Ruma 2:3 - Fanawbuid tagsibaliwas Fakayabian

³ O taglong gugat te, am iba e asalanan, nu gfakamulun yangay o takatanya, o gamatangan o te, malangfe ban o Dius at faurianan?

Ruma 2:3 ပူးပေါင်းရင်းမြစ်များ

2 Samwel 10:3

taw Amun at ngay tagfangguna nalong sas fun Kanun te, “O gafanud o te, Dabid nasugu at ngay fagsuguan laman namasun emu sam mama at nabulanan? Duan! Kanya nasugu at ngay fagsuguan laman nanlabgaban ay nanrasras tam talun.”

Ub 35:2

“O nu glong o matuyan wo nu malong o te, wo e asalanan sis Dius at daga salubangan?

Alubad. 50:21

Gina am gfakamulun takatanya fagayu, kwa nasalag ayu, nu katanya, gamatangan am te, kata kway sik taw. Dewa katanya katsi, gsalag au ayu, laman gfalag au sa ayu nu se aksvn ay fagmauriun.

Alubad. 56:7

Faurianani fia kanya fagayu kata at fagmauriun. Dius, siginan am dotama, faurianani wan anya fagayu.

Fangatulun 11:21

Sik taw at mauri umfaurianan, dewa katanya, tagbanwan sat matuyan, di gafaurianan.

Fangatulun 16:5

Yawi maksvn nu kauri fagayu takamatungudun, ay takatanya fag ngay taw umfaurianan.

Esekyel 17:15

Ay talun Uda at fun nafamabo talun Babilunya at fun. Ay Uda at fun nasugu at ngay taw sas talun Igiptu laman nanget ngay kabayu ay ngay tagfawayan. Dewa katanya, o nunda ro kanya gbabo? O ay kanya ro malagyu malangfe sas faurianan dewa yud nafaning at nasadian sas talun Babilunya?

Esekyel 17:18

Uda at fun nalyam at nasadian sas Babilunya at fun, nu katanya, kanya ban wa kalangfe.

Daniel 10:19

Kanya nalong sa angku te, “Dius kesug tua emu; lag kalimu ay lag gamatangan. Fabitsugi am amatanganan.” Ay kanya nu nalong wan takatanya, ku fagmabitsugun anfoli wan. Ay nalong au sa anya te, “Fataglayuni wan nu garingang o, aroro nafabitsug tuo angku.”

Mateu 23:33

“Kata wayam tagfandaya fag ngay ule at maganga! Wa ban am masaruy faurianan sa ayu sas afuy daul.

Mateu 26:53

O gamatangan am te, kwa ro mafaet sa ku Mama laman sumugu sa angku labi duak gaban tagbarita taggubuk angku?

Lukas 12:14

Ay Isus nalong anya te, “Duan sama! We taw nafili angku laman nanginsaful au at masine ay laman nangafud au ay ramraman.”

Lukas 22:58

Ay arodi vtv, tibak taw nalag anya ay nalong te, “O wan at sadi at tagadal.” Ay Pedru nabalus te, “Duan, bunwa au.”

Lukas 22:60

Ay Pedru nalong te, “Duan, kwa saful am longan at masuad.” Ay arodi vtv gina garingang, sik tabag gtarakit.

Ruma 1:32

Kanya fag ngay taw nasaful oma te, fagayu ban tagfakamulun takatanya, Dius gfaurianan sas fakabulun. Dewa katanya, kanya fagayu gfataglayun gugali takatanya, ay guseganan nu nalag tibak taw nu gfakamulun takatanya.

Ruma 2:1

Ay anggan o, wo yangay e fanlonganan ya, o fag taw taglong te, am iba gfakamulun at mauri. Aroro anggan o nu gfakamulun wayo takatanya, gfaurianan way o am sadili. Aroro nu nalong o te, am iba gfakamulun at mauri, gfakamulun yangay o takatanya.

Ruma 2:2

Nasaful tam te, Dius matuyan nu gfaurianan fagayu taw tagfakamulun takatanya.

Ruma 9:20

O fag taw, wain am fagnamabadbaboanun Dius? O at awatan malong sa takawat anya te, “Wain fakatatuyun way nu mawatan au?”

1 Tesalunika 5:3

Aroro gina ngay taw glong te, “Katsi manabayan ay masine,” masakit faurianan nu kadasug, kata sik mangena nu gafasalugun, ay kanya ro fagayu wa nlagyu ya.

Ebreu 12:25

Nu katanya, am madiriani tua laman diam kauri gdungugan tagfoyung ayu. Ebi fag ngay taw at yud kaylat gdungugan Muisis at foyungan, wa nasaruy faurianan. Ay kaugat waban itam nu yud tam kalangfe nu dway tam kaylat gdungugan tagsiginans banwa fag foyungan.

Ebreu 2:3

Katanya yangay, wa ban tam masaruy faurianan nu dway tam gfae tungkul tuy fag fakalangfean at yud e gfasud. Tam Fun wan taguna at nafoyung sabaliwa kanya fag fakalangfean, ay ngay taw at ngay nadungug siginan anya, kanya fagayu tagfatuyan te, matuyan.