Ruma 13:4 - Fanawbuid tagsibaliwas Fakayabian

⁴ Aroro tam ngay funan ste swa daga Dius at ngay fagsuguan laman sam fagmasineun. Dewa katanya, nu gfakamulun wayo at mauri, alimui tua, aroro anud kanya e fagmabalyananun, ay Dius yangay at fagsuguan laman gfaurianan tagfakamulun at mauri.

Ruma 13:4 ပူးပေါင်းရင်းမြစ်များ

1 Fun 10:9

Segi Yawi am Dius aroro nafili emu laman sik fun sis Israel. Aroro Yawi kesug ngay taw Israel kabavn, kanya nafasik fun emu, laman namakamulun tuo at masine ay at matuyan.”

2 Krunika 19:6

Ay kanya nalong sa kafag ngay tagwabilug te, “Nu nanwabilug am, amatangani tua fia, aroro bundi sas taw nu gfawabilugan am nu bunway sa tuas Yawi, tagsi ayu gina am gfawabilugan.

Fangatulun 16:14

Sik fun nu ndotama way, tibaginan e kabul fia, nu katanya, ke fagsafulun fag taw gugatan tua gfalukmeanan at fun.

Fangatulun 20:2

Sik fun nu kadotama malimu kata sik liun nu gsubang. Ay nu nafauri way o anya, gfabul emu.

Fangatulun 20:26

Sik fun at ke fagsafulun nu namaurianan wan, ginsaful yay fia te, sinu at nafakamulun mauri, sanya ginan long, namaurianan wan.

Fangatulun 20:8

Taginsaful nu sik funan way, taguna ginsaful yay te, sinu at ke mamalong.

Isayas 1:17

Ananadi fakamuluni at masine, ay ugalii at matuyan. Ay gubuki fagayu tagafalingunan. Fasudsudani tua nu ggubuk am dewa sat yud e fagtainan ya. Ay lag gfabayan ngay fagbubayun nu gafalingunan.”

Eremyas 5:28

Kanya fagayu antaglu ay anbitsug, ay maksvn nu gfakamulun at mauri. Ay wa gfon fagmasineun sat yud e fagtainan ya, ay wa kafanyu ya at yud e kwa.

Esekyel 22:27

Ay kafag ngay taw at fun kata sik ngay idu talun. Kanya fagayu nanfamabul laman kae salapi.

Esekyel 25:14

Namasud kban sa sangay taw Edum siginan nu gagbilug au ku ngay taw Israel. Ay kanya ban fagayu namaurianan Edum kaksvn nu kadotama au sanya fag ngay taw. Ay ngay taw Edum ban sumaful nu setain nu namasud au anya fagayu. Au, Fun Dius Yawi, taglong tuy.”

Mikas 3:9

Am fag ngay tagfangguna sis Israel ay sis Uda, dungugani! Wam gfafasludan fagmatuyanun ay wam gfae masuad at matuyan.

Ruma 12:19

Ku ngay fakesugun, lag am gfasud tagfauri ayu, nu bunway fabayani wan Dius at namasud. Aroro katatuy at Rirukan te, “Tam Fun nalong te, ‘Au waban tagfasud, ay au waban tagfafoli.’ ”

Ruma 13:6

Katanya yangay at masuad ay fagfonun sa tam ngay funan sik famayad. Aroro tam ngay funan ste swa daga nu gugatan tua gfakamulun at fanambagun, kanya Dius at fagsuguan.

1 Tesalunika 4:6

Lag am gfakamulun takatanya sa ay faduksay, aroro tam Fun gfaurianan nusnga sinu tagfakamulun at mauri, kata em nalong ay em nafararang wan sa ayu ebi.

Uswe 20:5

Ay takaylat namasud nu nasanya way fag furuan, ngay tagfangguna wa gfon at nafamabul sa kafag ngay taw, abat ngate gfadiuganan way at nafamabul fag taw, aroro dewa namafabul, bunwa at algan, ay wa yangay siginan at dotama.

Uswe 20:9

Kayunya at nafili ngay furuan laman ngay taw Israel ay at ngay betaw at fagnanuksuanan. Ay nusnga sinu at nafamabul nu ddi at algan, masine kanya nu nanuksuan sanya fag ngay furuan at sadi, laman at namasud sa anya wa mafabul kaduge yud ansine sa kafag ngay taw at daga salubangan at mamalong.

1 Pedru 2:14

ay anggan tam ngay funan ayu sirut. Dius nasugu kanya fagayu laman gfaurianan nusnga sinu tagfakamulun at mauri, ay gfauseganan nusnga sinu tagfakamulun at matuyan.