Ruma 4:6 - Fanawbuid tagsibaliwas Fakayabian

⁶ Katanya yangay fun Dabid at longan at masuad te, Mauseganan sik taw Dius at nafangayan te, yud e asalanan, nu bundi siginan kafag taw at fakamulun.

Ruma 4:6 ပူးပေါင်းရင်းမြစ်များ

Alubad. 112:1

Segi Yawi! Mauseganan sik taw tagsuyu tua Yawi, ay taguseganan gfaning at ngay suguan.

Isayas 54:17

We mababo emu nusnga setaw fag famawayan, ay mabalus tuo nusnga sinu tagfalingun emu. Kanya wan ku famonun sa ku ngay fagsuguan, ay namababo kban anya fagayu. Au, Yawi, taglong tuy.”

Eremyas 22:6

Katatuy Yawi at longan sabaliwa Uda at fun at bale: “Masine o, kata Gilyad ay kata tungud buksul Lebanun. Dewa katanya, namakata au emu sik talun at yud e taw, kata sik furuan at yud e gbanwan ya.

Eremyas 33:16

Ay ginanya ban, ngay taw Uda umlangfe ay ngay taw Erusalem gbanwan manabayan. Ay gfangayan ban furuan Erusalem te, ‘Yawi wan Tam Fagmatuyanun.’ ”

Daniel 9:24

“Dius nafalganan ufatk sandan siamk safuluk banwa sam furuan at yud e malong ay sa sangay taw laman gfaragang nu kamabo Dius, ay laman gfalyam at ngay asalanan, ay laman kae fagmatuyanun kabavn, ay laman gfafasludan ngay taginfan ay ngay foyungan, ay laman gdog namatigwanan Dius at bale.

Mateu 25:19

“Ay nu glugo wan, kafag ngay fagsuguan at tagfayafun noli wan. Ay kanya fag fun nainto sat ngay fagsuguan sabaliwa at salapi at nafatigwanan sa anya fagayu.

Ruma 1:17

Aroro at Masine fag Barita gfoyung te, Dius gtap ngay taw kata nu yud e asalanan, siginans fagafanudun; kata at kinriruk te, “Sik taw at kintap kata nu yud e asalanan nu siginan tua at fagafanudun sas Dius, kanya ban gleleg tua.”

Ruma 3:27

Wa tam masine ya kamatungudun, aroro Dius nu gtuyan antam kata nu yud tam e asalanan bunwa siginan nu gfaning tam Muisis at Faugali nu bunway siginan tua tam fagafanudun sas Isus.

Ruma 4:11

Kanya nafae fakatoglagan sik famatuyan te, antap kata nu yud e asalanan siginan at fagafanudun gina yud yay e fakatoglagan. Nu katanya Abrayam wan fagayu tagafanud at mama, deyud e fakatoglagan, ay at kintap kata nu yud e asalanan siginans fagafanudun sas Dius.

Ruma 4:24

nu bunway anggan tua itam. Antap yangay tam kata nu yud tam e asalanan, nu gafanud tua tam sas Dius, at nafadog nafaleleg Isus tam Fun siginan at fagmabulanan.

Ruma 4:5

Dius wa gtap nusnga sinu fag taw kata nu yud e asalanan siginan at nafakamulun. Nu bunway Dius gtap tua sik tagasalanan kata nu yud e asalanan siginan at fagafanudun.

Ruma 4:7

“Mauseganan sik taw Dius nu nafalyam tua at asalanan, ay at fagmauriun nu ntabun tua.

Ruma 4:9

O kanya fag fagmasineun sa way lang at ke fakatoglagan? Bundi. Anggan tua sat yud e fakatoglagan. Kata em longan te, “Abrayam antap kata nu yud e asalanan siginan at fagafanudun.”

1 Kurintu 1:30

Ay siginan anya ansadi tua tam sa tam Fun Isus. Ay sa antam, kanya wan Dius at fagmamatanganun, siginan anya, Dius nafalangfe antam ay natap antam te, matuyan, ay kata nu yud tam e asalanan.

2 Kurintu. 5:21

Tam Fun Isus we asalanan, dewa katanya, aroro sa antam, Dius natap anya te, sik tagasalanan, laman siginan anya Dius gtap antam kata nu yud tam e asalanan.

Galasya 3:14

Dius nafakamulun takatanya laman at nafatuyanan ebi sas Abrayam umfasludan yangay sas yud Udyu fag ngay taw siginan tam Fun Isus, laman siginan tam fagafanudun sa anya, magbilug tam at Masine fag Falad, Dius at nafatuyanan.

Galasya 4:15

Dada wan ebi ay fagusegananun ay nafalag sa angku? Natuyan au te, nu masine di, nagulad wam ay mata ay nafon sa angku.

Efesu 1:3

Segi Dius, tam Fun Isus at Mama, aroro kanya nafon tua sa antam fagayu fanfalad fag ngay famonun siginan nu nsadi tam sa tam Fun Isus.

Deuterunumyu 33:29

Ngay taw Israel, mauseganan tuam! We gfasud ayu, aroro ay Yawi nafalangfe ayu, Yawi wan ay tagdiri ay ay taggubuk, Yawi yangay tagfawayan laman sa ayu. Ay ngay fawayan ban galafangan sabaliwa ayu, ay gsiad ban am at ngay guyuy.”

Filipus 3:9

ay au, si ktua anya. Kwa ntap kata nu yud au e asalanan siginan ku nafaningan em faugali, nu bunway siginan tua ku fagafanudun sa tam Fun Isus. Ku fagintapun kata nu yud au e asalanan siginan tuas Dius, siginan ku fagafanudun.

2 Timuteu 1:9

Kanya nafalangfe ay nauro antam laman di tam e malong, bunwa siginan tam ngay fakamulun nu bunway siginan tuas Dius at algan ay at fagmagalangun sa antam, at nafon sa antam sa tam fagmasadiun sa tam Fun Isus, siginan ngay nu yud ankawat fagdaul daga.

Santiagu 2:18

Ay nu e glong te, “E fagafanudun o, ay au, e masine au fag fakamulun,” gbalus au te, “Falagi angku am fagafanudun deyud e kalag sim fakamulun, ay siginan ku fakamulun gfalag au sa emu te, e fagafanudun au.”

2 Pedru 1:1

Au, Simun Pedru, tam Fun Isus at nasugu ay at fagsuguan. Griruk au sa ayu at ngay nabul at mafanud fag fagafanudun kata emi, aroro sa tam Dius ay Tagfalangfe, Isus tam Fun, at fagmatuyanun.