Ruma 2:15 - Fanawbuid tagsibaliwas Fakayabian

¹⁵ Aroro siginan takatatuy, yud Udyu fag ngay taw nafalag te, siwa at ngay amatanganan nu marirukan Muisis at Faugali fag ngay suguan. Tagfatuyan sa kafag ngay taw, at ngay amatanganan wan; tibaginan at amatanganan gfatuyan te, mauri at ngay fakamulun, ay tibaginan gfatuyan te, masine tua.

Ruma 2:15 ပူးပေါင်းရင်းမြစ်များ

Fakasigadan 20:5

Masdi Abrayam nalong angku te, at faduksay way Sara. Ay anggan Sara nalong yangay te, at faduksay way Abrayam. Nu katanya, masine way ku algan dewa au nabul Sara.”

1 Fun 2:44

Ay Sulumun nalong yay sas Simei te, “Nasaful wo fia te, nafalingun wo ku mama Dabid. Ay katsi, Yawi namaurianan emu aroro sam nafakamulun at mauri.

Ub 27:6

Gfabadbaboan au te, kabavn matuyan ktua ay mabayan tua gugat ku amatanganan.

Takamoyung 7:22

Aroro saful way o te, anggan o, ngayu ginan nu nalong o at mauri sabaliwa am ngay iba.

Uan 8:9

Kafag ngay taw nu nadungug, glao wan gsadsadian, taguna glao at ngay mafagtainan. Ay at sawad, Isus way lang ay kafag mangena.

Fakamulun 23:1

Ay Pablu nadama fia anya fagayu ay glong te, “Ku ngay faduksay, dasug katsi gugali ktua matuyan sis Dius at daga salubangan ay masine tua ku amatanganan.”

Fakamulun 24:16

Aroro katanya kabavn gugatan au gfasik matuyan ku amatanganan sas Dius at daga salubangan ay sas fagayu taw.

Ruma 2:14

At yud Udyu fag ngay taw dewa yud nasaful Muisis at Faugali, ay gfaning tua kafag Faugali, kanya fagayu gfalag te, saful tua gfakamulun at matuyan.

Ruma 2:27

Nu katanya, at yud e fakatoglagan fag taw tagfaning tua Muisis at Faugali, kanya ban namatuyan te, ngay tagasalanan am. Aroro am wan at fagfatigwanan Muisis at Faugali, ay at ke fakatoglagan, dewa katanya kamabo way am.

Ruma 9:1

Siginan ku fagmasadiun sa tam Fun Isus, garingang au at matuyan ay kwa kamuag. At Masine fag Falad gfatuyan sa angku te,

2 Kurintu. 1:12

Kamatungudun ami te, gugali tuami at yud e malong ay at matuyan si sangay taw at daga salubangan, ay kaugat wan sa ayu. Ay anke ugali ami takatanya, bunwa siginans fagdaul daga fag fagsafulun, nu bunway siginan tua Dius at fagmagalangun.

2 Kurintu. 5:11

Dakngani saful wami te, masine nu gseg tua tam fia tam Fun, maksvn nu gugatan ami gfoyung sa sangay taw laman gafanud ban sa anya. Dius nasaful wan em kaugalian ay em fagsegun sumaful yangay am sabaliwa emi.

1 Timuteu 4:2

Takatanya fag ngay foyungan siginan way takamaningan fag ngay takamuag, ay at amatanganan annanad wan sat mauri, ay wa gfaning ya at amatanganan at masine.

Titu 1:15

Sa sik taw at ke masine fag amatanganan, fagayu nusnge wain masine tua. Dewa katanya, sat mauri ay at yud gafanud fag taw, fagayu nusnge wain we masine, aroro at amatanganan mauri way,