Ruma 16:3 - Fanawbuid tagsibaliwas Fakayabian

³ Longi sas Prisila ay Akila fag dadwa te, O manabayan tuam? Kanya ku faudgufudan gfakamulun sa em fagmasadiun sa tam Fun Isus.

Ruma 16:3 ပူးပေါင်းရင်းမြစ်များ

Fakamulun 18:26

Kanya maseganama nu kamoyung sis taw Udyu at bale fakafulan. Ay Prisila ay Akila nu nadungug, kanya nataban Apulus laman kanya gfayamag at fagyudun yay saful fag foyungan sabaliwas Dius.

Ruma 16:10

Ay longi yangay sas Apeles te, O manabayan tuo? Kanya tam fagtoglagun at matuyan fag tagafanud sa tam Fun Isus. Ay longi yangay sas Aristobulu fag bale te, O manabayan tuam?

Ruma 16:4

Kanya fag dadwa at leleg si was fakalimuun aroro sa angku. Ay bundi au lang taguseganan, nu bunway anggan tua at yud Udyu fag ngay tagafanud.

Ruma 16:7

Longi yangay sa ku ngay kaiban fag duama Andruniku ay Unya te, O manabayan tuam? Kafag duama ku ufud sis fagubungan. Ay kanya at kintoglag te, at maseganama fag ngay nasugu, ay naguna tua angku nu gafanud sa tam Fun Isus.

Ruma 16:9

Ay longi yangay sas Urbanu te, O manabayan tuo? Kanya tam faudgufudan sa tam Fun Isus at fakamulun, ay anggan sa ku fakesugun ku fagadgalangan Estakis.

Ruma 8:1

Nu katanya, at kinsadi sa tam Fun Isus, kanya ban di gafaurianan.

Ruma 8:11

At Masine fag Falad nafaleleg Isus tam Fun siginan at fagmabulanan. Ay kanya gfaleleg yangay ban ay ngay bilug takabul, aroro kanya gbanwan tua si ayu.

Ruma 8:2

Siginan at Masine fag Falad at fagmabalyananun, kanya wan tagfaleleg angku sa tam fagmasadiun sa tam Fun Isus, kanya nafalfas angku siginans asalanan ay fakabulun at fagmabalyananun.

1 Kurintu 16:16

faningi tua takata kanya fag ngay taw, ay tiba yak taw takata anya taginlufuyan gfakamulun.

1 Kurintu 16:19

Ay fagayu tam faduksay sis Asya glong ayu te, O manabayan tuam? Ay anggan Akila ay Prisila ay tiba yak tagafanud at nangaful gugat sit bale takata yangay ayu at kinsadi sa tam Fun Isus, glong yangay te, O manabayan tuam?

2 Kurintu. 12:2

Labi ufat wak banwa at kinlangfe, tam Fun nabuba angku sas fatuluk lanib banwa. Ginanya sik tagafanud kwan sa tam Fun Isus. Kwa nasaful fia te, o kanya sik taginfan way ay o mannga bundi, Dius way lang tagsaful.

2 Kurintu. 5:17

Nu katanya, nusnga sinu at kinsadi sa tam Fun Isus kanya sik bagu tua fag taw. Naubun wan ebi ataw at ugali; katsi at ugali bagu wan.

Galasya 1:22

Ay ginanya, sis talun Udea fag ngay tagafanud sa tam Fun Isus ya natoglag angku.

Filipus 2:25

Ay namatangan au te, gfauli kwa sa ayu Epafruditu, ku faduksay sa tam Fun Isus, ay ku faudgufudan yangay sa ku fakamulun, ay ay nasugu laman taggubuk angku.

Kulusas 4:11

Tam faduksay Isus at ngayan yangay te, Ustu, glong yangay ayu te, O manabayan tuam? Kanya way lang fag tulu iste ku faudgufudan taw Udyu tagfoyung sabaliwas Dius nu gfagtainan. Ay kanya wan tagfabitsug ku amatanganan.

2 Timuteu 4:19

Longi sas Prisila ay Akila, ay anggan sas Unesifuru fag bale te, O manabayan tuam?