Ruma 2:4 - Fanawbuid tagsibaliwas Fakayabian

⁴ O gfae yud o e tungkul sa emu Dius at fagmalukmeun ay at fakesugun ay at fagmagwantaun? O nunda yo nasaful te, Dius at fagmalukmeun tagtaban emu laman gubun o am fagmauriun?

Ruma 2:4 ပူးပေါင်းရင်းမြစ်များ

Alubad. 10:11

Kanya fagayu gamatangan way te, “Dius wa kasalag ay wa glag tam ngay fakamulun.”

Alubad. 104:24

Yawi, ngayu am nawat! Nawat o kanya fagayu siginan am fagsafulun, ay ankapnu sas fagdaul daga.

Alubad. 31:19

Kasakan tua am nafalganan fag ngay fagmasineun sas fagayu taw tagsuyu emu, ay sas fagdaul daga at ngay taw nalag.

Alubad. 78:38

Dewa katanya, Dius anfanyu yay kafag ngay taw, ay nafalyam tua at ngay asalanan ay di nafamin nu gfabul. Dius dewa ngayu ginan nu kadotama maksvn, kanya gfaragang tua gugat.

Alubad. 86:15

Fun Dius, dewa katanya, mafangafanyu tuo, ay mafanggubuk, ay matuyan ay mafangesug, ay di o masakit gfangadotama.

Alubad. 86:5

Fun Dius, kabavn matuyan tuo. Ay mafalganan yangay o gfalyam ngay taw at asalanan, ay mafangesug tuo sas fagayu taget sa emu gubuk.

Nu Galin 34:6

Yawi nadalan sas Muisis at daga salubangan ay nalong te, “Au Yawi, at mafangafanyu, at mafanggubuk fag Dius, at mafangesug, at matuyan, ay at yud masakit kadotama.

Takamoyung 8:11

Way nafaurianan vtv sik taw at nafakamulun at mauri, at ngay iba gamatangan yangay at nanfakamulun mauri.

Isayas 30:18

Dewa katanya, Yawi mafanyan nu nangakbang am sa anya laman kafanyu ayu. Kanya mafalganan namalag ayu at fakafanyun. Aroro Yawi wan at matuyan fag Dius, ay fagayu tagafanud sa anya mauseganan.

Eremyas 7:10

Ay ankakbang am ay nanangalindug sa ku daga salubangan ste si ku bale nu inda at fagnamauseganan angku. Ay glong am te, “Ste we kadasug ya at mauri sa antam.” Dewa katanya, gfataglayun yayam gugat gfakamulun at mauri.

Esekyel 11:19

Gfasine kban ay baga ay ay amatanganan laman ban wam kamabo ya, nu bunway gfaning tuam ay matuyan sa angku.

Esekyel 16:63

Ginanya ban gamatang o am ngay asalanan ay umkapla ban o, kaugat waban nu nafalyam kwan fagayu am nafakamulun mauri, wa ban o maringang ya at kaksvnan nu kapla o. Au, Fun Dius Yawi taglong tuy.’ ”

Usea 3:5

Nu katanya, ngay taw Israel ban gdog yay kafoli sat Dius Yawi ay sat fun Dabid. Ay kabavn ban kanya fagayu kamababaun nangakbang sas Yawi aroro kanya matuyan tua sa anya fagayu.

Unas 4:2

Nu katanya, Unas nalong sas Yawi te, “Yawi, matuyan ebi ku nalong gina au si em furuan te, nangafanyu o kafag ngay taw tagsis Ninibe nu gubun tua at ngay asalanan, aroro nasaful kwa te, sik Dius tuo at mafangafanyu ay at mafangamatang. Ay mafangesug tuo ay di o gfangadotama. Ay mafalganan tuo gfabali am amatanganan laman di o namaurianan. Kanya wan ku fagnalagyuun sas Tarsis.

Tap 14:18

mafangesug o ay di o gfangadotama ay gfalyam tuo ngay taw at asalanan. Dewa katanya, gfaurianan o ngay tagasalanan, sitsigons fatulu ay faufatk kasugfunanan.

Ruma 10:12

Taw Udyu ay taw Gresya we fagsamanun. Sadi way fagayu taw at Fun. Ay kanya gfon fagmaramramanun sas fagayu taguro sa anya.

Ruma 11:22

Fakatanyaun, nalag watam Dius at fakesugun, ay nu kadotama. Kanya maksvn nu gfaurianan sik tagasalanan, dewa katanya, kesug tua ayu, nu gbanwan tuam fia sat fakesugun. Ay nu dway ban katanya ay fakamulun, kanya ban ggatvng yangay ayu.

Ruma 11:33

Maksvn tua Dius at fagmagalangun ay at fagmamatanganun ay at fagsafulun. We taw nasaful Dius nu gfili, ay we taw matogdungug at ngay balyawvtan.

Ruma 3:25

Kanya wan Dius at nafalganan at fanggalangun, laman siginan at nabusbusan at taguk gfalyam tam ngay asalanan, nu gafanud tua tam sa anya. Dius nafakamulun takatanya laman gfalag at fagmatuyanun sa sangay taw, aroro ebi taguna kanya nafabayan wan fagayu taw nu gasalanan, ay wa nafaurianan kafag ngay taw.

