Ruma 13:8 - Fanawbuid tagsibaliwas Fakayabian

⁸ Lag am e bedan sas nusnga sinu. Ay bedan ang yakman edkesugani. Aroro nusnga sinu takesug tua at iba gfaning Muisis at Faugali.

Ruma 13:8 ပူးပေါင်းရင်းမြစ်များ

Mateu 7:12

“Ay nusnge wain ay fakaylatun ay iba at fakamulun sa ayu, katanyai yangay ay fakamulun sa anya. Aroro katanya Muisis at Faugali ay Dius at ngay taglong at rirukan at masuad.

Uan 13:34

Gfoyung au ayu sik bagu fag suguan te, edkesugani. Kata nu kesug au ayu, edkesugani yangay.

Ruma 13:10

Sik taw nu saful tua kesug, di gfakamulun at mauri sat iba. Aroro fakesugun wan famafasludan Muisis at Faugali.

Ruma 13:7

Galay am at sadi foni nusnga seyu ay fagfonun. Ay foni tua famayad sa ay funan, ay suyui nusnga sinu tam fagsuyuun, ay fauseganani sas nusnga sinu tam fagfausegananun.

Galasya 5:14

Aroro Muisis at Faugali fagdaul ansadi sa sik suguan te, “Esugi am iba kaksvn nu kesug o emu.”

Kulusas 3:14

Tagtungud sas fagayu, edkesugani aroro fakesugun wan tagfutus sat matuyan fag fagmasadiun.

1 Timuteu 1:5

Ku foyungan at masuad te, laman kedkesugan tua tam siginan at masine fag amatanganan, ay siginan at matuyan fag fagafanudun.

Santiagu 2:8

Masine tua ay fakamulun, nu gfaning tuam tam Fun at suguan at marirukan sit Longan te, “Esugi am iba kaksvn nu kesug o emu.”

1 Uan 3:10

Kata tuy tam fagsafulan te, sinu Dius at ngay sisian ay sinu Satanas at ngay sisian: nusnga sinu at yud gfakamulun at masine, ay at yud kesug at faduksay, kanya bunwa Dius at sisian.