Ruma 2:22 - Fanawbuid tagsibaliwas Fakayabian

²² Ay gfoyung am te, “Lag gfanugtug,” ay dewa katanya, am, gfanugtug way am. Ay kauri am yud Udyu fag ngay taw at ngay fagsegan, dewa katanya, gfangkamul am ngay fagagbilugun si kafag ngay fagsegan at bale.

Ruma 2:22 ပူးပေါင်းရင်းမြစ်များ

Alubad. 50:17

Nafae yud am e masuad ku ngay foyungan, ay wam nafaning ku ngay longan.

Eremyas 5:7

Yawi nalong sa anya fagayu te, “Wain ro ku fagfalyamun ay ngay asalanan? Ay anggan ay ngay sisian natalyuyan wan angku ay nafatuyanan sat yud matuyan fag ngay fagsegan. Nafon koma anggan sa ay ngay sisian at ngay fagayudanun. Dewa katanya, natalyuyan yayam fia angku ay maful am si takamatugtug fag mangena at bale.

Eremyas 9:2

Nu e fagbanwanan kdi sat yud e taw fag talun, namanwan au laman kayayu ku ngay iba, aroro kanya fagayu nafamabo kata sik mangena takamatugtug.

Esekyel 22:11

Ay e namataladan yangay at ibama at mangena, ay at nugang fag mangena, ay at faduksay fag mangena.

Malakyas 1:14

Gfauri au tagsi ayu fag ngay takamuag tagfatuyanan te, nangirug at masine fag ngay fagbaugun, ay aroro mangaro, at fanggalangun at ke malong way. Gfaurianan au takatanya fag taw, aroro au wan at mabalyanan fag Fun ngay talun at fakalimuun. Au, Yawi at Mabalyanan, taglong tuy.”

Malakyas 1:8

“Ay fanggalangun sa angku ngay fagbaugun way at yud glag, ay tagalbi ay at ke fakasaitun. Takatanya fagayu masuya way! Ay agvd, namon am takatanya fag ngay fanggalangun sa ay fun, o guseganan ro?”

Malakyas 3:8

“O nunda sik taw makatu gfangkamul siginans Dius? Nu katanya, gbalus au ayu te, nafangkamul am siginan angku. “Ay ginto yangay am angku te, ‘Tain nu gfangkamul ami siginan emu?’ ” “Nafangkamul am aroro wam nafon sa angku ay ngay fasafulu ay ay ngay famonun.

Mateu 12:39

Ay Isus nabalus anya te, “Ay fagyalagunun sik ke fakatoglagan way fag fakamulun aroro mauri wayam fag ngay taw ay at yud matuyan sas Dius. Ay wa ban e gfalag ya sa ayu takatanya sas day at kinfasludan sas Dius at taglong Unas.

Mateu 16:4

Ay fagyalagunun sik mabalyanan fag fakamulun aroro mauri wayam fag ngay taw ay at yud matuyan sas Dius. Ay wa ban e gfalag ya sa ayu takatanya sas day at kinfasludan sas Dius at taglong Unas.” Ay Isus naubun kafag ngay taw ay nalo wan.

Markus 11:17

Ay Isus nalong te, “E rirukan wa te, ‘Ku bale sik bale daranginan, laman fagayu talun at ngay taw gdarangin sanya,’ ay dewa katanya, nawat wayam ‘ngay tagfangkamul at fagmafulan.’ ”

Fakamulun 19:37

Dewa am nataban ste kafag ngay taw, di e nabul siginan tam bale fakafulan, ay di e nalong at mauri sa tam fagsegan.

Ruma 12:9

Matuyani tua nu kedkesugan am. Aurii at mauri, ay esugi at masine.

Santiagu 4:4

Wam mangaro matuyan sas Dius. O nunda wam nasaful te, nu gfagadgalangan wayam ste swa daga, gfawayan wayam Dius? Nusnga sinu tagfagadgalangan fagdaul daga, kanya gfawayan Dius.