Ruma 3:4 - Fanawbuid tagsibaliwas Fakayabian

⁴ Ida, duan. Dius kabavn matuyan tua, fagayu taw dewa kamuag. Kata at Rirukan te, “Matuyan tua nusnga setaw am longan, ay mababo tuo nusnga sinu tagfauri emu.”

Ruma 3:4 ပူးပေါင်းရင်းမြစ်များ

Ub 36:3

Ngayu ku fagsafulun, ay gfatuyanan au sa emu te, Dius tam Takawat, matuyan.

Ub 40:8

O gfatuyanan o te, nasalan au laman gfasure te, o tua at matuyan.

Alubad. 100:5

Yawi matuyan tua, ay kanya mafangesug kabavn, ay at fagmatuyanun ban di e fakatabuan sas fagayu kasugfunanan.

Alubad. 116:11

Ay aroro siginan ku fagafanawaun, nalong au te, “Fagayu taw wa masine fagfatigwanan.”

Alubad. 119:160

Matuyan tua am ngay longan, ay kabavn am ngay faugali katanya tua gugat.

Alubad. 138:2

Gtudan au gsalubang sam bale ay gfauseganan emu, aroro mafangesug tuo ay matuyan. Ay nafasaful tuo te, o tua ay am longan at mabalyanan sas fagayu.

Alubad. 51:4

Anke asalanan au, kaugat wan sa emu. Nafakamulun au at mauri sam daga salubangan. Matuyan am longan te, e asalanan au, ay matuyan wan gfaurianan o angku.

Alubad. 62:9

At yud e kwa fag ngay taw kalyam kata sik tagmara, ay ngay taw takadungug wa yangay e fanambagun. Nu nafabudbungguan kanya fag ngay taw, at kabyatan kagan way tagmara.

Mikas 7:20

Nu setain nu nesug o ay nu matuyan o sa em mangaguyang Abrayam ay Akub, katanya yangay nangus am fakamulun anggan sa emi.”

Mateu 11:19

Ay au, Taw at Baguama, gina au ndasug, gfangon ktua ay ginum. Ay ngay taw glong te, ‘Ida, kanya fag taw sik tagfangkumon way ay annanad glanguan, ay gfagadgalangan ngay tagbul famayad laman sas fun, ay anggan tagasalanan.’ Dewa katanya, gtuyan tam te, Dius at fagmamatanganun matuyan siginan at ngay fakamulun.”

Lukas 20:16

Kanya ban kadasug ay namabul kafag ngay tagalaga ay namalaga at tanuman sa tibak tagalaga.” Ay ngay taw nu nadungug glong te, “Lag nangus katanya.”

Uan 3:33

Nusnga sinu tagafanud sat foyungan gfatuyan te, matuyan tua Dius.

Ruma 11:1

Katsi ginto au te, O Dius naiyan wan at nafili fag ngay taw Israel? Duan. Anggan au taw Israel kyangay, siginan Abrayam at kasugfunanan ay katap kyangay sas Benamin at kasugfunanan.

Ruma 11:11

O at masuad, ngay taw Israel nu ntaid way, kanya fagayu anfaurianan wan? Ida, duan. Ay siginan at fakamaboun, andasug fakalangfean sas yud Israel fag ngay taw, ay siginan takatanya, ngay taw Israel galabian.

Ruma 3:31

Nu katanya, o gfae yud tam e tungkul Muisis at Faugali, siginan tam fagafanudun? Anud, duan. Nu bunway kaugat nu gfae tungkul tam Muisis at Faugali.

Ruma 6:15

Nu katanya, nataw tam fagnamakamulunun? O gfataglayun tam gasalanan aroro wa tam si yas Muisis at Faugali, nu bunway si watams Dius at fagmagalangun? Ida, deyud.

Ruma 6:2

Ida, deyud. Anbul watam sas asalanan. Nu katanya, lag tam gfataglayun ya nu gasalanan tam.

Ruma 7:13

O at masuad at masine yay tagtaban angku sas fakabulun? Ida duan. Asalanan at nafabul angku siginan at masine, laman namalag sa angku asalanan at kaugalian. Nu katanya, Muisis at Faugali nafatuyan te, kaksvn nya asalanan nu mauri.