Ruma 6:1

Nu katanya, nataw tam longan? O namataglayun tam gasalanan laman Dius at fagmagalangun umkayu?

Ruma 6:15

Nu katanya, nataw tam fagnamakamulunun? O gfataglayun tam gasalanan aroro wa tam si yas Muisis at Faugali, nu bunway si watams Dius at fagmagalangun? Ida, deyud.

2 Kurintu. 8:2

Kanya fagayu guseganan tua dewa nadalan at maksvn fag ngay fagidapun. Ay guseganan tua kamon, dewa yud ngayu ya at ramraman.

Efesu 1:18

Ay gdarangin kyangay te, ay ngay amatanganan nangus umyamag laman sumaful am at nafalganan sa antam fag fagsegun te, kanya ban gfon sik masine ay at yud e kurang fag famonun sat ngay nafili.

Efesu 1:7

Siginan tam Fun Isus at taguk, anlangfe tam, ay nalyam wan tam ngay asalanan. Nu katanya, Dius nafon sa antam at maksvn fag fagmagalangun,

Efesu 2:4

Dewa katanya, Dius mafangafanyu tua, ay maksvn nu kesug antam.

Efesu 2:7

Kanya nafakamulun takatanya laman ban sa takadasug fag buknga, namalag yangay sa antam at fagmagalangun at yud e gfasud, siginan tam Fun Isus.

Efesu 3:16

Gdarangin au sa anya te, siginan at maksvn fag fagmabalyananun, kanya nangus gfabitsug ay amatanganan siginan at Masine fag Falad.

Efesu 3:8

Ay sas fagayu taw Dius at nafili, au wan at yud e tungkul. Dewa katanya, Dius nafon angku at fagmasineun gfayamag sas yud Udyu fag ngay taw sabaliwa tam Fun Isus at fagmasineun yud e gfasud,

Filipus 4:19

Ay ku Dius yangay tagfon ayu ay fagayudanun fagayu, siginan at fagmaramramanun ay at fagmasineun at yud kamin kabavn siginan tam Fun Isus.

Kulusas 1:27

Dius kaylat gfasaful sa anya fagayu sabaliwa at algan at maksvn nu madulo, ay kaylat yangay gfasaful sa ayu, yud Udyu fag ngay taw. At masuad, siwa ayu tam Fun Isus, ay siginan anya nabul am ay fagsegun gfaudgufudan anya sat fagmasineun.

Kulusas 2:2

Katanya ku fakamulun laman umkaksvn at ngay amatanganan, ay umsadi sas fakesugun, ay laman kanya fagayu tumogdungug ay sumaful fia sabaliwa Dius at algan at masuksukan, we tiba nu bunway tam Fun Isus.

1 Timuteu 1:16

Dewa katanya, tam Fun Isus anfanyu tua angku laman kanya namalag sas fagayu taw te, kaksvn tua kanya nu gagwantan laman sa angku, au fag taw tagtungud tua tibak taw nu mauri, laman at kinfasludan sa angku sik fafaskudanan sas fagayu tagafanud yay ban sa anya, kafag ngay taw at ke leleg ban at yud e fakatabuan.

1 Timuteu 6:17

Foyungi sat ngay maramraman at ke fagagbilugun nusnge wain ste swa daga te, lag kamatungudun, ay lag gseg takatabu fag ramraman, nu bunway segi tua Dius tagfon antam tam fagayudanun yud e fakatabuan, tagfae fagusegananun antam.

1 Pedru 3:20

Kanya fag ngay falad at yud nafaning gina Dius gfanya anya fagayu kaduge Nui kawat sakayan lino. Ay walu way ktaw at nasakbo sanya fag sakayan lino ay at kinlangfe sis mamam.

2 Pedru 1:11

Nu katanya, Isus, tam Fun ay tam Tagfalangfe, namaful ayu sat fagfagtainanan yud e fakatabuan ban kabavn.

2 Pedru 3:15

Amatangani tam Fun fagnafae bukngaun yay laman umlangfe tuam. Kata tam fakesugun tam faduksay Pablu at rirukan sa ayu siginan Dius at nafon sa anya fag fagsafulun.

2 Pedru 3:3

Taguna safuli te, sa ban taguyan fag ngay menit kadasug takamalingun fag ngay taw, tagfaning at mauri fag algan.

2 Pedru 3:9

Tam Fun di gfaduge nu gfafasludan at fatuyanan, kata tibak taw at namatangan. Nu bunway kanya kamanyan ay gfon yay buknga sas fagayu taw laman gubun at ngay asalanan, aroro wa kaylat nusnga sinu nu gafaurianan.

At Nafasure 2:21

Nafon koma anya sik buknga laman gubun ay gtalyuyan at ugali at mauri, ay kanya wa kaylat gubun.

At Nafasure 3:20

Malindug au sis lod bale sakbawan ay katuk au. Nusnga sinu at nadungug ku aringang ay at naluang at sakbawan, gsakbo au ay gfasfuan au anya gfangon.