Ruma 5:1 - Fanawbuid tagsibaliwas Fakayabian

¹ Nu katanya, dakngani antap watam kata nu yud tam e asalanan siginan tam fagafanudun, e fagmanabayanun tua tam sas Dius siginan tam Fun Isus.

Ruma 5:1 ပူးပေါင်းရင်းမြစ်များ

Ub 21:21

Ay kanya ban fagayu nu nbul wan, wa gamatangan ya sat mesa talnayan.

Alubad. 122:6

Darangini laman furuan Erusalem manabayan tua gugat. Ay manabayan tua ban nangus gugat fagayu takesug tuy fag furuan.

Isayas 27:5

Ay kanya umlangfe tua nu masadi tua sa angku ay get gubuk sa angku.

Isayas 32:17

Ay fagmatuyanun at rawvg, fagmanabayanun, ay di e fagafanawaun kabavn ban.

Isayas 54:13

Namoyung kban sa am ngay taw laman gbanwan tua manabayan.

Isayas 55:12

Am fag ngay taw Israel, duksuni useganani siginans talun Babilunya, aroro Dius wan tagufud ayu. Ngay buksul ay ngay fungsu kata sik ngay taw tagalubad guseganan. Ay fagayu fun kayu kata wa sik ngay taw tagfantalaptapan.

Abakuk 2:4

“Katatuy am fagnanrirukun: Damai. Takamatungudun fag ngay taw wa matuyan at ngay fakamulun. Dewa katanya, matuyan fag taw gleleg tua, aroro sat fagafanudun.

Lukas 19:38

Ay nalong te, “Mauseganan takadasug fag Fun sas Dius at ngayan! E fagmanabayanun sis banwa. Segi Dius sis banwa!”

Lukas 19:42

ay nalong te, “At masine nu nasaful di o katsi te, nataw tagfae fagmanabayanun emu. Ay duan, ansuksuk wan at masuad sa emu.

Lukas 2:14

“Segi Dius tagsi tiba tungud fag banwa. Kanya nafae fagmanabayanun sas fagdaul daga, sat fakesugun fag ngay taw.”

Uan 14:27

Lag am gafanawa ay lag kalimu, aroro gfamato au sa ayu fagmanabayanun. Ku fon sa ayu fag fagmanabayanun, di kata tagste sfagdaul daga at fon fag fagmanabayanun.

Uan 16:33

Nafoyung au ayu takatanya laman e fagmanabayanun tuam siginan ay fagmasadiun sa angku. Dumalan ban am fagidapun ste swa daga, ay dewa katanya, faksvni ay amatanganan, aroro nababo kwan at mauri ste swa daga.”

Uan 20:31

Fagayu at kinriruk ste anriruk laman gafanud am te, Isus wan Dius at nafili fag Fun, ay at Baguama, ay nu gafanud tuam takatanya, mul tua ban am leleg siginan anya.

Uan 5:24

“Matuyan nu glong au ayu te, nusnga sinu tagdungugan ku longan ay tagafanud sat nasugu angku, e leleg tua at yud e fakatabuan. Ay kanya di ban gafaurianan nu bunway anlangfe siginans fakabulun ay mul leleg at yud e fakatabuan.

Fakamulun 10:36

Ay nasaful wam sabaliwa at Masine fag Barita, Dius at nafoyung sa emi fag ngay taw Israel te, ngay taw umke fagmasadiun sas Dius siginan nu gafanud sas Isus, Dius at nafili fag Fun, kanya wan fagayu taw at Fun.

Ruma 1:17

Aroro at Masine fag Barita gfoyung te, Dius gtap ngay taw kata nu yud e asalanan, siginans fagafanudun; kata at kinriruk te, “Sik taw at kintap kata nu yud e asalanan nu siginan tua at fagafanudun sas Dius, kanya ban gleleg tua.”

Ruma 1:7

Griruk au sa ayu fagayu tagbanwan sanya sfuruan Ruma, Dius at ngay fakesugun, kanya nauro ayu laman at ngay nafili. Sumawa nangus fia ayu Dius tam Mama ay tam Fun Isus at fagmagalangun ay at fagmanabayanun.

Ruma 10:10

Aroro sik taw tagafanud tua, kanya katap kata sik taw yud e asalanan, ay nu gfoyung tua at fagafanudun, kanya umlangfe tua.

Ruma 10:15

Ay tain ro nu mananfamoyung nusnga sinu fag taw nu dway e gsugu anya? Kata at Rirukan te, “At kasine sik taw at darafa nu nalo laman namoyung at Masine fag Barita.”

Ruma 14:17

Dius nu gfagtainan taw wa siginans fakonun ay fanginum, nu bunway siginan tua nu gbanwan matuyan ay manabayan, ay at ke fagusegananun siginan at Masine fag Falad.