Ruma 7:7

O katsi glong tam te, Muisis at Faugali fagsigadan way at maksvn fag asalanan? Ida, duan. Dewa katanya, nu dway ro e takatanya fag Faugali, kwa ro nasaful te, e asalanan. Muisis at Faugali nu dway nalong te, “Lag gfangalabian,” kwa ro nasaful fagfangalabianun.

Ruma 9:14

Nu katanya, nataw tam longan? O glong tam te, Dius wa matuyan? Ida, duan.

1 Kurintu 6:15

O nunda yam nasaful te, tam bilug sik afud yangay tam Fun Isus at bilug? O namul au tam Fun Isus at bilug sik afud laman namataladan au sa sik mangena takamatugtug? Ida, deyud.

2 Kurintu. 1:18

Duan. Aroro nu setain Dius nu matuyan, katanya yangay ku longan ayu, wami glong te, “Sabv” ay “Duan.”

Galasya 2:17

Ay nu gugatan ami nangatap kata nu yud e asalanan nu siginan oma em fagafanudun sa tam Fun Isus, ay nu ntuyan way te, gasalanan yaymi, o malong ami te, tam Fun Isus nafae asalanan emi? Duan!

Galasya 2:21

Kwa gfayud e tungkul Dius at fagmagalangun. Aroro Dius nu gtap sik taw kata nu yud e asalanan nu siginan way nu gfaning Muisis at Faugali, wa ro e tungkul tam Fun Isus at nabulanan.

Galasya 6:14

Lag au nangus kamatungudun, nu dway sabaliwa tam Fun Isus at nabulanan sas fasulungan kayu. Aroro siginan takatanya, fagayu nusnge wain ste sfagdaul daga we tungkul ya sa angku, ay anggan au kwa yangay e tungkul ya sas fagdaul daga.

Deuterunumyu 32:4

Kanya ku fagsarigan fag gang, ay at fakamulun matuyan, ay fagayu at balyawvtan mafanud. Sia wan at matuyan fag Dius ay di gfakamulun at mauri; kanya matuyan tua ay di e fagfili.

1 Timuteu 3:16

Mayamag te, e nafasure at madulo sabaliwa tam fagafanudun: Kanya nsure, ay ansik taw fia. At Masine fag Falad nafatuyan sabaliwa anya, ay ngay tagbarita nalag anya. Sas fagayu talun e nafamoyung wan sabaliwa anya, ay ngayu tagafanud sa anya sas fagdaul daga, ay Dius nafabat anya sat fagmasineun.

Titu 1:2

Tuy fag fagsafulun ay fag fagafanudun tagfon antam fagsegun te, e leleg ban tam at yud e fakatabuan. Kanya fag leleg Dius at nafatuyanan gina yay yud e fagdaul daga, ay kanya di kamuag.

Ebreu 6:18

Dius di gbadbalian ay di kamuag sabaliwa at fatuyanan ay at famatuyan fag longan. Nu katanya, itam katsi tagsarig sa anya e fagbakvdun tua tam ay e fagsegun te, gfafasludan ban at fatuyanan.

1 Uan 5:10

Nusnga sinu tagafanud sas Dius at Baguama, gafanud tua Dius nu gfatuyan. Dewa katanya, nusnga sinu at yud gafanud sas Dius, kanya nafangayan Dius te, sik takamuag, aroro kafag taw wa gafanud Dius nu gfatuyan sabaliwa at Baguama.

1 Uan 5:20

Ay nasaful yangay tam te, Dius at Baguama andasug ay nafon sa antam fagsafulun, laman sumaful tam at Matuyan. Ay katsi gbanwan tua tam sit Matuyan aroro gbanwan tua tam sit Baguama Isus tam Fun, aroro sia wan at matuyan fag Dius ay leleg at yud e fakatabuan.

At Nafasure 3:7

“Riruki sas tagbarita tagulit ngay tagafanud sis Filadelfia te, “Tagted Dabid at fanluang di e malong ay matuyan. Kanya nu naluang wan sakbawan we madingding ya, ay nu nadingding wan we mananluang ya. Kanya glong te,