Ruma 3:5 - Fanawbuid tagsibaliwas Fakayabian

⁵ Ay tam fagmauriun nu gfatoglag way antam te, Dius matuyan, tain ro tam longan? O glong ro tam te, Dius wa matuyan nu gfaurianan way ban antam? Kata kanya ngay taw nu gfanlonganan gugat.

Ruma 3:5 ပူးပေါင်းရင်းမြစ်များ

Fakasigadan 18:25

Gafanud au te, di ro wo nangus gfaurianan at matuyan fag ngay taw gasfuan at mauri fag ngay taw. Ay di ro nangus gsudsudan nu gdama o anya fagayu. O wan tagsaful fagayu taw te, o e asalanan, nu katanya, fakamuluni kata am algan.”

Ub 8:3

At mabalyanan fag Dius wa yud gfae masuad fagmatuyanun ay fagmasineun.

Naum 1:2

Yawi tam Dius wa kaylat ngay taw nu gseg tibak fagsegan. Ay kanya kauri at ngay fawayan ay namasud anya fagayu.

Ruma 12:19

Ku ngay fakesugun, lag am gfasud tagfauri ayu, nu bunway fabayani wan Dius at namasud. Aroro katatuy at Rirukan te, “Tam Fun nalong te, ‘Au waban tagfasud, ay au waban tagfafoli.’ ”

Ruma 2:5

Ay aroro kamaogatun o siginan nu yud o gubun am fagmauriun, nafaksvn o faurianan sa emu, gina ban Dius nafadasug at dotama ay nanginsaful ngay taw at asalanan, sit nafalganan fag menit.

Ruma 3:19

Katsi nasaful tua tam te, Muisis at Faugali at foyungan laman sa antam fag ngay taw Udyu tagafagsuguanan kafag Faugali at fagmabalyananun, laman nusnga sinu ban fag taw di e fanlonganan, ay fagayu taw sas fagdaul daga nansalubang sas Dius.

Ruma 3:7

Malgau e glong te, “Siginan ku fakamuagun, nu antuyan way te, Dius di kamuag, nustua ankugat yay ngay taw nu gfauseganan anya, wain Dius fagfauriananun angku aroro sa ku ngay asalanan?”

Ruma 4:1

Setain taw Udyu at mangaguyang Abrayam nu katap te, matuyan?

Ruma 5:8

Ay dewa katanya, tam Fun Isus anbul aroro sa antam gina tam sik ngay tagasalanan yay. Katanya Dius nu gfalag sa antam te, kesug antam.

Ruma 6:1

Nu katanya, nataw tam longan? O namataglayun tam gasalanan laman Dius at fagmagalangun umkayu?

Ruma 6:19

Gfoyung au sa ayu at masakit katogdungug fag foyungan, aroro ya maksvn ay amatanganan. Ebi nafon am ay bilug at ngay afud laman gafagsuguanan am fagmasuyaun ay fagmauriun at nafae asalanan ayu. Ay katsi foni yangay ay bilug at ngay afud laman gafagsuguanan am fagmatuyanun laman diam e malong.

Ruma 7:7

O katsi glong tam te, Muisis at Faugali fagsigadan way at maksvn fag asalanan? Ida, duan. Dewa katanya, nu dway ro e takatanya fag Faugali, kwa ro nasaful te, e asalanan. Muisis at Faugali nu dway nalong te, “Lag gfangalabian,” kwa ro nasaful fagfangalabianun.

Ruma 8:31

Nataw ya tam longan sa takatanya fagayu? Dius nu siwa antam, sinu at mafabadbaboan antam?

Ruma 9:30

Nu katanya, nataw tam longan sabaliwa takatatuy? At yud Udyu fag ngay taw at yud naugatan nangatap kata nu yud e asalanan, kanya antap tua kata nu yud e asalanan siginan at fagafanudun.

1 Kurintu 15:32

Ku fawayan ste sis furuan Efesu kata sik ngay idu talun tagfangagat, ay we tungkul nu gfawayan au nu sa ways taw at leleg katsi. Nu matuyan way ro te, Dius ban wa gfadog ya gfaleleg at ngay kinbul, at masine, “Gfangon yakman lang tam ay ginum, aroro balabag ban manga kabul watam.”

1 Kurintu 9:8

Ku longan takatanya bundi siginans taw at amatanganan, nu bunway siginan tua Muisis at Faugali.

2 Kurintu. 6:4

Nu bunway sas fagayu em balyawvtan gfalag ami sas fagayu taw te, ami wan Dius at ngay fagsuguan. Ay gagwantan ami at maksvn fag ngay fagidapun, ay fakabulun, ay at masakit fag ngay fagayudanun.

2 Kurintu. 7:11

Amatangani Dius at fakamulun siginan nu nafabaluanan ayu. Aroro katanya gugatan tuam ay maksvn tua nu grvbvy am at masine laman gsaful am te, diam e asalanan. Kauri tuam asalanan ay kalimu tuam asalanan at fungfung ban, ay maksvn tua nu gfanya am nu kadasug au, ay e fakafanyun tuam, ay kaylat am gfaurianan at ke asalanan. Ay balyawvtan gfalag tuam te, diam kataip ya sabaliwa kafag ngay asalanan.

Galasya 2:18

Nu gdog kyay nangugali kata Muisis at Faugali, au yay tagfatuyan te, e asalanan kyay.

Galasya 3:15

Ku ngay faduksay, gfoyung au sa ayu sik faydayuanan te, sik nasadian nu nkaksvn wan, nusnga sinu wa mafabali ay wa mafamut ya.

At Nafasure 15:3

Ay kanya fagayu galubad Dius at fagsuguan, Muisis ay Tupa Riangan at alubad te, “Dius em Fun at mabalyanan sas fagayu, am ngay fakamulun mabalyanan ay madulo, am ugali matuyan ay mafanud, o wan fagayu talun at Fun.

At Nafasure 18:20

Useganani am tagsis banwa aroro at kindasug sa anya. Useganani, am Dius at ngay taw, ay at ngay nasugu, ay at ngay taglong, aroro Dius nafaurianan wa anya aroro sat nafakamulun sa ayu at mauri.’ ”