Ruma 2:21 - Fanawbuid tagsibaliwas Fakayabian

²¹ Gfoyung am gugat sa tibak taw, dewa katanya wain way am makatu gfoyung ay ngay sadili? Gfoyung am gugat sa sangay taw te, “Lag am gfangkamul,” dewa katanya, gfangkamul am.

Ruma 2:21 ပူးပေါင်းရင်းမြစ်များ

Isayas 42:20

Glag oma am, ay wam kasalag. Gdungug oma am, ay wam kaylat gdungugan!”

Isayas 56:11

Ay kanya fagayu kata way tagfangkumon fag ngay idu at yud gfangapsug. Ay kata at yud mamatanganan fag ngay tagalaga tupa, ay galay at sadi gfakamulun kata at fakaylatun, ay at fagamatanganun sa way lang at sadili.

Esekyel 22:27

Ay kafag ngay taw at fun kata sik ngay idu talun. Kanya fagayu nanfamabul laman kae salapi.

Mikas 3:11

Gfadiuganan am sa tagfon ayu famayad gina am gfawabilugan. Anggan ngay tagfon fanggalangun nu gfoyung gbul yangay famayad. Katanya yangay ngay taglong, wa nanginsaful way ro e famayad. Ay gseg am te, Yawi ggubuk ayu, ay gamatangan yangay am te, Yawi gufud tua gugat ayu, nu katanya, we mauri takadasug sa ayu.

Mateu 21:13

Ay Isus nalong sanya fag ngay taw te, “E rirukan wa te, ‘Ku bale sik bale daranginan,’ ay dewa katanya, nawat wayam ‘ngay tagfangkamul at fagmafulan.’ ”

Lukas 11:46

Ay Isus nalong te, “Ida am, tagfoyung Muisis at Faugali, aroro gfafasanan am sas fagayu taw at mabyat fag famubaun at yud kamad, ay wam ggubuk, nusdi am glangbud sumyu.

Lukas 12:47

“Sik fagsuguan, dewa nasaful at tagfayafun at fakaylatun, nu dway gfaning ay nu dway gfakamulun at fanambagun, kanya ban gafaurianan maksvn.

Lukas 19:22

“At tagfayafun nalong anya te, ‘At mauri fag fagsuguan, namaurianan kban emu kata am nafamanlonganan. Nasaful oma o te, sik taw au malimu, aroro gbul au deyud au at nafon, ay ggutlu au, deyud au at natanum.

Lukas 4:23

Ay Isus nalong te, “Matuyan, lumong am sa angku te, ‘Tagfafia, fafiai am sadili,’ at masuad te, ‘Fakamuluni yangay ste sim furuan, kata em nadungug am nafakamulun sis furuan Kapernaum.’ ”

1 Kurintu 9:27

Gfaidapan au ku bilug ay gfaragang au ku sadili fakaylatun aroro kwa kaylat nu sik fagaiyanun kban, nu ntabu au gfoyung sa ku ngay iba.

Galasya 6:13

Kanya fagayu dewa e fakatoglagan, wa gfaning Muisis at Faugali, ay gfabulun way ayu te, “Fae fakatoglagani,” laman siginan at foyungan kamatungudun te, anke fakatoglagan tuam.