Ruma 2:8 - Fanawbuid tagsibaliwas Fakayabian

⁸ Dewa katanya, Dius ban gfadasug at dotama sa sangay taw takamasadiliun ay at yud gfaning at matuyan, nu bunway gfakamulun way at mauri.

Ruma 2:8 ပူးပေါင်းရင်းမြစ်များ

At Nafasure 16:19

Ay arodi, Babilunya fag furuan ankafud tulu. Ay ngay furuan sas fagdaul daga anrasras wan, ay Dius namatang at mabalyanan fag furuan daul Babilunya ay nafainum kafag taya at bilug, kanya Dius at fandotaman at maksvn fag faurianan.

1 Pedru 4:17

Aroro munakbang wan Dius nu ginsaful taw at asalanan, ay gfasigad sat ngay taw. Ay nu gfasigad ban nu si way antam, tain ban at kumfasludan sat yud gfaning Dius at Masine fag Barita?

2 Tesalunika 1:8

Kanya ban namaurianan fagayu at yud gtoglag Dius ay at yud gfaning at Masine fag Barita sabaliwa tam Fun Isus.

Fangatulun 13:10

Fakamatungudunun at fungfung fagawayanun way, ay fagsigadan fagbadbaboanun, dewa katanya, tagdungugan tua ngay foyungan, kanya gfasaful te, kafag taw e fagsafulun.

At Nafasure 14:10

kanya ban fag ngay taw nanginum yangay fanlangu, at masuad te, Dius at fandotaman. Ay gfaurianan ban anya fagayu sas asupri, sis salubangan Tupa at Riangan ay sis Dius at ngay tagbarita.

Ebreu 11:8

Aroro Abrayam gafanud tua sas Dius, kanya nafaning tua Dius nu nalong sa anya te, “Loi wan sa ku nafatuyanan sa emu fag talun.” Ay kanya nalao deyud nasaful at fakadasugan ban.

Ebreu 10:27

Takadasug ban faurianan way lang at maksvn nu malimu, ay at masugba fag afuy daul, at namamin ban Dius at ngay fawayan.

Ebreu 5:9

Ay kanya nu nafakamulun wan takatanya, kanya nafon tua at yud e fakatabuan fag fakalangfean sas fagayu taw tagfaning anya.

Titu 3:9

Ay o, saruyi at yud e tungkul fag longan, ay nu ginsaful sabaliwa ngay mangaguyang at ngay ngayan, ay fagbadbaboanun sabaliwa Muisis at Faugali. Takatanya fagayu we tungkul.

1 Kurintu 11:16

Ay nu e gfabadbaboan way sabaliwa takatanya, kwe fagmalongun ya sabaliwa takatanya, aroro wami e ugali tagsaman takatatuy, ay katanya yangay Dius at ngay taw at ugali nusnga nday.

Ruma 15:18

Aroro kwa gfakamulun nusnga setaw nu nanfamatungudun kway, nu bunway ku fagfakamulunun tam Fun Isus tua at fakamulun, laman siginan ku foyungan ay ku fakamulun at yud Udyu fag ngay taw gfaning tua Dius.

Ruma 10:16

Dewa katanya, bunwa fagayu taw Israel at nafanud sat Masine fag Barita. Katatuy Isayas at longan te, “Em Fun, sinu at nafanud sa em foyungan?”

Ruma 9:22

Katanya yangay Dius at nafakamulun. Dius kaylat gfalag at dotama ay gfatoglag at fagmabalyananun. Dewa katanya, kanya nagwantan yay sas fagdaul at fangagwanta laman wa namamin at fagnamaminun wan fag ngay taw.

Ruma 6:17

Guseganan au sas Dius te, ebi dewa am gafagsuguanan asalanan, katsi gfaning tuam ku nafoyung sa ayu fag foyungan, sas fagdaul ay amatanganan.

Ruma 1:18

Dius nafasure at dotama siginans banwa laman gfaurianan fagayu takauri anya ay tagfakamulun at mauri ay tagfayud e masuad fagmatuyanun, siginan at fagmauriun.

