Ruma 2:11 - Fanawbuid tagsibaliwas Fakayabian

¹¹ Aroro Dius di e fagfili taw.

Ruma 2:11 ပူးပေါင်းရင်းမြစ်များ

2 Krunika 19:7

Suyui tua Yawi, ay matuyani tua nu gfawabilugan am, aroro Yawi tam Dius wa kaylat fagmatuyanun nu kalyam, ay nu e fagfili nu gfawabilugan, ay nu gbul famayad gina gfawabilugan.”

Ub 34:19

Kanya di e fagfili fagayu funan, ay wa yangay e fagfadiugananun at maramraman man ay at yud e kwa aroro sia way at nawat way anya fagayu.

Mateu 22:16

Ay kafag ngay taw Fariseu nasugu at ngay tagadal sas Isus gasfuan fun Erudes at ngay taw ay nalong te, “Takamoyung, saful ami te, matuyan tuo, ay matuyan nu gfoyung o Dius at fakaylatun, ay di o gamatangan nusnga setaw taw at longan, ay di o e fagfili nusnga sinu fag taw.

Lukas 20:21

Ay kafag ngay fagsuguan nainto sas Isus te, “Takamoyung, saful ami te, matuyan am foyungan, ay gsudsudan am foyungan sas fagayu taw, ay di o e fagfili nusnga sinu fag taw, ay matuyan nu gfoyung o Dius at fakaylatun.

Fakamulun 10:34

Ay Pedru gfasigad gfoyung te, “Katsi nasaful au te, Dius we fagfili taw.

Ruma 9:14

Nu katanya, nataw tam longan? O glong tam te, Dius wa matuyan? Ida, duan.

Galasya 2:6

Dewa katanya, ngay tagafanud at ngay tagfangguna we nafamut ya ku foyungan. Baliwan nu sa angku, nusnga sinu fag taw gsud way, aroro Dius we fagfili.

Efesu 6:9

Am fag ngay tagfayafun, masinei tua sa ay ngay fagsuguan, lag gfalimuanan anya, aroro nasaful am te, am ay ay fagsuguan sadi way ay Fun sis banwa, at yud e fagfili taw.

Deuterunumyu 10:17

Aroro ay Dius Yawi, gtungud tua tibak dius ay tibak fun. Kanya at mabalyanan tua ay at madulo fag Dius. Kanya di e fagfili ay wa gbul famaylatan fag famonun.

Deuterunumyu 16:19

Kanya nangus fagayu nu gfawabilugan di gfainbalian at matuyan, ay di e fagfadiugananun. Ay lag gbul famayad, aroro takatanya gsalag way at ke fagsafulun, ay gfaurianan at matuyan, ay gfaylatan sat ngay algan.

Kulusas 3:25

Tagfakamulun at mauri gafaurianan ban aroro Dius we fagfili taw.

1 Pedru 1:17

Amatangani te, ay fagsegan fag Mama di e fagfili. Kanya ban namaurianan ay mannga namon at masine sas galay at sadi kata at nafakamulun. Nu katanya, ugalii tua at masine ay at matuyan, ay faningi anya kaduge am gbanwan ste swa daga.