Ruma 15:3 - Fanawbuid tagsibaliwas Fakayabian

³ Dius at nafili fag Fun wa narvbvy at sadili fakaylatun, nu bunway kata at Rirukan te, “Tagfalingun emu, at fagfalingunun au wan.”

Ruma 15:3 ပူးပေါင်းရင်းမြစ်များ

Alubad. 69:20

Anmomuy au ay ankuri kanya fag ngay taw at nafakamulun sa angku. Nafamanyan koma te, o wa ro gayvd e nfanyu ya angku, ay nusdi sadi we nfanyu angku. Gfanya au at namasun angku, dewa katanya, we nanamasun ya angku.

Alubad. 69:9

Maksvn nu kesug au am bale kata sik afuy tagigang si ku basad. Ay galay ngay taw gfalingun emu, gidapan au gamatangan.

Mateu 10:25

Sak wan sik tagadal nu nkata wan at takamoyung, ay sak wan sik fagsuguan nu nkata wan at tagfayafun. Ay nu e nafangayan sik fagyafunan at fun te, Lango at Fun, kaugat wan at ngay fagsuguan nu gafalingunan.

Mateu 26:39

Ay Isus nalo yay sirut ay namalub sas daga ay gdarangin te, “Mama, nu masine di, buli siginan angku ku fagnandalanun ban fag faurianan. Dewa katanya, lag gfaning ku fakaylatun, nu bunway fadasugi am fakaylatun.”

Mateu 26:42

Ay Isus gdog yay nalo sat dayu ay gdarangin yay te, “Mama nu dway masine gbul tuy fag faurianan siginan angku yakmay au nadalan, umfasludan nangus am fakaylatun.”

Mateu 27:44

Ay anggan kafag duak tagfangkamul at kintuktuk gasfuan Isus, gfalingun yangay.

Uan 15:10

Nu gfaning tuam ku ngay suguan, gbanwan tuam sa ku fakesugun, kata nu gfaning au ku Mama at ngay suguan ay gbanwan sat fakesugun.

Uan 15:24

Nu dyaman au nafakamulun at yud e mafafakamulun fag ngay madulo si sangay taw at daga salubangan, kanya ro fagayu we asalanan. Dewa katanya, kanya fagayu nalag oma ku nafakamulun ay kauri way angku ay ku Mama.

Uan 4:34

Isus nafayamag sat ngay tagadal te, “Ku fakonun namakamulun au at nasugu angku at fakaylatun, ay namatabu au at fafakamulun sa angku.

Uan 5:30

“Kwe fagmafakamulunun sa ku sadili. Gfaning au ku Mama nu ginsaful au taw at asalanan, ay matuyan ku fakamulun nu ginsaful au taw at asalanan, aroro bundi ku sadili lang fakaylatun ku fagfaningun nu bunway at nasugu tua angku at fakaylatun.

Uan 6:38

Aroro ku fagindagaun siginans banwa kwa namakamulun ku sadili fakaylatun nu bunway at nasugu tua angku at fakaylatun.

Uan 8:29

Ay at nasugu angku gufud tua angku. Kanya di gfabayan angku gsesadian, aroro kabavn gfakamulun au tagfauseganan anya.”

2 Kurintu. 8:9

Aroro nasaful wam te, kaksvn nya tam Fun Isus at fagmagalangun. Dewa kanya maramraman, kanya naubun at fagmaramramanun aroro sa ayu, laman umramraman am siginan at fagyudun e kwa.

Filipus 2:5

Famababauni tua kata tam Fun Isus.

Filipus 2:8

Nu katanya, kanya gina sik taw nafamababaun tua, ay sik tagfaning fia anggan anbul sas fasulungan kayu.