Ruma 3:2 - Fanawbuid tagsibaliwas Fakayabian

² Ngay taw Udyu gtungud yay tibak taw sas nusnga setaw, taguna, sa anya fagayu nu gfatigwanan Dius at Longan.

Ruma 3:2 ပူးပေါင်းရင်းမြစ်များ

Alubad. 119:140

Natuyan au te, am ngay fatuyanan mafanud, ay nu sa angku am fagsuguan maksvn nu mafanud.

Isayas 8:20

Ay nu e gfoyung way yud gfadiuganan Dius at longan kata way sik ngay taw at yud yay nasaful at matuyan.

Daniel 10:21

Nastie au laman namayamag sa emu sik longan tagsit Mafanud fag Fafil. Gina au gfawayan, we tiba yak taw at nagubuk angku, Mikael way lang, talun Israel at tagfangguna.”

Uan 5:39

Gadal am Dius at Longan aroro sanya ginan gamatangan am te, siginan takatanya magbilug am leleg at yud e fakatabuan kabavn. Ay kanya fag ngay Longan tagfatuyan sabaliwa angku.

Fakamulun 7:38

Ay gina sis talun at yud e taw, Muisis gufud tam ngay mangaguyang magamut tagbarita at nafakamatoan anya sis Buksul Sinay. Sanya wan fag buksul nu gfon sas Muisis tagfon leleg fag longan, at fagnamonun sa antam.

Ruma 1:2

At Masine fag Barita kanya wan Dius at nafatuyanan siginan ngay ebi at nafoyung sat ngay taglong ay at kinriruk sit Longan.

Ruma 2:18

Nasaful am nu setain Dius at fakaylatun, ay saful am gfakamulun at masine fag fakamulun, aroro e nafoyung wan sa ayu Muisis at Faugali.

Ruma 3:1

Nataw taw Udyu at fagtungudun yud Udyu fag ngay taw, ay o e tungkul fakatoglagan?

Ruma 3:3

Tibak taw Udyu nu dway matuyan, o takatanya fag taw at nafae yud e tungkul Dius at fagmatuyanun?

Ruma 9:4

Aroro kanya fagayu sik ngay taw Israel, Dius nafangayan anya fagayu te, at sisian, ay nafon sa anya fagayu sik fagmasineun, ay nawat sik nasadian, ay nafon yangay Muisis at Faugali, ay nafoyung at matuyan fia at fagnansegan, ay e ngay fatuyanan.

1 Kurintu 9:17

Ay nu guseganan ktua fia kamoyung at Masine fag Barita, e fagnamulun ktua ban. Ay at matuyan, gfakamulun au Dius at nafatigwanan sa angku fag fakamulun.

2 Kurintu. 5:19

Katatuy ku longan at masuad: siginan tam Fun Isus, Dius nafafoli fagayu taw sa anya, ay wa ban gamatangan ya kafag ngay taw at asalanan. Ay kanya nafatigwanan wan sa emi takatanya laman namafoli ami ngay taw sa anya.

Galasya 2:7

Nu bunway kanya fagayu nasaful te, Dius nafatigwanan sa angku laman namoyung au at Masine fag Barita sas yud Udyu fag ngay taw, kata Pedru nu gfoyung sa sangay taw Udyu.

1 Timuteu 6:20

Timuteu, bakvdi at nafafatigwanan sa emu fag ngay foyungan. Ay saruyi fagayu tagste swa daga yud e tungkul fag kamatoanan, ay tagbadbaboan sabaliwa at yud mafanud fag fagsafulun.

Ebreu 5:12

Katsi nangus sik ngay takamoyung wam. Ay dewa katanya dasug katsi fagfoyungun yayam gugat taguna fag foyungan sabaliwas Dius at Longan. Gayudan yayam gugat susu bilug, ay yam makatu kon at matugas fag fakonun.

1 Pedru 4:11

Nu sik tagfoyung o, famoyungi Dius at longan. Ay nu sik taggubuk o, agbilugi nu ggubuk o Dius at nafon emu fag fagmabitsugun, laman gfauseganan o anya sas fagayu am fakamulun siginans Isus tam Fun. Siwa anya fagmasineun ay fagmabalyananun kabavn ban. Anud.

At Nafasure 19:10

Ay namalub au sit daga salubangan laman gseg anya, ay kanya nalong sa angku te, “Lagi, aroro sik fagsuguan kyangay kata emu ay kata kyangay tibak tagafanud tagfoyung sabaliwas Isus at foyungan. Dius tua am fagfausegananun.” Nusnga sinu tagfoyung sabaliwas Isus, gfoyung siginan at Masine fag Falad at fagmabalyananun.

At Nafasure 22:6

Ay tagbarita nalong sa angku te, “Tuy fag ngay longan mafanud ay matuyan. Ay Dius tam Fun, tagfon at Masine fag Falad sat ngay taglong, kanya nasugu at tagbarita sat ngay fagsuguan laman gfasure sa anya fagayu takafasludan ban.”