Ruma 3:9 - Fanawbuid tagsibaliwas Fakayabian

⁹ Nu katanya, tain katsi tam fagmalongun? O ami fag ngay taw Udyu, gtungud tuami yud Udyu fag ngay taw? Duan. Aroro nalong wami te, fagayu taw, dewa taw Udyu ay dewa taw Gresya, si ways asalanan at daga fagmabalyananun.

Ruma 3:9 ပူးပေါင်းရင်းမြစ်များ

Fangatulun 20:9

Nusnga sinu fag taw we malong lang te, at amatanganan masine, ay di batang gfakamulun at mauri.

Isayas 65:5

Ay kanya fagayu glong sat iba te, ‘Lag kakbang angku; mansik masuya au. Aroro kdi kata emu au sik yud ktua e malong!’ Maksvn nu kauri au takatanya fag ngay taw. Ay nu kadotama au anya fagayu kata sik afuy tagigang fagngabak menit.”

Lukas 7:39

Ay kafag taw Fariseu, at nagewan Isus, nu nalag kafag mangena at nafakamulun, gamatangan te, “Tuy fag mangama, nu Dius di at taglong at sadi, kanya ro saful te, sinu tuy fag mangena tagted anya, aroro kanya sik tagasalanan.”

Ruma 1:18

Dius nafasure at dotama siginans banwa laman gfaurianan fagayu takauri anya ay tagfakamulun at mauri ay tagfayud e masuad fagmatuyanun, siginan at fagmauriun.

Ruma 11:32

Aroro Dius kata nu naubung fagayu taw sas fakamaboun, laman namalag at fakafanyun sa anya fagayu.

Ruma 11:7

Katsi malong tam te, ngay taw Israel wa nafabul at fagyabulun. At nafabul, Dius way lang at nafili fag ngay taw. Ay tiba kamaogatun way at ngay amatanganan.

Ruma 2:1

Ay anggan o, wo yangay e fanlonganan ya, o fag taw taglong te, am iba gfakamulun at mauri. Aroro anggan o nu gfakamulun wayo takatanya, gfaurianan way o am sadili. Aroro nu nalong o te, am iba gfakamulun at mauri, gfakamulun yangay o takatanya.

Ruma 3:1

Nataw taw Udyu at fagtungudun yud Udyu fag ngay taw, ay o e tungkul fakatoglagan?

Ruma 3:19

Katsi nasaful tua tam te, Muisis at Faugali at foyungan laman sa antam fag ngay taw Udyu tagafagsuguanan kafag Faugali at fagmabalyananun, laman nusnga sinu ban fag taw di e fanlonganan, ay fagayu taw sas fagdaul daga nansalubang sas Dius.

Ruma 3:5

Ay tam fagmauriun nu gfatoglag way antam te, Dius matuyan, tain ro tam longan? O glong ro tam te, Dius wa matuyan nu gfaurianan way ban antam? Kata kanya ngay taw nu gfanlonganan gugat.

Ruma 6:15

Nu katanya, nataw tam fagnamakamulunun? O gfataglayun tam gasalanan aroro wa tam si yas Muisis at Faugali, nu bunway si watams Dius at fagmagalangun? Ida, deyud.

Ruma 7:14

Nasaful tam te, Muisis at Faugali siginans Dius, ay dewa katanya, maksvn ku fagmauriun ay nafagsuguanan au asalanan.

1 Kurintu 10:19

Nataw ku longan at masuad? O glong au te, e tungkul sik fakonun at nafon sat yud matuyan fag ngay fagsegan, ay o e tungkul yangay kafag ngay fagsegan?

1 Kurintu 14:15

Nu katanya, nataw at masine ku fakamulun? Gdarangin au ay galubad siginan ku falad, ay siginan yangay ku amatanganan.

1 Kurintu 4:7

Setain nu malong am te, gtungud tuam ay iba? O nunda bunwa tam Dius at nafon sa ayu fagayu nusnge wain? Nu katanya, wain ay fakamatungudunun te, siginan way ayu takatanya fagayu?

Galasya 3:10

Umfaurianan ban ngay taw tagamatangan te, umtap kata nu yud e asalanan siginan nu gfaning Muisis at Faugali, aroro katatuy at kinriruk: “Umfaurianan ban nusnga sinu fag taw at yud gfaning at kinriruk sis Muisis at Faugali fag fafil.”

Galasya 3:22

Ay Dius at Longan nafoyung sa antam te, fagayu taw sas fagdaul daga gafagsuguanan asalanan. Nu katanya, fagayu tagafanud sas Isus tam Fun magbilug tua ban Dius at ngay fatuyanan.

Filipus 1:18

Dewa katanya, kwa gasalagan anya fagayu. Abat ngate, guseganan kway aroro e kamoyung tua sabaliwa tam Fun Isus, kanya fagayu at algan dewa matuyan ay mauri. Ay guseganan au gugat,