Ruma 2:14 - Fanawbuid tagsibaliwas Fakayabian

¹⁴ At yud Udyu fag ngay taw dewa yud nasaful Muisis at Faugali, ay gfaning tua kafag Faugali, kanya fagayu gfalag te, saful tua gfakamulun at matuyan.

Ruma 2:14 ပူးပေါင်းရင်းမြစ်များ

Fakamulun 10:35

Dius kaylat dewa ndaginan fag talun at taw nu gsuyu tua anya ay gfakamulun at matuyan.

Fakamulun 14:16

Ebi at kinlangfe fag ngay buknga Dius nafabayan wan fagayu taw sas fagdaul daga laman gfaning at ngay mesa fakaylatun.

Fakamulun 17:30

Ebi taguna fag ngay buknga Dius wa nasalag taw at fagyudun e fagsafulun. Ay katsi Dius nasugu sas fagayu taw te, Ubuni wan ay ngay asalanan.

Ruma 1:32

Kanya fag ngay taw nasaful oma te, fagayu ban tagfakamulun takatanya, Dius gfaurianan sas fakabulun. Dewa katanya, kanya fagayu gfataglayun gugali takatanya, ay guseganan nu nalag tibak taw nu gfakamulun takatanya.

Ruma 2:12

Fagayu taw tagasalanan at yud nasaful Muisis at Faugali, umfaurianan, bunwa te, aroro wa nafaning kafag Faugali. Ay fagayu taw at nasaful kafag Faugali, ay gfataglayun way gasalanan, kanya umfaurianan aroro wa gfaning.

Ruma 2:15

Aroro siginan takatatuy, yud Udyu fag ngay taw nafalag te, siwa at ngay amatanganan nu marirukan Muisis at Faugali fag ngay suguan. Tagfatuyan sa kafag ngay taw, at ngay amatanganan wan; tibaginan at amatanganan gfatuyan te, mauri at ngay fakamulun, ay tibaginan gfatuyan te, masine tua.

Ruma 2:27

Nu katanya, at yud e fakatoglagan fag taw tagfaning tua Muisis at Faugali, kanya ban namatuyan te, ngay tagasalanan am. Aroro am wan at fagfatigwanan Muisis at Faugali, ay at ke fakatoglagan, dewa katanya kamabo way am.

1 Kurintu 11:14

O nunda wam nasaful te, wa maugali sik mangama tagfaba at buk, ay takatanya mapla way?

1 Kurintu 9:21

Ay katanya yangay kaduge au gfadgaloan yud Udyu fag ngay taw, at yud gfaning Muisis at Faugali, kwa yangay gugali gfaning kafag Faugali, laman mafataban au anya fagayu sas fagafanudun. Bunwa te, kwa gfaning ya Dius at faugali, nu bunway aroro gfaning au tam Fun Isus at faugali.

Efesu 2:12

Amatangani ay kayaunanan ebi, yam ansadi si tam Fun Isus, ay wam katap sas talun Israel at ngay taw, ay wam e afud Dius at fatuyanan sas taw Israel. Wam e fagsafulun sabaliwas Dius ay wam e fagsegun fakalangfean.

Efesu 2:3

Ebi gfakamulun yangay tam at mauri kata kafag ngay taw, ay gfaning tam tam bilug ay tam amatanganan at fakaylatun. Ay satu umfaurianan tam gasfuan kanya fag ngay taw.

Deuterunumyu 4:7

We tibak taw at mabalyanan at ke dius at munakbang gugat, kata Yawi tam Dius nu munakbang si antam galay tam guro anya.

Filipus 4:8

Ku ngay faduksay, sat fakatabuan, fabanwani si ay amatanganan at matuyan, ay at mauseganan, ay at yud e kalong, ay at masine, ay at maksvn nu maylat.