Ruma 2:9 - Fanawbuid tagsibaliwas Fakayabian

⁹ Ay kanya ban fag ngay taw mauri umdasug sas fagidapun ay sas fakabulun, ngay taw Udyu taguna ay anggan yud Udyu fag ngay taw.

Ruma 2:9 ပူးပေါင်းရင်းမြစ်များ

2 Krunika 6:23

dungugani anya sanya sis banwa ay insafuli am ngay fagsuguan. Faurianani at ke ngay asalanan ay tuyani at yud e asalanan te, di e malong, laman fagayu taw sumaful te, di e asalanan.

Alubad. 32:10

At mauri fag ngay taw umke ngay fagidapun. Dewa katanya, Yawi gulit tua gugat ngay taw tagafanud sa anya aroro kanya mafangesug.

Fangatulun 11:23

At matuyan fag taw at fakaylatun, sa tuas fagmasineun, dewa katanya, at mauri fag taw at fakaylatun fagmauriun way gugat.

Esekyel 18:4

Dungugani! Au tagagbilug fagayu tagleleg. Dewa at ngay fagtainan ay at ngay sisian. Ay fagayu taw tagasalanan umbul.

Esekyel 22:31

Nu katanya, nafadasug au sanya fag ngay taw ku dotama at maksvn. Namamin kban anya fagayu aroro sat ngay nafakamulun. Au, Fun Dius Yawi, taglong tuy.”

Amus 3:2

“Sas fagdaul daga, am wan ku nafili laman ku ngay taw. Dewa katanya, namaurianan kban ayu aroro sa ay ngay asalanan.”

Mateu 16:26

O e tungkul ro sa sik taw at nagbilug nusnge wain ste swa daga ay at leleg ban sa ways faurianan? Sik taw we famangsi at leleg.

Lukas 24:47

Ay siginan ban at ngayan e gfoyung sas fagayu taw, taguna sas Erusalem ay anggan sas fagdaul daga at taw te, fagayu taw nu naubun tua at ngay asalanan, Dius gfalyam wan at ngay asalanan.

Fakamulun 11:18

Ay kanya fagayu nu nadungug takatanya, namaragangan ay gseg Dius. Ay nalong te, “Nu katanya, Dius nafon sik buknga sas yud Udyu fag ngay taw laman gubun at ngay asalanan, ay laman magbilug yangay leleg at yud e fakatabuan.”

Fakamulun 13:26

“Em ngay faduksay, Abrayam at ngay kasugfunanan ay am at yud Udyu fag ngay taw tagfaning Dius, sa antam at fagfonan kanya fag barita sabaliwas fakalangfean.

Fakamulun 20:21

Ay nafoyung au sas taw Udyu ay sas taw Gresya sabaliwa nu gubun at ngay asalanan ay nu gfaning Dius, ay nu gafanud sa tam Fun Isus.

Fakamulun 26:20

Nafoyung au taguna sis Damasku ay sanya ginan sas Erusalem ay sas fagdaul talun Udea ay anggan sas yud Udyu fag ngay taw. Nafoyung au laman sanya fag ngay taw gubun tua at asalanan ay kafoli sas Dius ay gfatuyan siginan at ngay fakamulun te, naubun wan at asalanan.

Fakamulun 28:17

Nu nlangfe tuluk menit, Pablu nafauro taw Udyu at ngay tagfangguna. Ay nu nful wan, Pablu glong sa anya fagayu te, “Ku ngay faduksay, dewa yud au e nafakamulun nusnge wain tagfauri tam furuan ay tam ngay mangaguyang at ngay faugali, e nagamat angku sis Erusalem ay nafon angku sas taw Ruma laman gfaurianan angku.

Fakamulun 28:28

Ay Pablu nalong yay fia te, “Kaylat au gfasaful sa ayu te, tuy fag barita sa baliwa tam Dius nu gfalangfe, at yud Udyu fag ngay taw nadungug wan, ay kanya fagayu gdungugan mandi.”

Fakamulun 3:26

Nu katanya, Dius nasugu at nafili fag fagsuguan, taguna sa ayu fag ngay taw Udyu laman ggubuk ayu gubun ay ngay asalanan.”

Ruma 1:16

Dakdi kapla gfoyung at Masine fag Barita, aroro tuy Dius at fagmabalyananun famalangfe fagayu at nafanud, taw Udyu taguna ay anggan at yud Udyu.

Ruma 10:12

Taw Udyu ay taw Gresya we fagsamanun. Sadi way fagayu taw at Fun. Ay kanya gfon fagmaramramanun sas fagayu taguro sa anya.

Ruma 2:10

Dewa katanya, Dius ban gfon fagmasineun, ay famauseganan, ay fagmanabayanun, sas fagayu taw tagfakamulun tua at masine, taw Udyu taguna ay anggan yud Udyu fag ngay taw.

Ruma 8:35

Sinu at mafasaruayan antam siginan tam Fun Isus at fakesugun? O famaskud, ay fagidapun, ay faurianan, ay fanlunus, ay fagyudun e lanbung, ay fagmalimuun, ay fakabulun?

Ruma 9:24

Itam wan Dius at nauro fag ngay taw, bundi lang ngay taw Udyu, nu bunway anggan yangay at yud Udyu fag ngay taw.

Galasya 3:28

Nu katanya, we fagsamanun ya taw Udyu ay yud Udyu, ngay fagsuguan ay yud fagsuguan, mangama ay mangena. Fagayu am masadi tuam aroro sa ay nasadian sa tam Fun Isus.

Kulusas 3:11

Nu katanya, fagayu taw gsud way, dewa taw Gresya, ay taw Udyu, ay at ke fakatoglagan, ay at yud e fakatoglagan, ay at nafoyungan fag taw, ay at yud yay nafoyungan, ay sik fagsuguan, ay yud fagsuguan. Tam Fun Isus way lang at mafanud, ay kanya tagsi ayu fagayu.

2 Tesalunika 1:6

Dius at fakamulun matuyan. Kanya ban namaidapan at nafaidapan ayu.

1 Pedru 4:17

Aroro munakbang wan Dius nu ginsaful taw at asalanan, ay gfasigad sat ngay taw. Ay nu gfasigad ban nu si way antam, tain ban at kumfasludan sat yud gfaning Dius at Masine fag Barita?