Ruma 2:10 - Fanawbuid tagsibaliwas Fakayabian

¹⁰ Dewa katanya, Dius ban gfon fagmasineun, ay famauseganan, ay fagmanabayanun, sas fagayu taw tagfakamulun tua at masine, taw Udyu taguna ay anggan yud Udyu fag ngay taw.

Ruma 2:10 ပူးပေါင်းရင်းမြစ်များ

Ub 22:21

Faningi Dius ay asadii sa anya, laman kanya gfon emu fagmabayanun.

Alubad. 15:2

Ay Yawi gbalus te, “Ngay taw at manangakbang sa angku e ngay ugali takatatuy: Gugali at masine, ay glong at matuyan siginan at amatanganan at masine,

Alubad. 29:11

Yawi gfon fagmabitsugun sat ngay taw ay gfon yangay fagmanabayanun.

Alubad. 37:37

Damai at matuyan fag taw. Kanya ban manabayan tua nu gbanwan.

Fangatulun 11:18

At mauri fag taw wa magbilug at matuyan fag fanggalangun, dewa katanya, at matuyan fag taw, mul tua at matuyan fag fanggalangun.

Fangatulun 8:18

Makatu au gfon ramraman, famauseganan, fagekwaun ay famabo.

Isayas 26:12

Yawi, nafae fagmanabayanun tuo emi, aroro fagayu em nafakamulun, siginan tua am gubuk.

Isayas 32:17

Ay fagmatuyanun at rawvg, fagmanabayanun, ay di e fagafanawaun kabavn ban.

Isayas 48:18

Nu nafaning di am ku ngay suguan, anke fagmanabayanun tua ro am, kata sik familugan mamam, ay anke fagmatuyanun tua ro am kata sik lugwak sis tigyangan dagat.

Isayas 48:22

Dewa katanya, Yawi glong te, “At mauri ban fag taw we fagmanabayanun.”

Isayas 55:12

Am fag ngay taw Israel, duksuni useganani siginans talun Babilunya, aroro Dius wan tagufud ayu. Ngay buksul ay ngay fungsu kata sik ngay taw tagalubad guseganan. Ay fagayu fun kayu kata wa sik ngay taw tagfantalaptapan.

Isayas 57:19

Ay nu katanya, kanya ban fagayu sumeg angku. Ay dewa tangayayu ay at munakbang, namae fagmanabayanun kban anya, ay gfafia kban anya fagayu. Au, Yawi, taglong tuy.

Eremyas 33:6

“Dewa katanya, sik menit ban namadasug au fagmafianun stae fag furuan daul ay sat ngay tagbanwan. Ay kanya ban fag ngay taw nu gbanwan maramraman tua ay manabayan.

Tap 6:26

ay guseganan nangus ayu ay gfae fagmanabayanun.’

Mateu 10:13

Ay sanya fag bale at ngay taw nu gfasakbo tua ayu, darangini laman Dius gfae fagmanabayanun anya fagayu. Ay nu dway gfasakbo ayu, Dius at fagmanabayanun kafoli sa ayu.

Lukas 1:79

laman nandamlag ngay taw tagsi yay sad dulum, ay takalimu sas fakabulun, ay laman namoyung ban antam, laman tam darafa lumao sat manabayan fag dalan.”

Lukas 12:37

Mauseganan ngay fagsuguan at mafuloan tua gugat gfanya at tagfayafun nu kadasug. Matuyan nu glong au ayu te, at tagfayafun namalganan at sadili ay namalunggung at ngay fagsuguan ay namon anya at yafun.

Lukas 19:42

ay nalong te, “At masine nu nasaful di o katsi te, nataw tagfae fagmanabayanun emu. Ay duan, ansuksuk wan at masuad sa emu.

Lukas 22:14

Nu ndasug wan at fanyafunan fag buknga, Isus malunggung sis fagfangonan magamut at ngay nasugu.

Lukas 9:48

Ay Isus glong sat ngay tagadal te, “Nusnga sinu tua takaylat tuy fag sisian sirut aroro kesug angku, kaylat yangay angku, ay nusnga sinu takaylat angku, kaylat anggan at nasugu angku, aroro nusnga sinu si ayu tiba daga katsi, kanya tua ban tiba tungud.”

Uan 12:26

Nusnga sinu takaylat nangafagsuguanan angku, aloi angku. Ay nusnga nday au, anggan kanya sanya yangay. Ay ku Mama gfauseganan nusnga sinu tagfaning angku.

Uan 14:27

Lag am gafanawa ay lag kalimu, aroro gfamato au sa ayu fagmanabayanun. Ku fon sa ayu fag fagmanabayanun, di kata tagste sfagdaul daga at fon fag fagmanabayanun.

