Ruma 4:1 - Fanawbuid tagsibaliwas Fakayabian

¹ Setain taw Udyu at mangaguyang Abrayam nu katap te, matuyan?

Ruma 4:1 ပူးပေါင်းရင်းမြစ်များ

Mateu 3:9

Ay lag gamatangan te, ‘Ansak wan aroro Abrayam tua em mangaguyang.’ Amatangani, Dius ro mawat way Abrayam at ngay kasugfunanan dewa ste ginan fag ngay gang.

Lukas 3:8

Ugalii at masine laman gfalag am te, naubun wam ay ngay asalanan. Ay lag gamatangan te, ‘Ansak wan aroro Abrayam tua em mangaguyang.’ Amatangani, Dius ro mawat way Abrayam at ngay kasugfunanan dewa ste ginan fag ngay gang.

Uan 8:33

Ay kafag ngay taw gbalus anya te, “Ami Abrayam ami at kasugfunanan, ay kabavn wami gafagsuguanan sas nusnga sinu fag taw. Nataw am longan at masuad te, ‘E namalfas ban ayu’?”

Uan 8:53

O nunda gtungud tuo em mama Abrayam? Kanya katsi anbul wan, ay anggan Dius at ngay taglong anbul wan. Tain ro nu malong o te, gtungud tuo anya fagayu?”

Uan 8:56

Ay mama Abrayam nauseganan nu nasaful te, lumag nu kadasug au. Ay kanya nu nalag nafanagsag mandi.”

Fakamulun 13:26

“Em ngay faduksay, Abrayam at ngay kasugfunanan ay am at yud Udyu fag ngay taw tagfaning Dius, sa antam at fagfonan kanya fag barita sabaliwas fakalangfean.

Ruma 1:3

At Masine fag Barita sabaliwa at Baguama, Isus tam Fun. Nu sabaliwa kanya nu nsik taw, kanya siginans fun Dabid at kasugfunanan. Ay sabaliwa at fagmasineun sas fanfalad, nafangayan anya te, Dius at Baguama at mabalyanan siginan nu gdog gleleg.

Ruma 3:5

Ay tam fagmauriun nu gfatoglag way antam te, Dius matuyan, tain ro tam longan? O glong ro tam te, Dius wa matuyan nu gfaurianan way ban antam? Kata kanya ngay taw nu gfanlonganan gugat.

Ruma 4:16

Nu katanya, siginan tam fagafanudun, Dius mon antam at nafatuyanan, aroro at kamagalangan, sas Abrayam at kasugfunanan fagayu. At fatuyanan bundi lang sa sangay tagfaning Muisis at Faugali, nu bunway anggan tua sas fagayu tagafanud kata Abrayam. Aroro fagayu tam, tam mama Abrayam.

Ruma 6:1

Nu katanya, nataw tam longan? O namataglayun tam gasalanan laman Dius at fagmagalangun umkayu?

Ruma 7:7

O katsi glong tam te, Muisis at Faugali fagsigadan way at maksvn fag asalanan? Ida, duan. Dewa katanya, nu dway ro e takatanya fag Faugali, kwa ro nasaful te, e asalanan. Muisis at Faugali nu dway nalong te, “Lag gfangalabian,” kwa ro nasaful fagfangalabianun.

Ruma 8:31

Nataw ya tam longan sa takatanya fagayu? Dius nu siwa antam, sinu at mafabadbaboan antam?

2 Kurintu. 11:22

Kanya fagayu nu sik ngay taw Ebreu, anggan au sik taw Ebreu kyangay. Ay nu sik ngay taw Israel, sik taw Israel kyangay. Ay nu Abrayam at ngay kasugfunanan, anggan au Abrayam kyangay at kasugfunanan.

Ebreu 12:9

Dewa tam mama ste swa daga gatul tua antam, ay gsuyu tua tam anya. Nu katanya, faugati yap nu gfaning tam tam Mama tagsis banwa, laman ban e leleg tua tam.