Ruma 2:26 - Fanawbuid tagsibaliwas Fakayabian

²⁶ Sik taw deyud e fakatoglagan nu gfakamulun tua kata Muisis at Faugali, Dius gtuyan tua anya te, e fakatoglagan.

Ruma 2:26 ပူးပေါင်းရင်းမြစ်များ

Mateu 15:28

Ay Isus nabalus anya te, “Fagmangena, maksvn am fagafanudun. Umfasludan am fagetun.” Ay ginanya yay, kafag mangena at baguina anfia wan.

Ruma 2:25

E tungkul tua ay fakatoglagan nu gfaning tuam Muisis at Faugali, dewa katanya, nu dway am gfaning, kata way nu yud am nafae fakatoglagan.

Ruma 2:27

Nu katanya, at yud e fakatoglagan fag taw tagfaning tua Muisis at Faugali, kanya ban namatuyan te, ngay tagasalanan am. Aroro am wan at fagfatigwanan Muisis at Faugali, ay at ke fakatoglagan, dewa katanya kamabo way am.

Ruma 3:30

Sadi way Dius, ay kanya gtap taw Udyu ay anggan yud Udyu fag ngay taw kata nu yud e asalanan siginan kafag ngay taw at fagafanudun.

Ruma 8:4

Dius nafakamulun katanya laman namafasludan tam Muisis at Faugali, itam at yud ya gfaning tam bilug at fakaylatun, nu bunway tagfaning tua at Masine fag Falad.

Galasya 6:15

Nu katanya, wa mafanud ya dewa e fakatoglagan ay yud e fakatoglagan. At mafanud, Dius tua nu gfabagu antam.

Efesu 2:11

Nu katanya, am at yud Udyu fag ngay taw siginan ngay nu kasalug am, amatangani ay kayaunanan ebi. Ngay taw Udyu gfalingun ayu te, wam e fakatoglagan. Ay gtuyan at ngay sadili te, at ke fakatoglagan, laman gfalag te, kanya tua Dius at ngay taw. Dewa katanya, at ke fakatoglagan at masuad, taw way at nafakamulun sit bilug.

Filipus 3:3

Amatangani te, itam wan Dius at ngay sisian, ay gseg tam anya siginan at Masine fag Falad, ay guseganan tam aroro siginan tam fagmasadiun sa tam Fun Isus, ay tam fagsegun bunwa siginans taw at faugali.

Kulusas 2:11

Aroro siginan ay fagmasadiun sa tam Fun Isus anke fakatoglagan tuam, bundi takalag si ay bilug fag fakatoglagan, nu bunway siginan tua nu gubun am at mauri fag ngay ugali ste swa daga. Takatanya fag fakatoglagan tagsiginan tam Fun Isus.