Uan 16:33

Nafoyung au ayu takatanya laman e fagmanabayanun tuam siginan ay fagmasadiun sa angku. Dumalan ban am fagidapun ste swa daga, ay dewa katanya, faksvni ay amatanganan, aroro nababo kwan at mauri ste swa daga.”

Fakamulun 10:35

Dius kaylat dewa ndaginan fag talun at taw nu gsuyu tua anya ay gfakamulun at matuyan.

Ruma 14:17

Dius nu gfagtainan taw wa siginans fakonun ay fanginum, nu bunway siginan tua nu gbanwan matuyan ay manabayan, ay at ke fagusegananun siginan at Masine fag Falad.

Ruma 15:13

Dius wan tagfon fagsegun, ay ku darangin te, kanya yangay nangus tagfon ayu fagusegananun ay fagmanabayanun aroro gafanud tuam sa anya, laman maksvn tua ay fagsegun siginan at Masine fag Falad at fagmabalyananun.

Ruma 2:7

Ay Dius ban gfon leleg at yud e fakatabuan, sa sangay taw tagfakamulun tua gugat at masine, laman grvbvy fagmasineun, ay famauseganan, ay fagyudun kabul.

Ruma 2:9

Ay kanya ban fag ngay taw mauri umdasug sas fagidapun ay sas fakabulun, ngay taw Udyu taguna ay anggan yud Udyu fag ngay taw.

Ruma 5:1

Nu katanya, dakngani antap watam kata nu yud tam e asalanan siginan tam fagafanudun, e fagmanabayanun tua tam sas Dius siginan tam Fun Isus.

Ruma 8:6

Tagamatangan gugat sabaliwa at bilug at fakaylatun, at fakadasugan ban sa ways fakabulun. Ay tagamatangan tua gugat sabaliwa at Masine fag Falad, kanya ban e leleg tua ay e fagmanabayanun.

Ruma 9:21

O nunda sik takawat tikung wa mawat duak tikung, at sadi sik masine fia ay at sadi sik maugali way, siginan at fangawat fag lutuk?

Ruma 9:23

Dius nafakamulun katanya laman gfalag sat fakafanyun fag ngay taw te, kamabalyanan nya. Siginan yay ebi, Dius nafili anya fagayu laman at fagnamausegananun.

Galasya 5:22

Dewa katanya, katatuy tua takalag si sik taw at leleganan siginan at Masine fag Falad at gubuk: kanya mafangesug tua, ay guseganan, ay manabayan, ay magwanta, ay mafangafanyu, ay e fagmasineun, ay mafamaning,

Galasya 5:6

Aroro nusnga sinu at kinsadi sa tam Fun Isus, we tungkul ya dewa e fakatoglagan ay yud e fakatoglagan. Nu bunway, at mafanud, ke fagafanudun tua takalag sit fakamulun siginan nu mafangesug.

Filipus 4:7

Nu katanya, Dius at yud e gfasud at fagmanabayanun tagdiri ay amatanganan siginan ay fagmasadiun sa tam Fun Isus.

1 Timuteu 1:17

Sadi way tam Dius at mabalyanan, at yud e fakatabuan fag Fun, ay at yud kabul, ay at yud kalag. Kabavn segi anya. Anud.

Ebreu 2:7

Wa glugo sirut nafababa o at kamafanudan, ay wa kamafanud ya ngay tagbarita, dewa katanya, nafon tuo sa anya fagayu sik fagmasineun ay sik famauseganan kata nu sik fun,

Santiagu 2:22

Amatangani te, kanya e fakamulun tua at masine gasfuan at fagafanudun. At fagafanudun kasakan wan aroro kalag sit fakamulun.

Santiagu 3:13

Sinu si ayu at ke fagsafulun ay at mamatanganan? Kanya, falagi sat ngay iba at fagsafulun siginan at matuyan fag fakamulun ay fakamababaunun.

1 Pedru 1:7

Gintu dewa mafanud, namadalan sasad afuy laman sumaful te, o matuyan. Ay ay fagafanudun tagtungud tuas gintu, gfadalan yangay sas famaskud, laman umsaful te, o matuyan. Ay nu matuyan tua, e gfauseganan ban ayu, ay e gfae fagmasineun gina ban Isus, Dius at nafili fag Fun, andasug.

1 Pedru 5:4

Ay nu ndasug ban Tiba Tungud fag Tagalaga tupa, kanya namauseganan ayu kabavn ban.

1 Samwel 2:30

Au Yawi, Israel at Dius, ebi nafatuyanan au te, am mangaguyang way lang ban at ngay kasugfunanan at namakamulun sa angku laman sik ngay tagfon fanggalangun. Ay katsi duan ya, aroro gfauseganan au tagfauseganan angku, ay gfaurianan kway tagfauri angku.