efesu 2:3

Ebi gfakamulun yangay tam at mauri kata kafag ngay taw, ay gfaning tam tam bilug ay tam amatanganan at fakaylatun. Ay satu umfaurianan tam gasfuan kanya fag ngay taw.

1 Tesalunika 1:10

ay gfanya am at Baguama Isus, kanya at nafadog nafaleleg, nu kafoli siginans banwa. Ay kanya tagfalangfe ban antam sa takadasug fag faurianan.

Ebreu 9:14

Tam Fun Isus at taguk gtungud tua nu nafafasine tam amatanganan ay tam basad laman gtalyuyan watam at yud e tungkul fag fakamulun, ay gfaning tua tam tagleleg fag Dius. Tam Fun Isus di e malong, ay nafon at sadili sas Dius siginan at Masine fag Falad at yud e fakatabuan.

Ebreu 9:22

Gfaning Muisis at Faugali, arvs fagayu nusnge wain nafasine sas taguk. Taguk nu dway anbusbus we mafafalyam asalanan.

1 Uan 1:7

Nu glao tua tam sasad mayamag, kata Dius nu sisad mayamag, e fagmasadiun tua tam sas galay at sadi, ay at Baguama Isus at taguk gfasine tam ngay asalanan.