Naum 1:6

Sinu at magwanta Yawi nu nkuri? Aroro kanya nu nkuri, kata nu gfaduksun afuy siginan at bibig, ay gang kabaltak sit salubangan.

Isayas 50:10

Sinu am takalimu Yawi ay tagfaning at fagsuguan at ngay foyungan? At masine, afanudi tua sas Yawi dewa am sit madulum fag dalan at yud e yamag.

Alubad. 90:11

Sinu tagsaful am dotama at maksvn? Anud, nu ndotama o, maksvn tua, nu katanya, masine nu gfababaun ami sa emu.

Ub 24:13

E ngay taw kauri yamag, ay wa kaylat glao sat mayamag.

1 Pedru 3:1

Am fag ngay mangena, faningi tua ay mesa mangama. Ay nusnga sinu fag mangama at yud yay gfaning Dius at longan, kanya ban matabanan yangay sas fagafanudun, aroro siginan ay ugali at masine, deyud ro am nalong sa anya.

2 Krunika 6:23

dungugani anya sanya sis banwa ay insafuli am ngay fagsuguan. Faurianani at ke ngay asalanan ay tuyani at yud e asalanan te, di e malong, laman fagayu taw sumaful te, di e asalanan.

Fangatulun 11:23

At matuyan fag taw at fakaylatun, sa tuas fagmasineun, dewa katanya, at mauri fag taw at fakaylatun fagmauriun way gugat.

Eremyas 34:18

Fagayu tagfangguna sis talun Uda ay sis furuan Erusalem, ay fagayu tagfangguna sis fun at bale, anggan ngay tagfon fanggalangun ay fagayu taw ansadi sa angku, ay kanya fagayu nawat sik nasadian sa angku siginan nu gbaltak fagbaugun riangan, ay galay at sadi nalao sasad wabilug. Dewa katanya, kanya fagayu wa nafaning at marirukan sit nawat fag nasadian, nu katanya, namakamulun au sa anya fagayu kata nu gbaltak fagbaugun riangan.

Esekyel 22:31

Nu katanya, nafadasug au sanya fag ngay taw ku dotama at maksvn. Namamin kban anya fagayu aroro sat ngay nafakamulun. Au, Fun Dius Yawi, taglong tuy.”

2 Kurintu. 12:20

Aroro gafanawa au te, gina kban andasug sanya, e lagan kway ban manga ku fagyudun guseganan si ayu, ay e lagan yangay ban am manga ay fagyudun guseganan ku fakamulun, ay gawayan way ban am manga, ay galabian ay iba, ay kadkadotaman, ay gbadbaboan, ay glong at yud matuyan sabaliwa ay iba, ay ginasan sat yud matuyan, ay kamatungudun, ay gugali at yud matuyan fag ugali.

Galasya 5:20

ay nu gseg at yud matuyan fag ngay fagsegan, ay fagfangufitun, ay fakauriun ay iba, ay fakamawayanun, ay fagfangalabianun, ay fagfangadotamaun, ay fakamasadiliunun, ay fagbadbaboanun, ay faginkafudanun,

Filipus 1:17

Ay tibak taw nu kamoyung bunwa siginan at matuyan fag amatanganan nu bunway siginan at mauri way fag algan. At fakaylatun gfaugat ku fagidapun kaduge au maubungan.

Filipus 2:3

Fagayu ay fakamulun lag gfaning ay sadili fakaylatun ay lag kamatungudun. Nu bunway famababauni tua, ay amatangani te, em iba amasine yap tua emi.

Santiagu 3:14

Ay nu e masuksukan way si ay amatanganan, kata fagfangalabianun, ay fagfangadotamaun, ay fakamasadiliunun, lag am kamatungudun te, e fagsafulun wam, aroro nu katanya way, gfafamuag am at matuyan.

Santiagu 3:16

Ay nu inda fagfangalabianun ay fakamasadiliunun, sanya ginan wan tagfayud e fagmanabayanun, ay nusnga setaw fag fakamulun at mauri.