Ruma 15:13

Dius wan tagfon fagsegun, ay ku darangin te, kanya yangay nangus tagfon ayu fagusegananun ay fagmanabayanun aroro gafanud tuam sa anya, laman maksvn tua ay fagsegun siginan at Masine fag Falad at fagmabalyananun.

Ruma 15:33

Dius, tagfon fagmanabayanun sumawa nangus fia ayu fagayu. Anud.

Ruma 3:22

Dius natap fagayu taw kata nu yud e asalanan siginan nu gafanud sas Isus tam Fun, aroro Dius di e fagfili taw.

Ruma 3:30

Sadi way Dius, ay kanya gtap taw Udyu ay anggan yud Udyu fag ngay taw kata nu yud e asalanan siginan kafag ngay taw at fagafanudun.

Ruma 4:5

Dius wa gtap nusnga sinu fag taw kata nu yud e asalanan siginan at nafakamulun. Nu bunway Dius gtap tua sik tagasalanan kata nu yud e asalanan siginan at fagafanudun.

Ruma 5:11

Bundi lang katanya, nu bunway guseganan tam sas Dius aroro at nafakamulun siginan tam Fun Isus. Siginan anya, ansadi tua tam sas Dius.

Ruma 5:18

Nu katanya, siginan sik taw at asalanan, andasug faurianan sas fagayu taw. Katanya yangay, siginan sik taw at fakamulun at masine, fagayu taw antap kata nu yud e asalanan, ay e bagu leleg.

Ruma 6:23

Aroro asalanan at famayad, fakabulun, ay dewa katanya, Dius at famonun leleg tua at yud e fakatabuan siginans Isus tam Fun.

Ruma 9:30

Nu katanya, nataw tam longan sabaliwa takatatuy? At yud Udyu fag ngay taw at yud naugatan nangatap kata nu yud e asalanan, kanya antap tua kata nu yud e asalanan siginan at fagafanudun.

Galasya 2:16

Dewa katanya, nasaful ami te, Dius gtap sik taw kata nu yud e asalanan siginan nu gafanud sas Isus tam Fun, ay bundi siginan at nafaningan Muisis at Faugali. Ay gafanud yangay ami sa tam Fun Isus laman Dius gtap emi kata nu yud ami e asalanan siginan nu gafanud ami sa tam Fun Isus, ay bundi siginan nu gfaning Muisis at Faugali. Aroro Dius wa gtap nusnga sinu fag taw kata nu yud e asalanan nu siginan way nu gfaning kafag Faugali.

Galasya 3:25

Ay katsi e fagafanudun tua tam, ay Muisis at Faugali we fagmabalyananun ya sa antam.

Galasya 5:22

Dewa katanya, katatuy tua takalag si sik taw at leleganan siginan at Masine fag Falad at gubuk: kanya mafangesug tua, ay guseganan, ay manabayan, ay magwanta, ay mafangafanyu, ay e fagmasineun, ay mafamaning,

Efesu 2:7

Kanya nafakamulun takatanya laman ban sa takadasug fag buknga, namalag yangay sa antam at fagmagalangun at yud e gfasud, siginan tam Fun Isus.

Filipus 3:9

ay au, si ktua anya. Kwa ntap kata nu yud au e asalanan siginan ku nafaningan em faugali, nu bunway siginan tua ku fagafanudun sa tam Fun Isus. Ku fagintapun kata nu yud au e asalanan siginan tuas Dius, siginan ku fagafanudun.

Kulusas 1:20

ay Dius at fakaylatun fagayu at awatan umsadi sa anya siginan at Baguama. Ay siginan at Baguama at taguk at kinbusbus sis fasulungan kayu anke fagmanabayanun, laman fagayu at awatan tagsis banwa ay tagsis daga umsadi sas Dius.

Kulusas 3:15

Fabanwani si ay ngay amatanganan fagmanabayanun siginan tam Fun Isus. Aroro siginan at nauroan ayu, antap am te, tam Fun Isus am at bilug at ngay afud. Ay kabavn useganani.

1 Tesalunika 5:23

Dius gfon fagmanabayanun, ay kanya nangus gfasine ayu laman diam e malong. Dius wa nangus fia tagbakvd fagdaul ay falad, ay ay amatanganan, ay ay bilug, laman diam e malong gina ban tam Fun Isus andasug.

2 Tesalunika 3:16

Tam Fun wan bulbug fagmanabayanun ay kanya nangus gfon gugat sa ayu fagmanabayanun. Ay kanya nangus gufud tua gugat ayu.

Ebreu 13:20

Dius tagfon fagmanabayanun, kanya wan at nafadog yay nafaleleg tam tiba tungud fag Tagalaga, tam Fun Isus. Aroro siginan at nabulanan sas fasulungan kayu, at taguk nafaksvn at yud e fakatabuan fag nasadian.