Ruma 2:7 - Fanawbuid tagsibaliwas Fakayabian

⁷ Ay Dius ban gfon leleg at yud e fakatabuan, sa sangay taw tagfakamulun tua gugat at masine, laman grvbvy fagmasineun, ay famauseganan, ay fagyudun kabul.

Ruma 2:7 ပူးပေါင်းရင်းမြစ်များ

Ub 17:9

At matuyan fag ngay taw gugali tua gugat at masine, ay at yud e asalanan fag taw umkaksvn.

Alubad. 27:14

Afanudi sas Yawi! Faksvni ay amatanganan, ay dangay kamomuy. Afanudi tua sa anya!

Alubad. 37:3

Afanudi sas Yawi, ay fakamuluni at masine. Ay gbanwan ban o manabayan iste fag talun.

Alubad. 37:34

Afanudi sas Yawi, ay laoi sat dalan. Nu katanya tua, kanya guseganan tua ay gfabanwan ayu sas talun Israel. Ay lumag ban am nu gaiyan ngay taw mauri sanya ginan fag talun.

Esekyel 18:17

ay di gfakamulun at mauri ay di gfafamut at nafabedan, ay gfaning tua ku ngay suguan ay ku ngay faugali. Kanya ban fag baguama di kabul aroro sat mama at asalanan ay ngaduge tua ban nu gleleg.

Mateu 25:46

“Ay kafag ngay taw umdasug ban sas faurianan at yud e fakatabuan, ay at matuyan fag ngay taw umdasug tua ban sas leleg at yud e fakatabuan.”

Lukas 21:19

Ay nu nagwantan tua ban am, e leleg tua ban am at yud e fakatabuan.

Lukas 8:15

Ay at bvtang at kintong sit masine fag daga at masuad, sik taw at nadungug ay takesug tua Dius at Longan, ay tagfabanwan tua sat masine ay sat matuyan fag amatanganan. Ay kanya mafanyan tua anggan narawvg.

Uan 4:36

Taggutlu gbul at bulan sat nainlufuyan ay gfaful ngay rawvg laman sas leleg at yud e fakatabuan. Nu katanya, tagtanum ay taggutlu gsud tua guseganan.

Uan 5:44

Ay famauseganan nu sa way lang ay iba, tain ro nu gafanud am, wayam grvbvy famauseganan tagsiginan at matuyan fag sadik Dius?

Ruma 2:10

Dewa katanya, Dius ban gfon fagmasineun, ay famauseganan, ay fagmanabayanun, sas fagayu taw tagfakamulun tua at masine, taw Udyu taguna ay anggan yud Udyu fag ngay taw.

Ruma 6:23

Aroro asalanan at famayad, fakabulun, ay dewa katanya, Dius at famonun leleg tua at yud e fakatabuan siginans Isus tam Fun.

Ruma 8:18

Nu gamatangan au, tam ngay fagidapun katsi wa mafaladlabian sa takasure ban sa antam fag fagmasineun.

Ruma 9:23

Dius nafakamulun katanya laman gfalag sat fakafanyun fag ngay taw te, kamabalyanan nya. Siginan yay ebi, Dius nafili anya fagayu laman at fagnamausegananun.

1 Kurintu 15:42

Ay katanya yangay ban at ngay kinbul nu nadog naleleg. Fagayu taw at bilug at mafolian sas fagfolian kadan way, ay dewa katanya, tagdog ban gleleg fag bilug wa ban kadan ya kabavn.

1 Kurintu 15:50

Ku ngay faduksay, ku longan at masuad te, tagste swa daga fag bilug wa ban magbilug Dius at fagfagtainanan. Tuy fag bilug takadan wa yangay magbilug leleg at yud e fakatabuan.

1 Kurintu 15:58

Nu katanya, ku fakesugun fag ngay faduksay, faksvni ay amatanganan, ay dangay glamlamangan. Ay kabavn maseganamai tua nu gfakamulun am tam Fun at fakamulun, dakngani saful am te, wa ban umfangulan fagayu ay nainlufuyan.

Galasya 6:9

Nu katanya, lag tam kamomuy gfakamulun at masine. Nu ndasug ban sit filian fag menit, matuyan mul ban tam at famonun nu ddi tam anmomuy.

Efesu 6:24

Dius at fagmagalangun sumawa nangus fia ayu fagayu, am takesug fia tam Fun Isus.

Kulusas 1:27

Dius kaylat gfasaful sa anya fagayu sabaliwa at algan at maksvn nu madulo, ay kaylat yangay gfasaful sa ayu, yud Udyu fag ngay taw. At masuad, siwa ayu tam Fun Isus, ay siginan anya nabul am ay fagsegun gfaudgufudan anya sat fagmasineun.

1 Timuteu 1:17

Sadi way tam Dius at mabalyanan, at yud e fakatabuan fag Fun, ay at yud kabul, ay at yud kalag. Kabavn segi anya. Anud.

2 Timuteu 1:10

Ay kafag fagmagalangun ansure gina tam tagfalangfe tam Fun Isus andasug. Kanya nababo fakabulun ay nafadasug at yud e fakatabuan fag leleg, ay nafayamag takatanya siginan at Masine fag Barita.

Ebreu 2:7

Wa glugo sirut nafababa o at kamafanudan, ay wa kamafanud ya ngay tagbarita, dewa katanya, nafon tuo sa anya fagayu sik fagmasineun ay sik famauseganan kata nu sik fun,

Ebreu 6:12

Nu katanya, dangay am momuy, nu bunway faningi tua ngay taw at nabul Dius at fatuyanan siginan at fagafanudun ay at fagagwantanun.

Ebreu 6:15

Ay Abrayam nagwantan fia nafanya, nu katanya kanya nabul tua Dius at fatuyanan.

1 Uan 2:25

Nu katanya, mul tua ban am at fatuyanan fag leleg at yud e fakatabuan.