Ruma 5:2 - Fanawbuid tagsibaliwas Fakayabian

² Aroro siginan anya nabul watam tuy fag fanggalangun ay guseganan tam aroro e fagsegun tua tam te, namaudgufudan ban tam Dius sat fagmasineun.

Ruma 5:2 ပူးပေါင်းရင်းမြစ်များ

Alubad. 17:15

Ay au, matuyan ktua, ay lumag au emu. Nu nfulo kwan, lumag au am fagmasineun, ay nu katanya umke fagmanabayanun au.

Alubad. 73:24

Am ngay fangatulun, si tua gugat angku, ay nataban tuo angku sas fagmanabayanun.

Fangatulun 14:32

At mauri fag ngay taw gafaurianan, aroro siginan at fagmauriun, dewa katanya, at matuyan fag taw e fagsarirungan tua gina gakabulun.

Abakuk 3:18

guseganan au aroro ku tagfalangfe Fun Dius Yawi tua.

Mateu 25:21

“Ay at tagfayafun nalong anya te, ‘Masine tua am fakamulun. Masine ay matuyan o fag fagsuguan. Matuyan tuo sa talay fag fakamulun. Ay katsi ban namalaga kyay fia sa emu at kayuan gtungud yay ban fia ebi. Ay katsi, useganani fasfuani angku, am tagfayafun.’

Uan 10:7

Isus gdog yay glong te, “Matuyan nu glong au ayu te, au wan ngay tupa at sakbawan.

Uan 10:9

Au wan sakbawan. Nusnga sinu tagsakbo nu sa tua angku nu gdalan, kanya umlangfe. Kanya fagayu gsakbo ay gduksun ay lumag at fagnanfangonan.

Uan 14:6

Isus glong anya te, “Au wan dalan ay at matuyan ay leleg. We taw madasug sa ku Mama nu dakway ban tumaban.

Uan 5:24

“Matuyan nu glong au ayu te, nusnga sinu tagdungugan ku longan ay tagafanud sat nasugu angku, e leleg tua at yud e fakatabuan. Ay kanya di ban gafaurianan nu bunway anlangfe siginans fakabulun ay mul leleg at yud e fakatabuan.

Fakamulun 14:27

Ay duama nu ndasug sanya, nafaful ngay tagafanud ay nafoyung sa anya fagayu sabaliwa Dius at ngay nafakamulun, ay at balyawvtan laman at yud Udyu fag ngay taw gafanud.

Ruma 11:20

Anud kanya. Kanya fagayu an-gatvng aroro we fagafanudun, ay am, ansugfun am aroro gafanud tuam. Dewa katanya, lag am kamatungudun, nu bunway alimui tua.

Ruma 12:12

Useganani aroro e fagsegun tuam. Ay agwantani tua ay fagidapun. Ay kabavn darangini.

Ruma 14:4

Sinu o at malong sabaliwa am iba at fagsuguan te, mauri at fakamulun? At tagfayafun way lang at mafoyung te, o masine ay mannga mauri at fakamulun. Ay kanya mafakamulun tua at masine aroro tam Fun ggubuk anya.

Ruma 15:13

Dius wan tagfon fagsegun, ay ku darangin te, kanya yangay nangus tagfon ayu fagusegananun ay fagmanabayanun aroro gafanud tuam sa anya, laman maksvn tua ay fagsegun siginan at Masine fag Falad at fagmabalyananun.

Ruma 2:7

Ay Dius ban gfon leleg at yud e fakatabuan, sa sangay taw tagfakamulun tua gugat at masine, laman grvbvy fagmasineun, ay famauseganan, ay fagyudun kabul.

Ruma 3:23

Aroro fagayu taw e asalanan, ay we fagmasineun kata Dius.

Ruma 5:5

Ay di ban umfangulan tam fagsegun aroro Dius at fakesugun siwa tam basad siginan nu gfon sa antam at Masine fag Falad.

Ruma 8:1

Nu katanya, at kinsadi sa tam Fun Isus, kanya ban di gafaurianan.

Ruma 8:24

Anlangfe watam, ay e fagsegun tua tam takatanya. Dewa katanya, tam fagsegun bunwa fagsegun ya nu nalag watam tam fagfanyaun. Aroro sinu tagfanya yay dewa nalag wan?

1 Kurintu 15:1

Ku ngay faduksay, gfamatang au sa ayu at Masine fag Barita ku nafoyung sa ayu, ay fagugatanun gbakvd dasug katsi.

2 Kurintu. 3:18

Ay tam Fun, kanya wan at Masine fag Falad, kanya gfasine antam laman kaksvn tua nu gfaning tam anya.

2 Kurintu. 4:17

Em ngay fagidapun wa maksvn ay wa ngaduge. Ay kanya gfosuk emi sat yud e fakatabuan fag famonun at yud e gfasud.

Efesu 2:18

Aroro sa tam Fun Isus, gsud tua tam manangakbang sa tam Mama siginan at Masine fag Falad.

Efesu 3:12

Aroro siginan tam fagafanudun sa anya, manangakbang tua tam sas Dius, ay antuyan tua tam te, gdungugan antam.

Efesu 6:13

Nu katanya, suluni tagsiginans Dius fag famalabag, laman mafawayan tuam gugat gina ban andasug sik menit at ke fagmauriun, ay laman ban nu ntabu nu gfawayan am, mabitsug tuam gugat.

2 Tesalunika 2:16

Tam Fun Isus ay anggan tam Dius tam Mama takesug antam, nafon antam at yud e fakatabuan fag fagmasunun ay fag fagsegun siginan at fagmagalangun,

Ebreu 3:6

Ay dewa katanya tam Fun Isus matuyan tua nu gfunan Dius at ngay taw, aroro sia wan Dius at baguama. Ay itam wan Dius at sisian nu maksvn tua tam fagafanudun ay gbakvd tua tam fia tam fagsegun.

Ebreu 6:18

Dius di gbadbalian ay di kamuag sabaliwa at fatuyanan ay at famatuyan fag longan. Nu katanya, itam katsi tagsarig sa anya e fagbakvdun tua tam ay e fagsegun te, gfafasludan ban at fatuyanan.

1 Pedru 3:18

Aroro tam Fun Isus sayginan way kabul, laman sas fagayu taw at asalanan. Kanya dewa yud e asalanan anbul laman sa sangay taw at ke asalanan, laman gtaban antam sas Dius. E nafabul at bilug taw ay nadog yay naleleg sit falad,

At Nafasure 21:11

Kafag furuan ganinag siginan Dius at fagmasineun, ay at yamag kata sik mesug fag gang, kata sik mayamag fag gang mameloan.

At Nafasure 21:23

Ay kafag furuan wa gayudan ya menit ay magdanun at yamag, aroro Dius wan at fagmasineun tagyamag sanya, ay at salung Tupa Riangan wan.

At Nafasure 21:3

Ay nadungug au sik uro daul siginans faglunggungan, glong te, “Damai, katsi Dius at fagbanwanan siwa sangay taw. Dius magamut kafag ngay taw. Ay kafag ngay taw ban Dius at furuan, ay Dius ban kafag ngay taw at faudgufudan, ay kanya ban kafag ngay taw at Dius.

At Nafasure 3:21

Ay nusnga sinu ban at nababo gfalunggung au sa sik faglunggungan tagsi ku day faglunggungan, ay kanya ban kata angku at nababo ay at malunggung si ku Mama at day faglunggungan.